Skessuhorn - 03.05.2017, Qupperneq 14

MIÐVIKUDAGUR 3. MAÍ 201714
Grundarfjarðarbær
Lausar stöður á Leikskólanum Sólvöllum
Leikskólinn Sólvellir er þriggja deilda leikskóli með um 55 nemendur á aldrinum 1-5 ára.
Skólinn starfar eftir viðurkenndum hugmyndum og kenningum í uppeldisfræði.
SK
ES
SU
H
O
R
N
2
01
7
Leikskólastjóri
Leikskólastjóri ber fag- og rekstrarlega ábyrgð á starfi skólans. Leitað er að
einstaklingi sem hefur skýra sýn í skólamálum og er reiðubúinn að leita nýrra
leiða í skólastarfi.
Menntunar- og hæfniskröfur:
Leikskólakennaramenntun og kennslureynsla er skilyrði
Framhaldsmenntun á sviði stjórnunar er æskileg
Frumkvæði, metnaður, skipulagshæfni og leiðtogahæfileikar
Hæfni í mannlegum samskiptum
Nánari upplýsingar veitir Sigurlaug R. Sævarsdóttir, skrifstofustjóri, í síma
430 8500 eða með því að senda fyrirspurnir á sigurlaug@grundarfjordur.is.
Umsóknir sendist á framangreint netfang eigi síðar en 28. maí 2017.
Ráðið er í starfið frá 1. ágúst nk. Með vísan til laga um jafnan rétt kynjanna eru
karlar jafnt sem konur hvattir til að sækja um starfið.
Umsóknum um starfið skal fylgja greinargott yfirlit yfir menntun, fyrri störf,
meðmælendur og annað sem umsækjandi telur máli skipta.
Deildarstjóri
Matráður
Ráðið er í störf deildarstjóra og matráðs frá 8. ágúst 2017 eða eftir samkomu-
lagi. Með vísan til laga um jafnan rétt kynjanna eru karlar jafnt sem konur
hvattir til að sækja um störfin. Sjá nánar á www.grundarfjordur.is.
Launakjör eru samkvæmt kjarasamningi Sambands íslenskra sveitarfélaga og
viðkomandi stéttarfélaga. Farið er fram á að umsækjendur allra starfa hafi
hreint sakarvottorð.
Umsóknarfrestur allra starfa er til 28. maí nk.
Öldungamót Blaksambands Íslands
fór fram um síðustu helgi í Mos-
fellsbæ undir heitinu Mosöld. Leik-
ið var víðs vegar um Mosfellsbæ og
einnig á Kjalarnesi, en um 160 lið
tóku þátt í mótinu og hátt í 500 leik-
ir voru spilaðir. Liðsmenn eru 30 ára
og eldri.
Bresi, blakfélag ÍA, tók þátt í
mótinu og sendi fjögur lið til þátt-
töku í mismunandi deildum. Eitt lið
keppti í 4. deild kvenna, en féll og
leikur því í 5. deild á næsta ári. Ann-
að lið keppti í 5. deild og hreppti
silfurverðlaunin en mun leika í sömu
deild á næsta ári. Þriðja liðið keppti í
9. deild kvenna og átti afar gott mót.
Það sigraði alla leiki sína með góðu
stigaskori, tryggði sér gullið og fór
upp um deild. Þá sendi Bresi einnig
lið til keppni í 10. deild kvenna og
var það aðeins skipað nýliðum sem
byrjuðu að æfa í vetur. Voru allir
liðsmenn að keppa á sínu fyrsta móti
og eru reynslunni ríkari.
„Öldungamótið var stórskemmti-
legt og vonandi getum við fengið að
halda það einn daginn,“ segir Sædís
Alexía Sigurmundsdóttir, formaður
Bresa og liðsmaður gullverðlauna-
liðs Bresa í 9. deildinni. Hún segir
starf félagsins gott um þessar mund-
ir. „Við erum um 30 konur, fastur
kjarni, sem æfum blak að staðaldri
hjá Bresa en horfum til frekari upp-
byggingar á næstu árum og erum að
leita að þjálfara um þessar mundir,“
segir hún og hvetur alla áhugasama
til að kynna sér starfið. „Blak er
mjög skemmtileg íþrótt sem bygg-
ir á góðri liðsheild og fylgir mik-
il hvatning,“ segir Sædís Alexía að
lokum. kgk/ Ljósm. Breki.
Bresi átti góðu gengi að fagna á Öldungamóti
Lið Bresa sem vann til gullverðlauna í 9. deild Öldungamótsins 2017 og mun því
keppa í 8. deild að ári.
Silfurverðlaunahafar Bresa í 5. deild kvenna.
Óhætt er að segja að íslensku þætt-
irnir um Hið blómlega bú hafi sleg-
ið í gegn hjá áhorfendum sjónvarps.
