Skessuhorn - 25.10.2017, Blaðsíða 39

MIÐVIKUDAGUR 25. OKTÓBER 2017 39
Klettagörðum 15 | 525 7700 | flytjandi.is
DAGLEGA Á FERÐINNI MEÐ
VÖRUR UM ALLT LAND
Eimskip Flytjandi veitir samræmda flutningaþjónustu
um land allt og eru áfangastaðirnir 80 talsins.
Skallagrímur sigraði nýliða Breiða-
bliks, 78-69, þegar liðin mættust í
Domino‘s deild kvenna í Borgarnesi
síðasta miðvikudag.
Hraðinn var mikill í upphafi leiks,
margir tapaðir boltar og liðin tóku
nokkur erfið skot. Skallagrímskonur
höfðu undirtökin og leiddu 10-5 um
miðjan fyrsta leikhluta. Á seinni hluta
fjórðungsins náðu þær góðri rispu og
höfðu ellefu stiga forystu að honum
loknum, 23-12. Skallagrímsliðið var
ekki jafn sannfærandi í öðrum leik-
hluta og í þeim fyrsta og Breiðablik
gekk á lagið. Mikil stemning var í liði
gestanna sem minnkaði muninn í eitt
stig seint í öðrum leikhluta. Skalla-
grímur skoraði síðustu körfu hálf-
leiksins og leiddi með þremur stigum
í hléi, 35-32.
Skallagrímskonur komu ákveðnar
til leiks eftir hléið. Þær voru skipu-
lagðar í sínum aðgerðum og bjuggu
sér til auðveld skot. En Breiðabliks-
liðið hékk í þeim og þrisvar minnk-
uðu gestirnir muninn í aðeins fjögur
stig. Með góðri rispu undir lok þriðja
leikhluta náði Skallagrímur að auka
muninn í átta stig fyrir lokafjórðung-
inn, 56-48. Skallagrímskonur léku vel
í fjórða leikhluta og héldu Breiðabliki
í skefjum. Þær svöruðu svaraði hverri
körfu gestanna og gott betur en það.
Þegar þrjár mínútur lifðu leiks var
Skallagrímsliðið 13 stigum yfir og
svo gott sem búið að tryggja sér sigur
í leiknum. Breiðablik náði rétt aðeins
að klóra í bakkann á síðustu mínút-
unum. Skallagrímur vann með níu
stigum, 78-69.
Sigrún Sjöfn Ámundadóttir skilaði
laglegri þrennu í leiknum. Hún skor-
aði 19 stig, tók 10 fráköst og gaf 10
stoðsendingar. Carmen Tyson-Tho-
mas skoraði 22 stig, reif niður 19 frá-
köst og gaf 5 stoðsendingar. Jóhanna
Björk Sveinsdóttir var með 19 stig og
10 fráköst og Heiðrún Harpa Rík-
harðsdóttir skoraði 14 stig.
Var þetta annar sigur Skallagríms í
fyrstu fjórum leikjum vetrarins. Liðið
hefur fjögur stig og situr sem stendur
í 4. sæti deildarinnar með jafn mörg
stig og Snæfell í sætinu fyrir neðan.
Næst leikur Skallagrímur miðviku-
daginn 25. október næstkomandi
þegar liðið mætir Íslandsmeisturum
Keflavík suður með sjó. kgk
Sigrún með þrennu
í sigri Skallagríms
Sigrún Sjöfn sækir að körfunni í leiknum gegn Breiðabliki.
Ljósm. Kvennakarfa Skallagríms.
Snæfell vann góðan heimasigur á
Hamri, 105-102, þegar liðin mætt-
ust í fjórðu umferð 1. deildar karla í
körfuknattleik á sunnudaginn.
Snæfellingar áttu erfitt uppdráttar
í fyrsta leikhluta og gestirnir kom-
ust 13 stigum yfir eftir aðeins fimm
mínútna leik. Þeir héldu upptekn-
um hætti og leiddu með 18 stigum
eftir upphafsfjórðunginn, 13-31.
Hólmarar fóru yfir málin og mikil
batamerki voru á leik þeirra strax í
öðrum fjórðungi. Þeir settu góða
pressu á gestina og náðu góðum
kafla þar sem þeir skoruðu átta stig
í röð. Í hléinu munaði ellefu stigum
á liðunum. Hamar leiddi 44-55.
Gestirnir höfðu undirtökin eftir
hléið og náðu mest 18 stiga forskoti
á nýjan leik. En Hólmarar voru
hvergi af baki dottnir. Með afar
góðum kafla undir lok þriðja fjórð-
ungs tóskt þeim að minnka muninn
niður í fjögur stig fyrir lokafjórð-
unginn og leikurinn orðin galop-
inn á ný. Snæfell jafnaði metin í
82-82 snemma í fjórða leikhluta og
náðu síðan forystunni í fyrsta sinn í
leiknum. Hamarsmenn jöfnuðu en
Snæfell komst yfir að nýju og leiddu
með þremur stigum meira og minna
síðustu þrjár mínútur leiksins. Þeir
héldu vel á spilunum í lokin, gáfu
gestunum ekki færi á sér og sigldu
heim þriggja stiga sigri, 105-102.
