Skessuhorn


Skessuhorn - 28.02.2018, Blaðsíða 10

Skessuhorn - 28.02.2018, Blaðsíða 10
MIÐVIKUDAGUR 28. fEBRúAR 201810 Víða á þjóðvegum landsins er nú farið að bera á skemmdum á slitlagi eftir erfiða tíð í vetur. Dæmi um það er þjóðvegurinn frá Borgarnesi og áleiðis norður í land. Þar er á nokkr- um stöðum og upp í Norðurárdal að myndast djúpar og hættulegar holur, einkum í hjólförum. Meðfylgjandi mynd sýnir dæmi um holur í vegin- um á móts við afleggjarann að Ein- arsnesi í Borgarhreppi. Sambæri- legar holur er einnig að finna meðal annars við Gufuá, Beigalda og efst í Stafholtstungum. Þá er slitlag á neðsta hluta Borg- arfjarðarbrautar frá Seleyri og upp- fyrir Skeljabrekku illa farið, en þar virðist sem yfirlögn sem að hluta til er frá síðasta sumri hafi mislukkast. Slitlagið sem lagt hefur verið yfir er að leysast upp og töluverð lausamöl og grjótkast sem því fylgir. „Þessi vegarkafli er um sjö kílómetra lang- ur og yfirlagnir misgamlar. Líklega er um einn þriðji frá því í fyrra. Við hjá Vegagerðinni getum lítið sagt um þetta nema fara á staðinn og skoða nákvæmlega skemmdirnar,“ sagði G Pétur Matthíasson upplýs- ingafulltrúi Vegagerðarinnar sem svar við fyrirspurn Skessuhorns frá því í lok síðustu viku. Pétur segir að eftir veturinn og umhleypingatíð megi alltaf búast við skemmdum í slitlagi hér á landi. „Hinsvegar má leiða líkur að því að umfangið sé meira en þyrfti þar sem viðhaldið hefur ekki fylgt þeirri við- haldsþörf sem Vegagerðin telur vera fyrir hendi. En þrátt fyrir að stjórn- völd hafi heldur aukið fjárveitingar til viðhaldsins og sýnt því skilning hefur það þó ekki náð að fylgja þörf- inni og því mikill hali sem þarf að vinna upp. Síðan ræður veðurfarið auðvitað miklu. Mikil vatnsveður og frost í kjölfarið hjálpa ekki til. Auk þess má rekja hluta þess til aukins snjómoksturs sem fer líka illa með slitlagið. Þannig að það leggst allt á eitt við þetta,“ segir Pétur. mm Slitlag vega er víða illa farið eftir veturinn Djúpar holur eru komnar í Þjóðveg 1 víða í Borgarhreppnum. Viðbragðsaðilar á öllu sunnanverðu Vesturlandi voru síðdegis á sunnu- daginn ræstir út með forgangshraði eftir að tilkynning barst um slys þar sem rúta með um 30 manns hafði fok- ið út af Borgarfjarðarbraut, skammt austan við Kvígsstaði í Andakíl, og hafnað á hliðinni. Rútan fékk á sig sterka vindhviðu á stað sem þekktur er fyrir mikla sviptivinda. Í fyrstu var óttast að farþegar hefðu lent undir bílnum. fljótlega kom í ljós að mun betur hafði farið en óttast var í fyrstu. Allir sem í rútunni voru reyndust hafa verið í öryggisbeltum og skipti það öllu um að ekki fór illa. Einung- is tveir voru fluttir á slysadeild, lítið slasaðir. Hópurinn samanstóð af 28 frönskum ungmennum á aldrinum 15-17 ára, fjórum fararstjórum og ís- lenskum bílstjóra. Rauði krossinn í Borgarnesi opn- aði fjöldahjálparstöð í Menntaskóla Borgarfjarðar í Borgarnesi og var fólkið úr rútunni flutt þangað, hlúð að því og þar gengust allir undir læknisskoðun. Um kvöldið var ung- mennunum ekið í björgunarsveitar- og einkabílum suður í Ölfus, þar sem hluti hópsins veigraði sér við að fara að nýju upp í hópferðabíl, enda var veður þá ekki gengið niður nema að hluta. Það má teljast mikil lukka að all- ir í rútunni voru í bílbeltum, en þó ekki tilviljun. Magnús Kristjánsson er frönskumælandi bílstjóri rútunn- ar. Hann tjáði blaðamanni Skessu- horns að þau hafi verið að koma úr dagsferð í Reykholtsdal. Við Deild- artungu hafði hann í tvígang tilkynnt farþegum sem í rútunni voru að allir ættu skilyrðislaust að vera í bílbeltum og ef bíllinn færi t.d. á hliðina ætti að halla sér að miðjugangi hennar. „Það var kannski tilviljun að ég ákvað að brýna þetta fyrir fólkinu á einmitt þessum stað og á þessari stundu. Veðrið uppi í Borgarfirði var mjög skaplegt fyrr um daginn, en ég vissi að það ætti að hvessa. Þessi ákvörð- un, á þessum tímapunkti, að taka þau í kennslustund í hvernig bregðast ætti við óhöppum sem þessum var engu að síður tilviljun. Krakkarnir urðu hins vegar ótrúlega þakklátir mér eft- ir þetta óhapp þegar við vorum kom- in hér í hús. Sum hver föðmuðu mig og kysstu og sögðu mig einfaldlega hafa bjargað lífi þeirra,“ sagði Magn- ús þegar blaðamaður ræddi við hann í fjöldahjálparstöðinni í Borgarnesi. Magnús sagði vindhnútinn sem hann fékk á bílinn þarna á Borgar- fjarðarbrautinni hafa verið ótrúlega öflugan. „Ég fullyrði að rútan hefði fokið á hliðina jafnvel þótt hún hefði verið kyrrstæð. Ég hef aldrei lent í öðru ámóta veðri, en sjálfur hef ég starfað við akstur í tvo áratugi og kynnst ýmsu þann tíma. Mitt mat er þó að bílbeltin hafi haft allt um það að segja að allir sluppu án alvarlegra meiðsla. Það er algjört skilyrði að vera í öryggisbeltunum og ég legg mikla áherslu á það hvort sem fólk er í stórum eða litlum bílum,“ segir Magnús Kristjánsson. mm Rúta með yfir þrjátíu manns fauk á hliðina Enginn vafi að öryggisbeltin komu í veg fyrir stórslys Í fyrstu var óttast að margir hefðu slasast og var útkall viðbragðsaðila því á hæsta forgangi. Magnús Kristjánsson er frönskumælandi bílstjóri. Þarna má glöggt sjá förin eftir framhjól rútunnar í vegkantinum. Í Borgarnesi gengust allir sem í rútunni voru undir læknisskoðun og hlúð var að fólkinu.

x

Skessuhorn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Skessuhorn
https://timarit.is/publication/1096

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.