Skessuhorn - 28.02.2018, Blaðsíða 12

MIÐVIKUDAGUR 28. fEBRúAR 201812
Á fundi forsætisnefndar Alþing-
is í síðustu viku voru samþykktar
samhljóða breytingar á reglum um
þingfararkostnað. Er þetta svar
nefndarinnar við harðri gagnrýni
sem fram hefur komið í fjölmiðl-
um m.a. um greiðslur aksturspen-
inga, notkun einkabíla þingmanna
og búsetustyrki. Í þessum reglum
sem samþykktar eru nú felast þrjár
efnisbreytingar. Í fyrsta lagi eru
ákvæði um bílaleigubíla gerð skýr-
ari, einkum fyrir þá þingmenn sem
falla undir svokallaðan heiman-
akstur, þ.e. akstur til og frá heim-
ili daglega um þingtímann. Það
eru þingmenn sem búa í nágrenni
Reykjavíkur; á Suðurnesjum, Vest-
urlandi, Árnessýslu og víðar. Akst-
ur á eigin bifreiðum, sem kemur
til endurgreiðslu, verður bundinn
að hámarki við 15.000 km á ári.
Samkvæmt því skulu þingmenn
nota bílaleigubíla við akstur um-
fram það. Í öðru lagi samþykkti
forsætisnefnd skýrari ákvæði um
staðfestingargögn sem eru grund-
völlur endurgreiðslu. Loks eru ný
ákvæði um með hvaða skilmálum
þingmenn geta notað bílaleigubíl.
Þá samþykkti forsætisnefnd á
fundi í liðinni viku, þar sem einnig
sátu formenn þingflokka, vinnu-
reglur um birtingu upplýsinga um
allan þingfararkostnað. Upplýs-
ingarnar munu birtast á sérstakri
síðu og snýr það að framtíðarfyr-
irkomulagi þessara mála. Upplýs-
ingar verða miðaðar við 1. janú-
ar 2018 og verða uppfærðar mán-
aðarlega framvegis. „Þar með er
fyrsta áfanga í breyttri framkvæmd
lokið. Ýmis önnur atriði koma svo
til athugunar síðar, þar á meðal
frekari upplýsingagjöf um það sem
liðið er. Unnið er að tæknilegum
undirbúningi síðunnar, en vonast
er til að birting upplýsinga, a.m.k.
hluta þeirra, geti hafist næstu daga
og komi til fullrar framkvæmdar á
næstu tveimur vikum eða svo, eftir
því hvernig tæknilegri vinnu vind-
ur fram,“ segir í tilkynningu frá
forsætisnefnd Alþingis. mm
Forsætisnefnd skerpir reglur
um akstur þingmanna
Þórdís Kolbrún Reykfjörð Gylfa-
dóttir ráðherra og þingmaður í
Norðvesturkjördæmi hefur ákveð-
ið að gefa kost á sér til embættis
varaformanns Sjálfstæðisflokksins.
Landsfundur flokksins verður hald-
inn 16.-18. mars nk. Hún er ein um
að hafa lýst yfir framboði en ýmsir
fleiri Sjálfstæðismenn verið orðað-
ir við slíkt. Ekki hefur verið kosið í
embætti varaformanns frá því Ólöf
Nordal féll frá, en Áslaug Arna Sig-
urbjörnsdóttir gegnt starfsskyldum
varaformanns.
„Ég er þakklát fyrir að hafa feng-
ið að gegna margvíslegum trúnað-
arstörfum fyrir flokkinn á undan-
förnum árum sem framkvæmda-
stjóri þingflokksins, aðstoðarmað-
ur ráðherra, frambjóðandi í tvenn-
um alþingiskosningum og ráðherra
í tveimur ríkisstjórnum. Þetta hafa
verið krefjandi verkefni en fyrst og
fremst gefandi, því að það er í senn
ástríða mín og forréttindi að vinna
að framgangi sjálfstæðisstefnunnar,
eiga samtöl og samvinnu við fólk
og hlúa að framtíð og tækifærum ís-
lensks samfélags,“ segir Þórdís Kol-
brún í yfirlýsingu sem hún sendi
fjölmiðlum á laugardaginn.
mm
Þórdís Kolbrún í framboð
til varaformanns
Tekjur á Vesturlandi undir landsmeðaltali
Byggðastofnun gaf nýverið út
skýrslu þar sem teknar eru saman
heildaratvinnutekjur á landinu
árið 2016 og þær bornar saman
að raunvirði við hrunárið 2008.