Hér er á ferðinni matreiðsluþáttur
sem skemmtir áhorfendum með
áhugaverðri sögu um ungan og
óreyndan bónda á smábýli sem um
leið kynnir íslenska matarmenn-
ingu og þá möguleika sem þar er
að finna. Upptökur hafa að mestu
farið fram í Árdal í Andakíl, en auk
þess hefur Árni Ólafur Jónsson,
sögumaður og matreiðslumeistari,
farið víða um héraðið og jafnvel
einnig út fyrir það.
Í hinu blómlega búi er fylgst með
því þegar kokkurinn Árni Ólafur
lætur draum sinn um líf í íslenskri
sveitasælu rætast. Hann starfaði
sem kokkur á Manhattan þar sem
hann lærði iðn sína, með sérhæf-
ingu í franskri matargerð. Í honum
blundaði þó alltaf þrá eftir því að
kynnast íslenskri matarmenningu
enn betur og þegar hann kynntist
framleiðendunum; Bryndísi Geirs-
dóttur frá Reykholti og Guðna
Páli Sæmundssyni manni hennar,
fóru hjólin heldur betur að snúast.
Þau Bryndís og Guðni Páll höfðu
lengi gengið með þá hugmynd að
gera þáttaröð þar sem áhorfandinn
kynnist því hvernig hægt er að lifa
á landinu, auk þess sem fjölbreytt
matvælaframleiðsla landsins væri
kynnt til sögunnar. Úr varð að þau
tóku á leigu jörðina Árdal og byrj-
uðu að taka upp.
Í þáttaröðinni notar Árni þá
þekkingu sem hann hefur tileink-
að sér í borgarlífinu og tvinnar það
samanvið nýjan lærdóm, sígildar
hefðir og hætti sveitalífsins til að
byggja upp sitt blómlega bú. Árni
gerir hvað hann getur til að fram-
leiða sjálfur fjölbreytilegt hráefni
á lítilli bújörð, hráefni sem hann
vinnur svo með í eldhúsinu. Árni
kynnir fyrir áhorfendum íslensk-
an landbúnað og tekst á við helstu
störf bænda í aldanna rás.
Síðastliðinn sunnudag var loka-
þáttur í nýjustu seríu þáttanna
sýndur. Lokaatriðið var tekið upp
í Þverárrétt og fylgdu meðfylgjandi
myndir með kynningu þáttarins.
Vert er að þakka framleiðendum og
Árna Ólafi fyrir sérdeilis skemmti-
lega og áhugaverða þætti. Þeir hafa
ekki einvörðungu fært landsmenn
nær borgfirskri matarmenningu,
náttúru, hefðum og skemmtilegu
fólki, heldur verða þeir auk þess frá-
bær landkynning því dreifing þátt-
anna er hafin víðar en á Íslandi.
mm
Hið blómlega bú hefur slegið í gegn
Minjastofnun tilkynnti síðastlið-
inn föstudag hvaða verkefni hljóta
styrk úr húsafriðunarsjóði á árinu
2017. Alls voru veittir 182 styrkir,
samtals að verðmæti rúmlega 168
milljónir, en sótt var um 257 styrki
fyrir samtals rúmar 772 milljónir
króna. Hæstu einstöku styrkirnir
voru veittir til verkefna tengdum
þremum friðlýstum kirkjum; Eyr-
arbakkakirkju, gömlu kirkjunnar á
Djúpavogi og Stóru-Núpskirkju,
eða fimm milljónir.
Á Vesturlandi var sótt um 21
styrk en níu voru veittir, samtals
að verðmæti 5,7 milljónir króna
og er það langlægsta upphæð-
in eftir landshlutum. Styrkirnir
eru; Hvanneyrarkirkja 500 þús-
und, Leikfimishúsið á Hvanneyri
600 þúsund, Sunnuhvoll á Akra-
nesi 700 þúsund, Gamla húsið í
Ferjukoti í Borgarfirði ein milljón,
Hlíðartúnshús í Borgarnesi 500
þúsund, Jósafatshús í Stykkishólmi
500 þúsund, Sýslumannshúsið í
Stykkishólmi 500 þúsund, Norska
húsið í Stykkishólmi 400 þúsund,
og gamla húsið á Sauðafelli í Döl-
um ein milljón króna.
Þá var veittur styrkur að verð-
mæti ein milljón króna vegna
Gufudalskirkju í Reykhólahreppi
og rannsóknarstyrkur vegna Litla-
Breiðabólsstaðar í Borgarfirði að
verðmæti 400 þúsund krónur.
kgk/ Ljósm. úr safni.
Minnst til Vesturlands
úr húsafriðunarsjóði
Gamla húsið á Sauðafelli í Dölum. Hvanneyrarkirkja.
Norska húsið í Stykkishólmi. Gamla húsið í Ferjukoti í Borgarfirði.