Skessuhorn - 02.05.2018, Blaðsíða 16

MIÐVIKUDAGUR 2. MAÍ 201816
Um miðja síðustu viku kom út bók
þar sem sögusviðið er Akranes og
Vesturland. Höfundur bókarinn-
ar, Marrið í stiganum, er Eva Björg
Ægisdóttir sem er fædd og uppalin á
Akranesi. Marrið í stiganum er fyrsta
bók Evu Bjargar og hlaut verðlaun-
in Svartfuglinn. Svartfuglinn er verð-
laun sem spennusagnahöfundarnir
Yrsa Sigurðardóttir og Ragnar Jón-
asson komu á fót í samvinnu við út-
gáfufyrirtæki sitt, Veröld. Eva Björg
er með fjögurra vikna gamla dóttur
sína í fanginu á meðan hún spjallar
við blaðamann. Sú litla kippir sér lít-
ið upp við spjallið, heldur steinsefur.
„Það er mikill heiður að vinna þessi
verðlaun,“ segir Eva. „Þetta er mik-
ill stökkpallur fyrir mig, bæði að fá
þennan stimpil á bókina og að fá um-
boðsmann úti.“
Opnar dyr á nýjan
markað
Svartfuglinn var afhentur í fyrsta
sinn í ár, en um þrjátíu handrit voru
send inn til keppni. Verðlaunin eru
afhent höfundum sem eru að senda
frá sér sína fyrstu glæpasögu og fela
í sér 500.000 króna verðlaunafé auk
hefðbundinna höfundarlauna. Sig-
urvegaranum býðst einnig samning-
ur við umboðsmanninn David H.
Headley sem tímaritið Bookseller
útnefndi sem einn af hundrað áhrifa-
mestu mönnum breskrar bókaútgáfu
árið 2015. Hún segir að nálaraugað í
bókaútgáfu í Bretlandi sé þröngt. Það
sé erfitt að koma bókum að hjá bóka-
forlögum og útgefendum. „Þú getur
ímyndað þér hvernig það er. Bara í
keppnina um Svartfuglinn voru send
hátt á þriðja tug handrita og hún var
auglýst með mjög stuttum fyrirvara.“
Bresk útgáfufyrirtæki taki ekki við
handritum nema í gegnum umboðs-
menn sem sé treyst svo samningur
við umboðsmann í Bretlandi opnar
henni margar dyr. Til að geta lifað af
bókaskrifum á Íslandi er höfundum
nær nauðsynlegt að geta selt bækurn-
ar á erlendan markað. Eva Björg seg-
ir að hún geti vel hugsað sér að starfa
við skriftir í framtíðinni.
Í áliti dómnefndar segir að bók-
in sé grípandi og spennandi sam-
hliða því að veita innsýn í myrkan og
sáran veruleika. Fléttan sé fagmann-
lega unnin, söguþráður sterkur og
sögulokin komi lesandanum á óvart.
Blaðamaður Skessuhorns settist nið-
ur með Evu Björgu á heimili foreldra
hennar á Akranesi, þar sem hún var í
helgarheimsókn. Sjálf býr hún í Vest-
urbænum í Reykjavík ásamt manni
sínum Gunnari Kristjánssyni, jarð-
fræðingi og þremur börnum á aldr-
inum fjögurra vikna til níu ára.
Verðlaun í
smásagnakeppni
Eva Björg segir að hún hafi allt-
af verð bókhneigð og hafi frá unga
aldri sótt í að lesa og síðar byrjað að
skrifa sjálf. Aðeins fimmtán ára vann
hún til verðlauna í smásagnakeppni
og þá hafi hún gert sér grein fyrir því
að skriftir væru ef til vill eitthvað sem
hún gæti hugsað sér að gera í framtíð-
inni. Leiðin lá þó ekki beint í skrift-
irnar. Hún kláraði BA-nám í félags-
fræði við Háskóla Íslands með bók-
menntir sem aukagrein. Síðar flutti
hún til Þrándheims í Noregi og
lærði alþjóðavæðingu við Tæknihá-
skólann í Þrándheimi.
Smábæjarlíf í
stórborginni
Eva Björg bjó alla sína æsku á Akra-
nesi þar sem hún gekk í grunnskóla
og útskrifaðist úr fjölbrautaskóla.
Hún þekkir samfélagið vel. „Það var
mjög þægilegt að alast upp hérna og
að geta alltaf hlaupið yfir til ömmu.
Það er allt svo nálægt,“ segir hún.
Henni finnst svipað andrúmsloft
ríkja í Vesturbænum, þar sem hún er
búsett núna. „Þetta er eins og lítið
bæjarfélag og mikið líf í hverfinu.“
Virkt ímyndunarafl og
vandvirk frásögn
„Ég sá fyrir mér vitann,“ segir Eva
Björg þegar hún er spurð af hverju
hún velji Akranes sem sögusvið.
„Hann er svo fallegur en samt svo
óhugnanlegur. Skemmtilegt að láta
eitthvað gerast þar; drepa einhvern
þar,“ segir hún og hlær. Valið á sögu-
sviði bókarinnar lá nokkuð ljóst fyr-
ir strax í upphafi. „Mér finnst þetta
smábæjarlíf svo heillandi,“ segir
Eva. „Mig langaði að láta eitthvað
gerast í smábæ og Akranes er smá-
bær sem ég þekki mjög vel.“ Í bók-
inni finnst ung kona myrt við gamla
vitann á Breiðinni á Akranesi. Hin
látna reynist hafa búið á Akranesi
sem barn. Lögreglukonan Elma,
sem er nýflutt aftur á Akranes, rann-
sakar málið ásamt samstarfsmönn-
um sínum. Upp á yfirborðið koma
ýmis skuggaleg mál úr fortíðinni en
Elma þarf líka að takast á við atburði
úr eigin lífi sem hröktu hana aftur
heim á æskuslóðirnar.
