Skessuhorn - 14.02.2018, Blaðsíða 17

MIÐVIKUDAGUR 14. FEbRúAR 2018 17
þess tíma fengu að njóta sín og ekki síst hið fræga Halifax Town
verkefni sem vakti verðskuldaða athygli innanlands sem utan. Á
hverju ári frá upphafi útgáfunnar hefur Skessuhorn staðið fyr-
ir vali á Vestlendingi ársins. Nokkrir fastir innblaðsþættir hafa
haldið sér alla tíð. Þar má nefna ritstjórnargreinar og vísnaþætti
Dagbjartar Dagbjartssonar. Þá hefur verið boðið upp á skop-
myndir, krossgátur, eindálk með spurningu vikunnar, veðurspá
og Vestlendingur vikunnar krýndur, svo fátt eitt sé nefnt. Und-
anfarin ár hefur verið lögð mikil áhersla á birtingu viðtala. Að
sækja heim hinn venjulega Vestlending, skrá brot af sögu hans
og miðla er afar þakklátt efni sem framhald verður á svo lengi
sem blaðið verður gefið út.
Héraðsfréttablöð á Íslandi og fjölmiðlar almennt lifa í dag
afar misjöfnu lífi rekstrarlega og hefur þeim farið fækkandi á
liðnum árum. Sama þróun er reyndar að eiga sér stað víðsvegar
um heiminn þar sem prentmiðlar eiga í vök að verjast ekki síður
en áskriftarsjónvarp. Orsökin er breytt fjölmiðlanotkun fólks,
samfélagsmiðlar hafa rutt sér til rúms og almenningur er í hlut-
verki þiggjandans sem les og horfir á það sem fæst án endur-
gjalds. Því hefur markaðspeningur innlendra fyrirtækja leitað til
annarra landa, einkum Ameríku, á kostnað tekna sem innlendar
fréttastofur njóta þá ekki. Slíkt er afleit þróun og bitnar á gæð-
um blaðamennsku innanlands, rannsóknablaðamennska og skrif
á í vök að verjast og því er mikilvægt að almenningur og stjórn-
völd gæti hagsmuna þeirra.
Fréttaveita Vesturlands
Fljótlega eftir stofnun Skessuhorns var opnaður vefur á Inter-
netinu og var fjölmiðillinn á sinni tíð í fararbroddi á ákveðn-
um sviðum í innleiðingu tækni við útgáfuna. Þar má t.d. nefna
þjónustu á borð við atburðadagatal og smáauglýsingar sem
lesendur geta sjálfir skráð í gegnum Netið og eru síðan birt-
ar í blaðinu. Skessuhorn er enn í dag, eins og efni og aðstæð-
ur leyfa, þátttakandi í hinni síkviku miðlun frétta og upplýsinga
sem í gegnum Netið fer. Engu að síður er það svo að rekstrar-
lega skaffar blaðið Skessuhorn 98% af tekjum útgáfufyrirtækis-
ins, en einungis 2% teknanna koma í gegnum vefinn. Hryggj-
arstykkið í útgáfunni er sala áskrifta. Engu að síður er rekst-
ur vefsins markaðslega nauðsynlegur blaðinu. Aðrir fjölmiðlar
nota veffréttir Skessuhorns óspart. Í hverri viku er þannig oft
vitnað í fréttir Skessuhorns á öldum ljósvakans, í dagblöðum
eða á öðrum fréttamiðlum. Fyrir um áratug var því bætt við
nafn Skessuhorns í kynningarskini orðunum: „Fréttaveita Vest-
urlands“. Skilgreint hlutverk okkar er að miðla fréttum inn til
íbúa en einnig út úr landshlutanum til að vekja athygli annarra
landsmanna á því sem hér er gert.
Önnur verkefni
Auk miðlunar frétta á vef og í blaði hefur Skessuhorn á þess-
um tuttugu árum sem liðin eru frá stofnun tekið sér fyrir hend-
ur fleiri verkefni. Undanfarin 20 ár hefur fyrirtækið gefið út
Ferðablaðið Vesturland sem í seinni tíð er prentað á íslensku
Fyrsta tölublað Skessuhorns kom út 18. febrúar árið 1998. Þeg-
ar þetta blað er skoðað kemur ýmislegt forvitnilegt í ljós. Í fyrsta
lagi er útlit þess og umgjörð býsna lík blaðinu eins og það er
enn í dag. Það var brotið um og prentað í sambærilegu broti,
fyrstu árin í Ísafoldarprentsmiðju en nú hin síðari í Landsprenti.
Fréttalega var mjög áþekkur blær á blaðinu og er nú. Mannlífs-
tengt efni, málefni sveitarfélaga og verkefni þeirra, samgöngur,
íþróttir og margt fleira. Í upphafi útgáfunnar voru starfsmenn
fimm, þar af þrír í hlutastarfi. Gísli Einarsson annar eigandinn
var ritstjóri og blaðamaður en Magnús Magnússon meðeigandi
með Gísla kom að rekstri og skrifum, en hafði annað aðalstarf.
Fyrsta blaðið var 12 síður og í því voru 44 fréttir þar sem
kenndi margra grasa. Á forsíðu var greint frá að skíðalyfta hafi
verið opnuð á Snæfellsjökli, Sementsverksmiðjan hefði tekið
upp alþjóðlegt gæðakerfi og að hinn sjaldséði fiskur mjónefur
var til sýnis í bjarnarhöfn. Þá er inni í blaðinu m.a. sagt frá því að
atvinnuleysi í desember 1997 hafi verið 2,2% á Vesturlandi og
hefði dregist saman um heil 41% frá árinu áður. Þá er greint frá
því að umhverfisráðuneytið staðfesti úrskurð um starfsleyfi fyrir
sorpurðun í Fíflholtum fyrir allt Vesturland. Höfði, dvalarheimili
aldraðra á Akranesi, var 20 ára, Loftorka í borgarnesi var kjörið
fyrirtæki ársins í borgarbyggð og Akraneslistinn var stofnaður,
en það var samstarfs A-flokkanna og Kvennalista í bæjarmálum.
