Skessuhorn - 22.11.2017, Blaðsíða 16

MIÐVIKUDAGUR 22. NÓVEMBER 201716
Eva Karen Þórðardóttir úr Reyk-
holtsdal í Borgarfirði hefur nú
stofnað fyrirtæki sem hefur feng-
ið nafnið Effect ráðgjöf. Eva Kar-
en á og rekur fyrirtækið sjálf en að
því koma ráðgjafar af ýmsum svið-
um vinnumarkaðarins. Sjálf hefur
hún lokið mastersprófi í Forystu
og stjórnun frá Háskólanum á Bif-
röst. Stefnt er að ráðgjöf á landsvísu
fyrir fyrirtæki til að þau geti leyst
margvísleg vandamál sem gjarnan
koma upp í almennum rekstri. „Við
höldum námskeið fyrir þau fyrir-
tæki sem leita til okkar og eru nám-
skeiðin sniðin að hverju fyrirtæki
fyrir sig. Hjá okkur starfa ráðgjafar
sem hjálpa fyrirtækjunum að koma
betra skipulagi á reksturinn, t.d. á
starfsmannamálin,“ segir Eva Kar-
en í samtali við Skessuhorn.
Sjálf hefur hún áralanga starfs-
reynslu úr ferðaþjónustu, þá helst
hótel- og veitingageiranum, auk
þess sem hún rak um tíma eigin
dansskóla. „Síðustu ár hef ég verið
að vinna hjá veitingahúsakeðju þar
sem við vorum að vinna í stefnu-
breytingu. Við vorum þá að koma
skýrari mynd á starfsemina og efla
starfsfólkið og leituðum þá til ým-
issa ráðgjafa. Okkur fannst stund-
um vanta einhvern sem hafði starf-
að á gólfinu, einhvern sem hafði
raunverulega reynslu af þeim
vandamálum sem koma upp dag-
lega á svona vinnustöðum,“ seg-
ir Eva Karen og bætir því við að
hún hafi þá fundið að þörf væri fyr-
ir fyrirtæki eins og Effect, þar sem
ráðgjafarnir hefðu raunverulega
reynslu úr þeim störfum sem unn-
in eru í fyrirtækjunum sem leita til
þeirra. „Þetta hvatti mig til að fara
af stað og stofna þetta fyrirtæki.
Í fyrra starfi sáum við það svart á
hvítu að þegar lögð er áhersla á að
útbúa góða starfslýsingu, og setja
það skýrt niður á blað til hvers er
ætlast af starfsfólki, verður skil-
virkni fyrirtækisins betri. Sú vinna,
ásamt reglubundinni þjálfun starfs-
manna, skilar sér í margfalt betri
þjónustu sem svo skilar sér fljótt í
kassann hjá fyrirtækinu,“ bætir Eva
Karen við.
Mikilvægt að hafa vel
þjálfað starfsfólk
„Starfsmannamál eru orðin eitt af
stærstu verkefnum stjórnenda í fyr-
irtækjum í dag og það er óþarfi að
allir séu að finna upp hjólið hver í
sínu horni. Þar getum við aðstoð-
að,“ segir Eva Karen. Hún hefur
mikla þekkingu á hvað það er sem
stjórnendur geri og segir að fræðsla
starfsmanna, námskeið og að setja
niður starfslýsingar sitji of oft á
hakanum hjá þeim. Þar gæti Effect
komið inn og hjálpað fyrirtækjum
með þessa einföldu hluti sem eru
svo mikilvægir en komast ekki allt-
af í verk. „Fyrirtæki sem vilja leggja
meiri áherslu á að þjálfa starfsfólk-
ið sitt getur líka sótt um styrki til
þess og það er mjög lítið mál að
gera það. Það er eitt af því sem við
erum að taka að okkur, að leiðbeina
fyrirtækjum með hvað er í boði og
hjálpa þeim að nýta sér það. Oft er
nefnilega mikill kostnaður í þjálf-
un starfsmanna og margir sem setja
það fyrir sig,“ segir Eva Karen. „Ég
er þeirra skoðunar að það sé rík
þörf á fyrirtæki eins og Effect hér
á Vesturlandi. Hér er mikill fjöldi
ýmissa fyrirtækja, t.d. í ferðaþjón-
ustu. Hjá Effect eru ráðgjafar sem
hafa mikla reynslu af ferðaþjónustu
á Vesturlandi og þekkja inn á sam-
félagið, auk þess að vera með góða
reynslu í stjórnun, starfsmannamál-
um og rekstri,“ segir Eva Karen að
lokum.
arg
Stofnar ráðgjafarfyrirtækið Effect
Eva Karen Þórðardóttir
stofnandi ráðgjafarfyrir-
tækisins Effect.