Eva Björg býr yfir ógrynni af hug-
myndum og segir að það hafi verið
erfitt að velja bara eina hugmynd til
að vinna úr. „Ég vissi í raun aldrei
hvað ég ætlaði að skrifa á hverjum
degi, það kom bara af sjálfu sér.“
Hún segir bókina ekki byggða á
neinu úr raunveruleikanum, hvorki
persónur né atburðir. „Þetta kemur
allt úr hausnum á mér,“ segir hún.
Tvær meðgöngur á
stuttum tíma
Bókina skrifaði Eva Björg á níu
mánaða tímabili, þegar hún starf-
aði sem flugfreyja hjá WOW air.
Vaktafríin í flugfreyjustarfinu gerðu
henni kleyft að skrifa heilu dagana,
á meðan eldri synir hennar tveir
voru í leikskóla og skóla. „Ég er
ekki viss um að ég hefði getað þetta
ef ég hefði verið að vinna í venju-
legri níu til fimm vinnu. Sumir rit-
höfundar þurfa að skrifa á kvöldin,
þegar börnin eru farin að sofa. Ég er
ekki viss um að ég hefði orku í það.“
Þegar Marrið í stiganum var skrifuð
átti hún enn bara tvö börn, nú hef-
ur eitt bæst í hópinn. Hún hlær og
segir að henni finnist næstum eins
og hún hafi gengið í gegnum tvær
meðgöngur á stuttum tíma.
Góð gagnrýni
Þegar skrifuð er sakamálasaga, líkt
og Marrið í stiganum, þurfa rit-
höfundar oft að leggja á sig mikl-
ar rannsóknir svo til dæmis verk-
lag lögreglu og atburðir séu eins
nálægt raunveruleikanum og hægt
er. Eva Björg er þar engin undan-
tekning. „Þetta var meiri rannsókn-
arvinna en ég hélt að þetta yrði,“
segir hún hugsandi. „Maður er að
skrifa um heila starfsstétt og ég vil
ekki að einhver sem hefur þekk-
ingu á málunum hugsi að svona sé
þetta ekki.“ Hún vildi því vanda vel
til verka þegar hún skrifaði um starf
rannsóknarlögreglunnar í bók-
inni. Hún fékk ráðgjöf frá rann-
sóknarlögreglumanni sem starfaði
áður við tæknideild lögreglunnar í
Reykjavík til að gera verklag lög-
reglunnar í bókinni sem trúverð-
ugast. „Ég fékk einmitt mjög góða
gagnrýni frá einum lögreglumanni
um að rannsóknin á morðmálinu í
bókinni sé mjög raunveruleg. Ég
er hæstánægð að heyra það.“ Hún
segir að við skrifin hafi hún farið að
velta fyrir sér ólíklegustu hlutum,
sem hún hafi aldrei áður velt fyr-
ir sér. „Til dæmis hvernig manns-
lík rotna. Hvað myndi gerast ef
það myndi liggja svona lengi í sjó?
Hvernig ber tæknideildin sig að?
Og margt fleira.“
Skriftir í
fæðingarorlofinu
Undirbúningur að næstu bók er
hafinn, því eins og fyrr segir er
Eva uppfull af nýjum hugmynd-
um. „Ég er samt ekki búin að gera
upp við mig ennþá hvort ég ætli að
skrifa aftur um sömu persónur eða
hvort ég ætli að skrifa um eitthvað
allt annað.“ Hún viðurkennir þó að
síðustu vikur hafi hún haft í nógu
að snúast. „Það eru fjórar vikur síð-
an hún kom í heiminn,“ segir hún
og á við kornabarnið. „Bókin fór í
prentun viku áður en hún kom út
og ég var að vinna í henni alveg
fram að því.“ Síðasta föstudag hélt
hún útgáfuteiti í Pennanum Ey-
mundsyni í Austurstræti. Í kringum
hundrað manns mættu til að fagna
útgáfunni, berja nýja höfundinn
augum og næla sér í áritað eintak af
bókinni. „Það var gaman að sjá hve
margir komu ofan af Skaga,“ seg-
ir hún glaðlega. Hún vonast til þess
að geta skrifað í fæðingarorlofinu.
„Ég er að vona að ég geti farið að
vinna í næstu bók. En það fer svo-
lítið eftir henni,“ segir hún og horf-
ir á sofandi barnið í fangi sér.
klj
Vann fyrsta Svartfuglinn
Eva Björg Ægisdóttir sigraði í glæpasagnakeppninni Svartfuglinum
Eva Björg á samt Gunnari, manni sínum, Benjamín Ægi yngri syni sínum og Óliver
Dreka eldri syni sínum.
Eva Björg segir að hún hafi alltaf verið bókhneigð og hafi snemma fundið áhuga
fyrir skriftum.
Marrið í stiganum er fyrsta bók Evu
Bjargar og hlaut verðlaunin Svartfug-
linn sem voru afhent í fyrsta sinn í ár.
Fyrir fjórum vikum bættist Embla Steinunn í fjölskylduna. Eva Björg ætlar að nýta
fæðingarorlofið til að skrifa næstu bók.