Christian Covile fór á kostum í
liði Snæfells. Hann skoraði hvorki
fleiri né færri en 52 stig, tók 11 frá-
köst og gaf 5 stoðsendingar. Geir
Elías Úlfur Helgason kom hon-
um næstur með 15 stig og reynslu-
boltinn Sveinn Arnar Davíðsson
skoraði 14 en aðrir höfðu minna.
Julian Nelson var atkvæðamestur
gestanna með 38 stig og 8 fráköst.
Snæfell situr í 4. sæti deildarinnar
eftir fyrstu fjórar umferðirnar með
fjögur stig, jafn mörg og Fjöln-
ir í sætinu fyrir neðan. Næst leika
Hólmarar í deildinni föstudaginn 3.
nóvember næstkomandi, þegar þeir
mæta ÍA í Vesturlandsslag. Sá leikur
fer fram í Stykkishólmi.
kgk
Covile með 52 stig
í sigri Snæfells
Christan Covile átti magnaðan leik
fyrir Snæfell og skoraði 52 stig.
Ljósm. Haukur Páll.
Eftir góðan útisigur á Njarðvík
síðasta miðvikudag tók kvenna-
lið Snæfells á móti Stjörnunni í
Stykkishólmi á laugardaginn. Snæ-
fellskonum hefur gengið verr en
oft áður að sækja sigra á heimavelli
það sem af er vetri og engin breyt-
ing varð á því í leiknum á laugar-
dag. Snæfell átti erfitt uppdrátt-
ar sóknarlega og Stjarnan sótti
öruggan sigur í Hólminn, 55-72.
Leikurinn fór fremur hægt af
stað hvað stigaskor varðar. Bæði
lið lögðu áherslu á varnarleik og
því gekk hægt að safna stigum á
töfluna. Snæfell leiddi 6-4 eftir
fimm mínútna leik en þá urðu þát-
taskil í leiknum. Allt gekk upp hjá
Stjörnunni en ekkert hjá Snæfelli
og gestirnir náðu 20 stiga forskoti
áður en fyrsti leikhluti var úti, 10-
30. Lánleysi Snæfells hélt áfram í
öðrum fjórðungi og á löngum kö-
flum hefði liðið varla getað keypt
sér körfu. Skotnýtingin var aðeins
22% sem segir allt sem segja þarf
um sóknarleikinn. Á sama tíma da-
laði varnarleikurinn og Stjarnan
hafði 29 stiga forskot í hálfleik,
48-19.
Gestirnir voru með unninn leik í
höndunum og skipti litlu þó Snæ-
fellskonur léku betur í síðari hál-
fleik en í þeim fyrri. Þær unnu níu
stig af forskoti Stjörnunnar í þrið-
ja leikhluta og kroppuðu þrjú stig
til viðbótar af forystunni í þeim
fjórða. Það hafði hins vegar engin
áhrif á úrslit leiksins, til þess var
forskot gestanna of mikið. Stjar-
nan sigraði með 17 stigum, 55-72.
Kristen McCarthy var at-
kvæðamest leikmanna Snæ-
fells með 17 stig, 18 fráköst, 5
stoðsendingar og 6 stolna bolta.
Berglind Gunnarsdóttir skoraði 11
stig og tók 5 fráköst og Sara Diljá
Sigurðardóttir var með 10 stig og
5 fráköst.
Danielle Rodriguez átti stórleik
fyrir gestina og setti upp myndar-
lega þrennu. Hún skoraði 31 stig,
tók 14 fráköst, gaf 12 stoðsendin-
gar og var með 5 stolna bolta að
auki.
Snæfell situr sem stendur í 5.
sæti Domino‘s deildarinnar með
fimm stig eftir fjóra leiki, jafn
mörg stig og Skallagrímur í sætinu
fyrir ofan. Borgarnesliðið á þó leik
til góða.
Snæfell leikur næst á laugardag-
inn, 28. október, þegar liðið mætir
Val. Sá leikur fer einnig fram í
Stykkishólmi. kgk
Snæfell lá gegn Stjörnunni á heimavelli
Kristen McCarthy sækir að körfunni í
leiknum gegn Stjörnunni síðasta
laugardag. Danielle Rodriguez,
leikmaður Stjörnunnar, til varnar.
Ljósm. Haukur Páll.
Skallagrímsmenn urðu að játa sig
sigraða gegn Njarðvík B í síðasta
leiknum í 32 liða úrslitum Maltbik-
ars karla í körfuknattleik. Leikið var
í Njarðvík síðasta fimmtudag. Lið
Njarðvíkinga var afar vel mannað, að
stórum hluta skipað gömlum kemp-
um á borð við Magnús Gunnarsson,
Pál Axel Vilbergsson, Pál Kristinsson
og Gunnar Einarsson. Kempurnar
höfðu fimm stiga sigur á heimavelli,
100-95.
