Skessuhorn - 28.02.2018, Blaðsíða 20

MIÐVIKUDAGUR 28. fEBRúAR 201820
Rúna Björg Sigurðardóttir, styrkt-
ar- og einkaþjálfari hefur í nógu
að snúast þessa dagana. Hún hefur
í tæp tvö ár rekið þjálfunarstöðina
Metabolic Akranesi og hefur iðk-
endum þar fjölgað jafnt og þétt á
þessum tíma. Þá hefur hún einn-
ig verið styrktarþjálfari fyrir hand-
knattleiksdeild Aftureldingar í Mos-
fellsbæ í fjögur ár. Síðastliðið haust
hóf hún svo nám í viðskiptafræði
við Háskólann á Bifröst og fram-
undan er að opna nýja Metabolic
þjálfunarstöð í Reykjavík. „Það er
einhvern veginn alltaf þannig hjá
mér að verkefnin verða fleiri en
ég kannski ætlaði í upphafi,“ segir
Rúna Björg og hlær. „Ég tel mig þó
vera nokkuð duglega að gæta þess
að ofgera mér ekki. fyrstu árin hjá
Aftureldingu var ég með meistara-
flokk karla og kvenna, yngri flokka
og handboltaakademíu fjölbrauta-
skólans í Mosfellsbæ. Þegar ég tók
ákvörðun um að fara í háskólanám
varð ég að minnka við mig hjá Aft-
ureldingu. Þetta tímabil hef ég að-
eins verið með meistaraflokk karla,
að hluta til. Ég ákvað reyndar líka
að ég myndi ekki taka fullt nám
heldur fara þetta á mínum hraða,
það hefur ekki alveg gengið eftir, ég
er búin að vera í fullu námi frá því
ég byrjaði. Þegar ég var byrjuð vildi
ég bara klára þetta sem fyrst,“ bæt-
ir hún við.
Ætlaði aldrei að
verða þjálfari
Rúna Björg hefur alla tíð stund-
að íþróttir en ætlaði sér þó aldrei
að verða þjálfari. „Ég æfði fótbolta
sem krakki en hætti því svo vegna
meiðsla. Ég var alltaf að meiðast í
íþróttum og fann að það var best
fyrir mig að hreyfa mig bara ein og
vinna með meiðslin. Þó ég hafi allt-
af haft gaman af líkamsrækt ætlaði
ég mér alls ekki að verða styrktar-
þjálfari. Ég stefndi alltaf á listnám,“
segir Rúna Björg og bætir því við
að hún sé mjög listræn. „Eftir að
ég útskrifaðist með stúdentspróf frá
fjölbrautaskóla Vesturlands fór ég
á listnámsbraut við Tækniskólann.
Þá stefndi ég á að læra arkitekt-
úr eða einhverja hönnun, en end-
aði svo á að fara á Hvanneyri í um-
hverfis- og skipulagsfræði eftir út-
skrift úr Tækniskólanum. Eftir eitt
ár á Hvanneyri fann ég að þetta var
bara alls ekki fyrir mig og ég tók al-
gjöra u-beygju og skráði mig í ÍAK
einkaþjálfaranám á Keili. Þar fann
ég strax mína köllun og fékk mik-
inn áhuga á náminu og þá sérstak-
lega meiðslaforvörnum. Ég var í tvö
ár á Keili þar sem ég fór í gegnum
einkaþjálfaranámið og svo sérhæfði
ég mig í styrktar- og ástandsþjálfun
íþróttamanna á afreksstigi. Ég tók
mörg auka námskeið og áfanga sem
snéru að styrktar- og endurhæfing-
arþjálfun. Þegar ég fæ áhuga á ein-
hverju get ég alveg orðið heltekin af
því og þyrstir alltaf í að læra meira.
Mér líður oft eins og því meira sem
ég læri, því minna vitiég,“ segir hún
og hlær. „Ég reyni alltaf að vera
dugleg að endurmennta mig og
sækja námskeið og læra eins og ég
get, þó ég hafi nú róast aðeins með
árunum.“
Metabolic er fyrir alla
Rúna Björg er fædd og uppalin á
Akranesi og starfaði sem einkaþjálf-
ari við Íþróttamiðstöðina á Jaðar-
sbökkum áður en hún opnaði Me-
tabolic stöðina. „Metabolic er æf-
ingakerfi sem hentar öllum sem vilja
bæta sitt líkamlega atgervi. Þá skiptir
engu máli hvort það er einhver sem
er nýstiginn upp úr sófanum eftir
áralanga kyrrsetu eða íþróttamann-
eskja sem vantar að bæta frammi-
stöðu sína í sinni íþróttagrein. Þetta
kerfi var fundið upp af Helga Jón-
asi Guðfinnssyni, sem er einn af
upphafsmönnum ÍAK námsins á
Keili, en hann er einn sá fremsti
á þessu sviði og byggir þetta kerfi
upp á mjög nákvæman hátt. Í Me-
tabolic eru engar tilviljanir. Unnið
er út frá því að bæta frammistöðu
í æfingum, en bætt líkamsstaða og
meiðslaforvarnir eru aldrei langt
undan. fyrir okkur eru allir íþrótta-
menn og þjálfunin tekur mið að því
að bæta alla þætti; liðleika, styrk,
kraft og úthald. Öll þurfum við að
bæta ákveðna færni, hvort sem það
eru stefnubreytingar inn á fótbolta-
velli eða að stökkva á eftir barna-
börnunum. Til þess þurfum við
styrk og kraft í öllum hreyfiplön-
um. Við vinnum með öll orkukerfin
á vísindalegan hátt og allar æfingar
eru úthugsaðar, allt frá upphitun að
teygjum í lok æfingar,“ segir Rúna
Björg og bætir því við að í Metabo-
lic sé alltaf hægt að aðlaga æfingarn-
ar að þörfum hvers og eins.
