Skessuhorn - 28.02.2018, Blaðsíða 27

MIÐVIKUDAGUR 28. fEBRúAR 2018 27
Klettagörðum 15 | 525 7700 | flytjandi.is
DAGLEGA Á FERÐINNI MEÐ
VÖRUR UM ALLT LAND
Eimskip Flytjandi veitir samræmda flutningaþjónustu
um land allt og eru áfangastaðirnir 80 talsins.
Skallagrímskonur máttu játa sig
sigraðar á heimavelli gegn sterku
liði Hauka, 66-80, þegar liðin mætt-
ust í Domino‘s deildinni á sunnu-
dagskvöld.
Eftir hálf brösulega byrjun náðu
Skallagrímskonur að minnka mun-
inn í eitt stig eftir miðjan upphafs-
fjórðunginn, 10-11. Skallagrímur
komst síðan yfir seint í leikhlutan-
um en Haukar jöfnuðu í 17-17 áður
en leikhlutinn var úti. Gestirnir
komust síðan yfir snemma í öðrum
leikhluta og héldu forystunni allt til
hálfleiks. Staðan í hléinu var 33-37,
Haukum í vil.
Skallagrímsliðið náði sér ekki
á strik í þriðja leikhluta og skor-
aði aðeins tíu stig allan fjórðung-
inn. Á meðan sigldu Haukar lengra
fram úr og þegar leikhlutinn var úti
leiddu gestirnir með 21 stigi, 43-64.
Skallagrímskonur komu aðeins til
baka í lokafjórðungnum en náðu
aldrei að gera neina alvöru atlögu að
forskoti gestanna. Þegar lokaflautan
gall höfðu þær minnkað muninn
í 14 stig en nær komust þær ekki.
Haukar sigruðu, 66-80.
Carmen Tyson-Thomas var at-
kvæðamest í liði Skallagríms með
30 stig, ellefu fráköst og fimm stolna
bolta. Sigrún Sjöfn Ámundadóttir
var með 13 stig, átta fráköst, fimm
stoðsendingar og fjögur varin skot
en aðrar náðu sér ekki á strik.
Helena Sverrisdóttir skoraði 21
stig fyrir Hauka og tók tíu fráköst.
Þóra Kristín Jónsdóttir var með 15
stig og sex fráköst og Whitney Mic-
helle frazier var með tíu stig, 13
fráköst og fimm stoðsendingar.
Skallagrímur situr í sjötta sæti
deildarinnar með 18 stig, jafn mörg
og Snæfell í sætinu fyrir ofan og
Breiðablik í sætinu fyrir neðan, en
fjórum stigum frá fjórða sætinu sem
veitir þátttökurétt í úrslitakeppn-
inni. Næst leikur Skallagrímur í dag,
miðvikudaginn 28. febrúar, þegar
liðið heimsækir botnlið Njarðvíkur.
kgk
Skallagrímskonur lágu gegn Haukum
Góður leikur Carmen Tyson-Thomas dugði Skallagrímskonum skammt gegn sterku
liði Hauka. Ljósm. úr safni/ Skallagrímur.
Snæfell vann stórsigur á Breiða-
bliki, 44-79, þegar liðin mættust
í Domino‘s deild kvenna á laugar-
dag. Viðureign liðanna fór fram í
Kópavogi.
Leikurinn fór rólega af stað og
jafnræði var með liðunum í upp-
hafi. Snæfell leiddi með einu stigi,
4-5, skömmu áður en fyrsti leik-
hluti var hálfnaður. En þá skildu
leiðir og Snæfellskonur stungu af.
Þær skoruðu 19 stig gegn aðeins
tveimur það sem eftir lifði fyrsta
leikhluta og komust 18 stigum
yfir, 6-24. Snæfell jók forskot
sitt lítið eitt í öðrum fjórðungi
og leiddi með 23 stigum í hléinu,
19-42.
forysta Snæfellskvenna hélst
meira og minna óbreytt allan
þriðja leikhlutann. Þær örugglega
fyrir lokafjórðunginn, 34-56 og
aðeins forsmatriði að klára leik-
inn. Síðustu tíu mínúturnar juku
þær forskotið enn frekar og unnu
að lokum stórsigur, 44-79.