Þá voru viðtöl við þáverandi þingmenn Vesturlandskjördæm-
is, þau Sturlu böðvarsson, Guðjón Guðmundsson, Ingibjörgu
Pálmadóttur, Magnús Stefánsson og Gísla S Einarsson. Í Dala-
sýslu voru hræringar í skólamálum og greint frá því að ráðgafar-
fyrirtæki legði til að skólahald yrði aflagt á Laugum í Sælings-
dal til að ná fram hagræðingu í rekstri sveitarfélaganna sem að
skólanum stóðu. Þá var sagt frá því að hitaveita frá Reykjadal
væri talinn vænlegur kostur fyrir búðardal. Í þessu fyrsta tölu-
blaðinu var skrifað um að einangrun Reykjavíkur yrði brátt rofin
og vísað til þess að á þessum tímapunkti var einungis hálft ár í að
Hvalfjarðargöngin yrðu opnuð fyrir umferð. “Hvernig getum
við nýtt okkur þann flaum forvitinna höfuðborgarbúa sem vilja
skoða Vesturland í framtíðinni,” spurði björn S Lárusson þá-
verandi markaðsfulltrúi á Akranesi m.a. í pennagrein sem hann
ritaði. Greint var frá því að til stæði að ljúka við lagningu hita-
veitu í Stykkishólmi á árinu og samhliða því var verið að byggja
sundlaugar við íþróttahús bæjarins. Greint var frá kosningu
um sameiningu sveitarfélaga í borgarfirði en í janúar þetta ár
var samþykkt sameining Andakílshrepps, Reykholtsdalshrepps,
Hálsahrepps og Lundarreykjadalshrepps. Íbúar Hvítársíðu og
Skorradals felldu þá sameiningu. Þá var í febrúar þetta ár sam-
þykkt sameining fjögurra sveitarfélaga í Mýrasýslu, þ.e. Álfta-
neshrepps, borgarbyggðar, borgarhrepps og Þverárhlíðar.
Ýmsir fastir liðir voru í fyrsta tölublaðinu. Sumir þeirra eru
enn þann dag í dag, svo sem forystugrein, atburðadagatal var til
staðar og smáauglýsingar á sínum stað. Mörg þeirra fyrirtækja
sem auglýstu í blaðinu hafa nú horfið af sjónarsviðinu.
mm
Fyrsta tölublaðið
Forsíða fyrsta tölublaðsins.
Framhald á næstu síðu
Starf björgunarsveita verður seint ofmetið eða fullþakkað. Það slys varð á Langjökli veturinn 2010 að mæðgin féllu niður um sprungu. Konan
lést við fallið en sjö ára sonur hennar var með meðvitund þegar til hans náðist nokkrum klukkustundum síðar við óvenjulega erfiðar aðstæður,
þar sem hver mínúta skipti máli. Aðstæður í sprungunni voru afar erfiðar, en hún var tæpur metri þar sem hún var breiðust en mjókkaði niður í
18,5 sentimetra þangað sem sigmaður komst að drengnum og náði að bjarga honum. Björgunarafrek þetta vakti mikla athygli og var Þórður
Guðnason félagi í Björgunarfélagi Akraness sæmdur ýmsum viðurkenningum. Hann var meðal annars kosinn Vestlendingur ársins og hlaut
einnig nafnbótina maður ársins í fjölmiðlum á landsvísu. Ljósm. Landsbjörg.
Tækifærismyndir verða til jafnt á heiðum uppi sem út til sjós. Hér
er Snorri Jóhannsson veiðimaður, gjarnan kenndur við Gilsbakka í
Borgarfirði, að vinna á minkagreni við Úlfsvatnsá á Arnarvatnsheiði
sumarið 2000. Skömmu eftir að þessi mynd var tekin lá tugur minka í
valnum. Ljósm. mm.
Jafnan má líkja því við náttúruhamfarir þegar jörð færist úr stað.
Nokkur skriðuföll hafa á liðnum áratugum orðið á Vesturlandi. Hér
hafði skriða jafnað við jörðu sumarbústað í landi Hreðavatns í apríl
2000. Engin slys urðu á fólki. Ljósm. mm.
Vegna gríðarlegs samdráttar í sölu sements árin á undan var
ákveðið í árslok 2011 að hætta sementsframleiðslu á Akranesi en
sílóin áfram nýtt til að geyma sement, en norskt. Um þessar mundir
er unnið að niðurrifi mannvirkja verksmiðjunnar og stefnt að
íbúðabyggð rísi á svæðinu á næstu árum. Ljósm. þá.
Skessuhorn hefur í gegnum tíðina flutt fréttir af fyrirtækjum
og vænlegum verkefnum í uppbyggingu atvinnulífs. Flest hafa
þessi verkefni orðið að veruleika, en þó með undantekningum.
Töluvert margar slíkar fréttir fjölluðu um tvær væntanlegar vatns-
átöppunarverksmiðjur í Snæfellsbæ. Að þeim áformum komu tvö
fyrirtæki og ýmsir ónefndir athafnamenn. Ekkert hefur enn orðið af
þessum áformum, tvö risastór hús verið byggð yfir starfsemina og
vatnslagnir lagðar að húsveggjum. Færa má fyrir því rök að vatns-
verksmiðjumál séu með stærri „floppum“ í atvinnulífi landshlutans
í starfstíð Skessuhorns. Ljósm. þá.