Mætum öllum
þar sem þeir eru
„Metabolic hentar vel fyrir fólk sem
hefur verið að glíma við meiðsli, en
við gerum kröfur um að fólk láti
okkur vita áður en þjálfun hefst ef
það er eitthvað sem við þurfum að
varast. Svo hvetjum við iðkendur til
að láta okkur vita á æfingum ef eitt-
hvað er, því við eigum okkar góðu
og slæmu daga og þjálfun á að taka
mið að því. Það er nefnilega alltof
margt hægt að gera og algjör óþarfi
að pína sig í gegnum eitthvað sem
við ráðum illa við. Við leggjum mik-
ið upp úr því að mæta öllum þar sem
þeir eru og gæta þess að allir vinni
við viðeigandi álag,“ segir Rúna
Björg. „Í Metabolic er gott að byrja
í MB2 þar sem unnið er meira með
frjálsan búnað, eins og bolta, lóð og
ketilbjöllur. Í MB3 er hægt að byrja
ef iðkendur kunna sín mörk, þar er
unnið meira með þyngri lyftingar
og tæknilegri æfingar. MB4 eru svo
vinsælu þoltímarnir okkar þar sem
unnið er með markvissa lotuþjálf-
un á Assault hjólunum okkar eða
róðravélum. Svo færum við okkur
í markviss útihlaup yfir sumartím-
ann. MB Kraftþjálfun er svo í boði
fyrir íþróttafólk og lengra komna
sem vilja bæta styrk og sprengikraft.
Auk Metabolictíma bjóðum við upp
á vandaða hópeinkaþjálfun þar sem
unnið er á sérhæfðari hátt í minni
hópum, þar er tilvalið að byrja eft-
ir langa kyrrsetu. Þetta smellpass-
ar allt saman. Æfingarnar eru sett-
ar upp á töflu og svo vinna allir á
sínum hraða og þjálfararnir, sem
eru allir faglærðir, fylgjast vel með
og leiðbeina,“ segir Rúna og bætir
því við að nánari upplýsingar megi
finna inni á vefsíðunni www.meta-
bolicakranesi.is.
Stefnir á að opna þjálf-
unarstöð í Reykjavík
Aðsókn Skagamanna í Metabolic
hefur verið mjög góð og nú stefn-
ir Rúna Björg á að opna nýja stöð
í Reykjavík. „Við erum þrjár sam-
an sem ætlum að opna Metabolic
þjálfunarstöð í Reykjavík. Við erum
núna að leita að húsnæði og erum
meira að segja með augastað á einu.
Um leið og hentugt húsnæði finnst
förum við á fullt í að gera klárt og
opna. Það gæti þess vegna orðið eft-
ir mánuð eða bara á næsta ári,“ seg-
ir Rúna Björg. Aðspurð hvort hún
ætli þá að flytja til Reykjavíkur seg-
ist hún ekki ætla að gera það. „Ég
hef alltaf búið á Akranesi og líður
vel hér. Atvinnutækifærin eru mun
fjölbreyttari á höfuðborgarsvæðinu
en ég trúi því að hver sé sinnar gæfu
smiður. Því hef ég kosið að búa hér
og gera gott úr því sem ég hef. Hér
er svo gott að ala upp börn og mér
líður vel hérna. Það gengur vel með
Metabolic stöðina og í kringum
hana hefur myndast náið samfélag
sem mér þykir mjög vænt um. Ég
verð í allt öðru hlutverki í bænum.
Þar mun ég ekki þjálfa einsog ég
geri hér, hinar tvær ætla að sjá um
það hlutverk. Hlutverk mitt verður
að sjá um utanumhald og rekstur,“
segir Rúna Björg að endingu.
arg
Stefndi á listnám en fann köllunina í líkamsræktinni
Rætt við Rúnu Björg styrktar- og einkaþjálfara á Akranesi
Rúna Björg Sigurðardóttir rekur þjálfunarstöðina Metabolic Akranesi og stefnir nú á að opna nýja Metabolic stöð í Reykjavík.
Aðstaðan er mjög snyrtileg og góð í Metabolic Akranesi.