Fyrsti leikhluti var jafn og spenn-
andi og gaf tóninn fyrir það sem á
eftir kom. Aldrei munaði meira en
örfáum stigum á liðunum en Skalla-
grímur leiddi að upphafsfjórðungn-
um loknum, 21-24. Skallagríms-
menn komu ákveðnir til annars leik-
hluta og náðu átta stiga forskoti.
Njarðvíkingar spyrntu við fótum
og jöfnuðu í 36-36 um miðjan leik-
hlutann. Skallagrímur komst yfir að
nýju en heimamenn náðu að stela
forystunni með síðustu körfu fyrri
hálfleiks. Staðan í hléinu var 44-43,
Njarðvíkingum í vil.
Leikurinn var í járnum eftir hléið
og liðin fylgdust að framan af þriðja
fjórðungi. Undir lok leikhlutans
náðu heimamenn góðum kafla og
leiddu með sex stigum fyrir loka-
fjórðunginn, 65-59. Heimamenn
höfðu undirtökin í fjórða leikhluta
og leiddu með tíu stigum um hann
miðjan. Skallagrímsmenn náðu að
minnka það forskot niður í fimm stig
en nær komust þeir ekki og þurftu að
sætta sig við tap, 100-95. Bikarævin-
týri Skallagríms fékk því skjótan endi
þennan veturinn.
Zac Carter var stigahæstur Skalla-
grímsmanna með 32 stig en Eyjólfur
Ásberg Halldórsson var með 24 stig,
11 fráköst og 8 stoðsendingar. Dav-
íð Guðmundsson skoraði 12 stig en
aðrir höfðu minna.
Kunnugleg andlit voru Skalla-
grímsmönnum erfið í leiknum.
Magnús Gunnarsson, sem lék með
Borgnesingum síðasta vetur, skor-
aði 26 stig fyrir Njarðvíkinga og gaf
5 stoðsendingar. Páll Kristinsson gaf
honum lítið eftir með 24 stig og 10
fráköst og Páll Axel Vilbergsson, sem
lék tvisvar með Skallagrími fyrr á sín-
um ferli, skoraði 8 stig og tók 10 frá-
köst. kgk
Bikarævintýri Skallagríms fékk skjótan endi
Gamla kempan Páll Axel Vilbergsson átti
prýðisleik fyrir Njarðvíkinga þegar þeir
lögðu Skallagrím í bikarnum. Páll hefur
tvisvar leikið með Skallagrími á sínum
ferli, veturinn 1997-1998 og síðan árin
2013-2015. Hér má sjá sjá Pál á mikilli
siglingu í leik með liði Borgnesinga
haustið 2014. Ljósm. úr safni.
Árni Snær Ólafsson, markvörður
hjá meistaraflokki karla ÍA í knatt-
spyrnu, hefur endurnýjað samning
sinn við félagið til næstu tveggja ára.
„Árni er uppalinn hjá ÍA og er gríð-
ar mikilvægur fyrir liðið jafnt inn-
an vallar sem utan. Hann er 26 ára
gamall og spilaði sinn fyrsta deild-
arleik sumarið 2009. Frá 2014 hefur
hann verið aðalmarkmaður Skaga-
manna með stuttum hléum,“ segir í
tilkynningu frá meistaraflokki.
Árni er spenntur fyrir að takast
á við það verkefni sem framundan
er. „Það er gríðarlegur metnaður í
gangi hjá ÍA og spennandi verkefni
framundan við að koma liðinu aftur
í röð þeirra bestu. Ég vil svo sann-
arlega taka þátt í þeirri áskorun og
þar skiptir miklu máli að ég er ein-
faldlega með svo stórt Skagahjarta.
Ég hlakka líka til að starfa með nýj-
um þjálfurum liðsins, þeim Jóa Kalla
og Sigga Jóns, þar er öflugt teymi á
ferðinni,“ segir Árni Snær.
Jóhannes Karl Guðjónsson ný-
ráðinn þjálfari ÍA liðsins er að von-
um ánægður með þessi tíðindi:
„Árni er lykilmaður í Skagaliðinu og
hann hefur sýnt að auk þess að vera
feikna góður markmaður þá er hann
líka mikill leiðtogi á vellinum. Und-
ir stjórn Guðmundar Hreiðarsson-
ar markmannsþjálfara ÍA hefur Árni
náð miklum framförum undanfarin
ár og stimplað sig inn sem einn af
allra bestu markvörðum landsins,“
segir Jóhannes Karl.
mm
Árni Snær semur til tveggja ára við ÍA
Frá undirritun samnings við markmanninn til tveggja ára. F.v. Sævar Freyr Þráins-
son, Árni Snær Ólafsson, Jóhannes Karl Guðjónsson og Magnús Guðmundsson.
Ljósm. kfia.