Atvinnutekjur á landinu öllu juk-
ust um 9,7% að raunvirði á milli
áranna 2008 og 2016. Aukning-
in á milli áranna 2015 og 2016
var hins vegar tæp 11%. Mælt í
atvinnutekjum voru heilbrigð-
is- og félagsþjónusta, iðnaður
og fræðslustarfsemi stærstu at-
vinnugreinarnar á landsvísu en
þar á eftir komu verslun, opin-
ber stjórnsýsla og flutningar og
geymsla. Mest aukning á tíma-
bilinu 2008-2016 varð í greinum
sem tengjast ferðaþjónustu, þ.e.
gistingu og veitingum, flutn-
ingum og geymslu og leigu og
sérhæfðri þjónustu. Langmesti
samdráttur varð hins vegar í fjár-
mála- og vátryggingaþjónustu og
mannvirkjagerð. Á milli áranna
2015 og 2016 varð veruleg aukn-
ing í áðurnefndum greinum sem
tengjast ferðaþjónustu, en auk
þess í mannvirkjagerð, verslun,
iðnaði og heilbrigðis- og félags-
þjónustu. Samdráttur varð hins
vegar í atvinnutekjum af fisk-
veiðum.
Mikill munur
milli héraða
Meðalatvinnutekjur voru hæstar
á Austurlandi árið 2016 ef lit-
ið er til einstakra landshluta, en
þar næst á höfuðborgarsvæðinu.
Lægstar voru meðaltekjurnar á
Suðurnesjum og Norðurlandi
vestra. Heildaratvinnutekjur á
Vesturlandi hækkuðu um 6,5% á
milli áranna 2008 og 2016. Þær
hækkuðu um tæplega 9% á milli
áranna 2015 og 2016 sem þýð-
ir að líkt og á höfuðborgarsvæð-
inu var svæðið enn að endur-
heimta atvinnutekjur sem töpuð-
ust í framhaldi af hruninu 2008
allt til ársins 2016. Á árinu 2016
voru mestu atvinnu-
tekjurnar í landshlut-
anum greiddar í iðn-
aði en nokkuð á eft-
ir komu fræðslustarf-
semi, fiskveiðar, heil-
brigðis- og félags-
þjónusta og fisk-
vinnsla. Mesta aukn-
ingin á Vesturlandi
varð í fiskvinnslu,
gistingu- og veiting-
um og í fræðslustarf-
semi. Verulegur sam-
dráttur varð í mann-
virkjagerð en einn-
ig í fjármála- og vá-
tryggingaþjónustu og
í fiskveiðum.
M e ð a l a t v i n n u -
tekjur á Vesturlandi
voru rétt undir lands-
meðaltali árið 2016.
Á suðursvæðinu með
Akranes og Hval-
fjarðarsveit og á Snæ-
fellsnesi voru meðal-
atvinnutekjur aðeins
yfir landsmeðaltali
en langt undir lands-
meðaltali í Borgar-
byggð, Dalabyggð
og Skorradalshreppi,
þar sem þær voru að-
eins ríflega 80% af
meðaltalinu. Lang-
stærsta atvinnugrein-
in á Akranesi og í
Hvalfjarðarsveit árið
2016 mælt í atvinnu-
tekjum var iðnaður.
Á Snæfellsnesi voru
það fiskveiðar og
fiskvinnsla sem báru
höfuð og herðar yfir
aðrar atvinnugrein-
ar í tekjum talið. Í
Borgarbyggð, Dala-
byggð og Skorradals-
hreppi voru iðnaður
og fræðslustarfsemi
stærstu atvinnugrein-
arnar. mm Hér má sjá hvernig meðalatvinnutekjur árið 2016 voru nokkuð undir landsmeðaltali á Vesturlandi öllu. Hins vegar voru
tekjurnar yfir landsmeðaltali á Akranessvæðinu og á Snæfellsnesi, en langt undir því í Borgarfirði og Dölum.
Iðnaður, fræðslustarfsemi og fiskveiðar eru stærstu atvinnugreinarnar á Vesturlandi.