Kristen McCarthy skoraði 28
stig, tók ellefu fráköst og stal
þremur boltum. Andrea Björt
Ólafsdóttir var með tólf stig,
fimm fráköst og þrjá stolna bolta
og Berglind Gunnarsdóttir var
með tíu stig og ellefu fráköst.
Í liði Breiðabliks var Ísabella
Ósk Sigurðardóttir með 16 stig,
tólf fráköst og fjóra stolna bolta
og Whitney Kiera Knight skor-
aði 13 stig, tók tíu fráköst og stal
boltanum þrisvar.
Snæfell situr eftir leikinn í
fimmta sæti deildarinnar með 18
stig, fjórum stigum á eftir Stjörn-
unni í sætinu fyrir ofan en með
jafnmörg stig og Skallagrímur og
Breiðablik í sætunum fyrir neðan.
Næst leikur Snæfell í dag, mið-
vikudaginn 28. febrúar, þegar lið-
ið heimsækir Keflavík. kgk
Snæfell valtaði yfir Breiðablik
Andrea Björt Ólafsdóttir átti góðan leik í stórsigrinum gegn Breiðabliki.
Ljósm. úr safni/ sá.
Efnilegir knattspyrnumenn af Vest-
urlandi hafa verið valdir til þátttöku
í verkefnum yngri landsliða Íslands
á næstunni.
Bergdís fanney Einarsdóttir, leik-
maður meistaraflokks ÍA, hefur ver-
ið valin í hóp U19 landsliðsins sem
leikur tvo æfingaleiki á Spáni 28.
febrúar og 7. mars.
Brynjar Snær Pálsson úr Borgar-
nesi, sem leikur með ÍA, var valinn
í hóp U17 landsliðsins sem keppir í
milliriðli Evrópumótsins í Hollandi.
Þá var liðsfélagi hans Oliver Stef-
ánsson valinn í varahópinn. Liðið
heldur utan í byrjun mars. kgk
Ungir Vestlendingar
í landsliðsverkefni
Bergdís Fanney Einarsdóttir leikmaður ÍA.
Valdís Þóra Jónsdóttir hafnaði í
þriðja sæti á Ladies Classic Bonville
mótinu í Ástralíu sem lauk snemma
á sunnudagsmorgun að íslenskum
tíma. Þar með jafnaði hún besta
árangur íslensks kylfings á sterk-
ustu mótaröð Evrópu, en þeim ár-
angri náði hún reyndar sjálf á móti
í Kína á síðasta ári. Valdís Þóra lék
á sjö höggum undir pari á mótinu
um helgina og uppskar 13.356 evr-
ur í verðlaunafé, eða rúmlega eina
og hálfa milljón íslenskra króna.
Eftir þetta góða mót er hún kom-
in upp í sjötta sæti peningalistans
á Evrópumótaröð kvenna, en hún
hefur nú þénað rúmlega 15 þús-
und evrur á fyrstu þremur mótum
tímabilsins á Evrópumótaröðinni.
frakkinn Celine Boutier, sem sigr-
aði á mótinu um helgina, er í efsta
sætinu með 33.391 evrur og stiga-
meistari síðasta árs, Georgia Hall,
er í öðru sæti.
Ólafía Þórunn Kristinsdóttir var
einnig meðal keppenda um helgina
á Ladies Classic Bonville en það
var fyrsta mótið hennar á Evrópu-
mótaröðinni á þessu ári. Ólafía náði
ágætum árangri og endaði í 14. sæti
á pari og þénaði rúmlega fjögur
þúsund evrur. Með árangri sínum
er Ólafía komin upp í 42. sæti pen-
ingalistans. mm
Valdís Þóra komst á
verðlaunapall í Ástralíu