Stígamót hófu reglubundna þjón-
ustu á Vesturlandi í byrjun þessa
árs með að bjóða upp á viðtöl fyr-
ir brotaþola kynferðisofbeldis.
Viðtölin voru hálfsmánaðarlega
í Borgarnesi og á Akranesi. Erla
Björg Kristjánsdóttir félagsráð-
gjafi hjá Stígamótum hefur séð um
þjónustuna á Vesturlandi og segir
hún það mikilvægt fyrir brotaþola
að geta sótt stuðning í sínu nærum-
hverfi. „Okkar reynsla er að þessi
þjónusta er mjög vel nýtt og ég er
viss um að við séum að ná til mun
fleiri brotaþola með því að bjóða
upp á þjónstuna svona víða. Okkar
vilji er að ná til sem flestra,“ seg-
ir Erla Björg. Stígamót eru gras-
rótarsamtök sem berjast gegn kyn-
ferðisofbeldi og veita aðstoð fyr-
ir fólk af öllum kynjum sem hefur
verið beitt kynferðisofbeldi. Með
kynferðisofbeldi er átt við nauðg-
anir, kynferðislega áreitni, klám,
sifjaspell, starfrænt kynferðisof-
beldi og vændi eða mansal.
Eðli þjónustunnar
„Við bjóðum fyrst og fremst upp
á einstaklingsviðtöl fyrir brotaþola
og eru allir sem hafa orðið fyrir
kynferðisofbeldi og hafa náð 18 ára
aldri velkomnir til okkar. Einnig
geta aðstandendur kynferðisbrota-
þola komið til okkar í viðtöl, enda
geta brot af þessu tagi líka haft
áhrif á aðstandendur,“ segir Erla
Björg og bætir því við að þjónust-
an sé alveg að kostnaðarlausu og
engin takmörk séu á fjölda við-
tala. „Við leggjum áherslu á ein-
staklingsmiðaða nálgun og er mis-
jafnt hversu mikla aðstoð hver og
einn þarf, svo fjöldi viðtala tekur
mið af því. Við byggjum okkar að-
stoð á hugmyndafræði sem heit-
ir hjálp til sjálfshjálpar og reyn-
um við að skoða með brotaþolum
hvaða afleiðingar brotið hefur haft
á líf viðkomandi og vinnum út frá
því,“ segir Erla Björg.
Fyrir þá sem ekki geta nýtt sér
þjónustu Stígamóta, t.d. vegna bú-
setu, er einnig hægt að sækja sér
aðstoð í gegnum síma eða inter-
net. „Við reynum alltaf að teygja
okkur í allar áttir og til allra sem
þurfa á aðstoð okkar að halda. Við
vitum vel að þó við séum að bjóða
upp á viðtöl úti á landi eiga ekki
allir heimangengt til okkar. Því
er alltaf hægt að fá símaviðtal eða
viðtal í gegn um internetið, t.d. í
gegn um Skype,“ segir Erla Björg.
Aðspurð hvert skuli leita til að fá
viðtal segir Erla Björg að fyrir þá
sem eru á Vesturlandi sé hægt að
hafa samband við hana í tölvupósti
erla@stigamot.is, auk þess sem
hægt sé að hringja í síma 562-6868
eða hafa samband á Facebook síðu
Stígamóta.
arg
Stígamót með reglulega starfsemi á Vesturlandi
Erla Björg Kristjánsdóttir
félagsráðgjafi hjá Stígamótum
aðstoðar brotaþola kynferðis-
ofbeldis á Vesturlandi.
Ljósm. úr safni Skessuhorns.