Skessuhorn - 25.10.2017, Blaðsíða 4

MIÐVIKUDAGUR 25. OKTÓBER 20174
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.835 krónur með vsk. á mánuði. Elli- og örorkulífeyrisþegar greiða
kr. 2.457. Rafræn áskrift kostar 2.226 kr. Rafræn áskrift til elli- og örorkulífeyrisþega er 2.058 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Auglýsingar og dreifing:
Emilía Ottesen emilia@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Þurfa að uppfylla að
minnsta kosti fimm boðorð
Næsta laugardag förum við á kjörstað jafnvel þótt bíllinn sé varla orðinn
kaldur eftir síðustu ferð. Enn á ný skal freista þess að fá skarpari línur í
stjórnmálin. Vonandi verður eftir kosningar hægt að mynda starfhæfa rík-
isstjórn sem endist í fjögur ár. Ég spái því að þessar kosningar verði sögu-
legar. Einkum óttast ég að kjörsókn verði lítil. Kannski meiri en í kosning-
um til stjórnlagaþings, en minni en við eigum að venjast í kosningum til
Alþingis. Fyrir það fyrsta held ég að stór hluti ungra kjósenda muni snið-
ganga þessar kosningar. Almennt er lítill áhugi fyrir stjórnmálum í þeirra
röðum og fátt sem heillar. Þeir miðlar sem ungt fólk notar mest, snúast ekki
um stjórnmál og eru síst að kveikja áhuga fyrir umræðu um þau. Auðvitað
er grafalvarlegt ef ungt fólk sýnir kosningum lítinn áhuga, en að vissu leyti
skil ég það vel. Hjá eldra fólki gætir svo kosningaþreytu. Fólk sem ég hef
rætt við að undanförnu segist vera í miklum vandræðum með að gera upp
hug sinn. Það vill kjósa en sér ekki afgerandi mun milli stefnu flokkanna og
oftar en ekki er fólk farið að vega og meta hversu mikið eða lítið spilltir til-
teknir stjórnmálamenn eru. Umræðan snýst þannig ekki um málefni, held-
ur oftar en ekki um menn. Það er að sjálfsögðu grafalvarlegt þegar traust í
garð stjórnmálamanna er laskað og kannski hin raunverulega ástæða fyrir
að fólk forðast að ræða stjórnmál við kaffiborðið eða á vinnustöðum.
Í kosningunum nú höfum við val um að sveigja til vinstri, eða hægri, nú
eða aðhyllast flokka sem telja sig vera á miðju litrófsins. Reyndar held ég að
það sé enginn flokkur raunverulega á miðju. Við höfum annað hvort vinstri
flokka sem berjast fyrir félagslegum jöfnuði eða hægri flokka sem leggja
áherslu á að einstaklingurinn uppskeri eins og hann sáir. Einkenni þeirra til
vinstri er að skattleggja til að samneyslan verði hlutfallslega mikil, á með-
an þeir sem til hægri eru aðhyllast lægri skatta, frjálsræði á sem flestum
sviðum og að hver og einn bjargi sér sem best hann getur. Þeir vilja einka-
væða heilbrigðiskerfið, selja bús í mjólkurbúðum og draga úr miðstýringu.
Flokkar sem skilgreina sig á miðju reyna svo að telja okkur trú um að með
því að blanda saman því besta úr áherslum vinstri og hægri flokka fáist hinn
dásamlegi jöfnuður, meðaltal hins góða. Slíkir flokkar hafa í gegnum tíð-
ina ratað í ríkisstjórnir og taka þá pólitíska afstöðu með meðreiðarsveinum
sínum hverju sinni.
Ég held að þegar öllu er á botninn hvolft eigi fólk að mynda sér skoðun
út frá eigin hagsmunum, hverjir sem þeir eru. Við kjósum auðvitað út frá
eigin buddu því enginn annar gerir það fyrir okkur. Auðvitað er mismun-
andi hvaða hagsmunir það eru. Fyrir suma er mikilvægast að bæta vegi
og fjarskipti, meðan aðrir kjósa að hafa heilbrigðismálin í lagi, nú eða öfl-
ugt menntakerfi, réttlátt vaxtaumhverfi eða sanngjarna stýringu auðlinda.
Sumir hugsa í núinu meðan aðrir sjá hlutina í víðara samhengi og til lengri
tíma, svo sem að bæta okkur í umhverfismálum landinu og afkomendum
okkar til góða.
Þessar haustkosningar snúast í mínum huga fyrst og fremst um traust og
trúverðugleika. Þær snúast um að við veljum stjórnmálamenn til forystu
sem við treystum til að snúa bökum saman, mynda starfhæfa ríkisstjórn og
vinna landinu vel. En, þeir verða allir sem einn, að hætta að láta persónur
og leikendur á þingi skipa stærra hlutverk en málin sem til úrlausnar eru
hverju sinni. Það er ekki pláss fyrir spillingu eða óeðlilega foryngjadýrkun í
íslenskum stjórnmálum. Þess vegna er kosið um traust og heiðarleika. Veit
ekki með ykkur, en ég hef tekið þá afstöðu að velja þann flokk sem stýrt
er af manneskju sem ég held að geti með góðu móti uppfyllt hið minnsta
fimm af boðorðunum tíu. Ef fleiri en einn verða þá eftir, mun ég einangra
hópinn þar til einn verður eftir.
Magnús Magnússon
Leiðari
Í framtíðinni gæti risið vindorku-
garður með allt að 40 vindmyll-
um í landi Hróðnýjarstaða í Laxár-
dal í Dölum. Sveitarfélagið Dala-
byggð og eigendur fyrirtækisins
Storm Orku ehf. undirrituðu sam-
starfs- og viljayfirlýsingu þess efnis
fyrr í haust. Sveinn Pálsson, sveit-
arstjóri Dalabyggðar, segir málið á
frumstigi. „Búið er að skrifa undir
þetta samkomulag, en það snýr að-
allega að skipulagsmálum, það er
að segja að sveitarfélagið lýsir því
yfir að unnið verði að þeim mál-
um með eðlilegum hætti. Þá höfum
við sammælst um að halda íbúafund
þar sem verkefnið verður kynnt. Sá
fundur hefur ekki verið dagsettur
en við horfum til nóvembermán-
aðar í því samhengi,“ segir Sveinn
í samtali við Skessuhorn.
Málið er nú á borði umhverfis-
og skipulagsnefndar Dalabyggð-
ar. „Umhverfis- og skipulagsnefnd
hefur verið falið að undirbúa breyt-
ingar á aðalskipulagi, sem ná með-
al annars til þessa verkefnis. Um-
hverfismat mun að hluta til verða
gert samhliða þeirri vinnu. Málið
mun síðan koma til umfjöllunar
bæði hjá umhverfis- og skipulags-
nefnd og sveitarstjórn eftir því sem
því vindur fram,“ segir Sveinn en
ítrekar að málið sé enn á frumstigi
og ekki víst hvort vindorkugarður
verði að veruleika. Bæði umhverfis-
og skipulagsnefnd og sveitarstjórn
hafi til að mynda fullan rétt til að
hafna skipulagsbreytingunum. Það
mun því ekki koma í ljós fyrr en síð-
ar hvort vindorkugarður rís í landi
Hróðnýjarstaða í framtíðinni.
Sveinn segir fleiri hafa sýnt því
áhuga að reisa vindorkugarða í
Dalabyggð. „Það hafa fleiri aðilar
haft samband við okkur með vind-
orkugarða í huga. Það hefur þó ekki
verið gert með formlegum hætti,
aðeins fyrirspurnir,“ segir Sveinn
að endingu.
„Ekkert fast í hendi“
Magnús B. Jóhannesson er fram-
kvæmdastjóri og eigandi Storm
Orku, en eigendur fyrirtækisins
keyptu Hróðnýjarstaði í ágúst síð-
astliðnum. „Við skoðuðum ýmsa
staði á landinu og fundum það út
að þarna eru ákveðnar aðstæður
fyrir hendi sem okkur leist ágæt-
lega á. Hróðnýjarstaðir urðu því
fyrir valinu eftir þónokkra skoð-
un,“ segir Magnús B. Jóhannesson,
framkvæmdastjóri Storm Orku, í
samtali við Skessuhorn. Aðspurður
segir hann ekkert hafa verið ákveð-
ið um endanlega stærð vindorku-
garðsins, en tekur fram að hann
gæti orðið á bilinu 30 til 40 vind-
myllur og aflið á bilinu 100 til
130 mW. „Við erum í því núna að
kanna hagkvæmni verkefnisins og
hvort þetta sé allt saman gerlegt.
Svona verkefni tekur tvö til þrjú
ár að fullgerast,“ segir hann. „Allt
saman er þetta á frumstigi og til
skoðunar og ekkert í hendi ennþá.
Við stefnum auðvitað að því að
verkefnið verði að veruleika nema
annað komi í ljós, að eitthvað komi
upp á sem við vitum ekki af núna,“
segir Magnús að endingu.
kgk
Vindorkugarður gæti risið
á Hróðnýjarstöðum
Vindmylla sem framleiðir rafmagn. Ljósm. Wikimedia Commons.
Á aðalfundi Sæljóns, smábátafélags
Akraness, sem haldinn var í liðn-
um mánuði var samþykkt ályktun
þar sem harðlega er mótmælt þeirri
ákvörðun að loka svæðum að feng-
sælum miðum fyrir grásleppuveiðar
í Faxaflóa vegna æðarvarps. „Fund-
urinn krefst þess að 4. málsgrein 9.
greinar í reglugerð um hrognkelsa-
veiðar nr. 202 frá 4. mars 2016 verði
tafalaust feld úr gildi,“ eins og seg-
ir í ályktun Sæljóns. Í fyrrgreindri
reglugerð segir: „Frá 1. apríl til 14.
júlí má eigi án leyfis varpeiganda
leggja net í sjó nær friðlýstu æðar-
varpi en 250 metra frá stórstraums-
fjöruborði, sbr. lög um vernd, frið-
un og veiðar á villtum fuglum og
villtum spendýrum.“ Á aðalfundi
Landssambands smábátaeigenda
nýverið var tekið undir þessa álykt-
un félaga í Sæljóni.
Í ályktun Sæljóns sagði jafn-
framt: „Fjórir æðarbændur nýta
varp á litlum hluta þessa svæðis en
hafa náð með „lobbýisma“ að koma
þessu banni í gegn. Benda má á að
athugun fór fram á fjölda æðarfugla
sem komu í net en þessi athugun
var framkvæmd af sérstökum eft-
irlistaðila utan þeirrar skráningar
sem grásleppusjómenn sjálfir skrá.
Fundurinn telur að skoða þyrfti
breytingar á skipulagi grásleppu-
veiða er gengu út á það að öll land-
svæði byrjuðu veiðar á sama tíma.“
mm
Mótmæla lokun á fengsælum
grásleppumiðum útaf Mýrum