Skessuhorn - 02.05.2018, Blaðsíða 23
MIÐVIKUDAGUR 2. MAÍ 2018 23
Hettupeysur
í mörgum litum
Við hönnum, prentum og merkjum fyrir þig og þína
Sími: 666 5110
smaprent@smaprent.is
www.smaprent.is Smáprent
Hópur hestakvenna á Vesturlandi
hefur nú tekið sig saman og stofn-
að töltgrúbbu þar sem konurnar æfa
saman undir handleiðslu Ragnheið-
ar Samúelsdóttur reiðkennara. Aðal
áherslan innan grúbbunnar er að
hittast og hafa gaman saman og svo
geta þær sem vilja tekið þátt í að sýna
hóptölt á ýmsum viðburðum hesta-
manna á Vesturlandi. Þrátt fyrir að
grúbban hafi aðeins verið til í tæp-
an mánuð hafa konurnar þegar sýnt
á tveimur sýningum, annars vegar
á Skeifudeginum á Mið-Fossum og
hins vegar á Vesturlandssýningunni í
Faxaborg. „Við hittumst fyrst á nám-
skeiði hjá Ragnheiði helgina 6.-8.
apríl og stukkum eiginlega strax út
í djúpu laugina og fórum að sýna.
Fyrir sýningarnar vorum við aðeins
búnar að æfa saman fimm sinnum,“
segir Harpa Sigríður Magnúsdótt-
ir, einn af stofnendum grúbbunnar,
í samtali við Skessuhorn.
Er með hestasótt
af verstu gerð
Harpa Sigríður er mikil hestakona.
Hún er búsett á Syðstu-Fossum í
Andakíl ásamt eiginmanni Unn-
steini Snorra Snorrasyni og Ísaki
Reyr 18 ára syni sínum og Magnúsi
Snorra tveggja ára syni þeirra hjóna.
Harpa Sigríður er fædd og uppalin í
Árnessýslu þar sem hún hefur stund-
að hestamennsku eins lengi og hún
man eftir. Hún flutti á Hvanneyri
til að hefja nám árið 2012 og kynnt-
ist þá Unnsteini. Hún hefur verið í
Borgarfirðinum síðan og vinnur í
dag sem leiðbeinandi á leikskólan-
um Andabæ á Hvanneyri. „Hesta-
mennska hefur alltaf spilað stóran
þátt í mínu lífi. Því hefur oft verið
fleygt fram að ég hafi alla tíð verið
með hestasótt af verstu gerð,“ segir
hún og hlær. „Ég er mikið náttúru-
barn og elska að vera þar sem ég get
komist út í náttúruna hvenær sem
er. Ég hef prófað að búa á mölinni
og það var ekki fyrir mig, ég vil bara
vera í sveit. Það eru mikil forréttindi
að fá að alast upp við þessar aðstæð-
ur og að geta gefið börnunum sínum
tækifæri til þess líka. Magnús Snorri
sonur okkar er mikill sveitakall eins
og við og finnst fátt skemmtilegra en
að hjálpa til úti í húsum. Hann hef-
ur svo ömmu og afa í næsta húsi sem
eru líka forréttindi,“ bætir Harpa
Sigríður við.
Hestamennskan í
stóru hlutverki
Harpa Sigríður og Unnsteinn eru
með um 100 ær og 25 hross og það
mætti segja að hestamennskan sé
ríkjandi áhugamál á bænum. Unn-
steinn vinnur mikið og getur því
ekki tekið jafnan þátt í áhugamálinu
en Harpa Sigríður ver miklum tíma í
hesthúsinu að þjálfa. „Ég er aðallega
að þjálfa upp og temja góða alhliða
reiðhesta en ég er líka með einn sem
ég er að þjálfa upp sem keppnis-
hest fyrir mig. Ég hef lítið verið að
keppa undanfarið en er núna í námi
sem heitir Reiðmaðurinn. Þar er ég
með hest sem mig langar mikið að
geta keppt á,“ segir hún. Á Syðstu-
Fossum er augljóst að hestamennsk-
an er í forgangi. Þar hafa þau Harpa
Sigríður og Unnsteinn komið sér
upp ágætlega rúmgóðri þjálfunarað-
stöðu innandyra enda miklum tíma
varið þar.
Allar konur með töltandi
hest velkomnar í hópinn
Töltgrúbban er að sögn Hörpu
Sigríðar fyrir allar konur á Vest-
urlandi sem hafa aðgang að hesti
með þokkalegt tölt. „Það eru eng-
in önnur skilyrði en að geta komið
með hest sem töltir og auðvitað að
vera kona. Hugmyndin er fyrst og
fremst að ná saman konum á Vest-
urlandi sem stunda hestamennsku til
að gera eitthvað skemmtilegt saman.
Það eru engin skilyrði um að taka
þátt í sýningum eða að mæta á all-
ar æfingar, bara að vera með og hafa
gaman,“ segir Harpa Sigríður. Tölt-
grúbban er í örlítilli pásu um þess-
ar mundir en þráðurinn verður tekin
upp að nýju í haust. „Margar í hópn-
um eru bændur og nú er að koma
háannatími hjá þeim, sauðburður,
heyskapur og önnur störf sem þarf
að sinna yfir sumarið. Hugmyndin
er að hittast að nýju í haust og taka
þá ákvörðun um hvernig við viljum
hafa æfingar og hvernig fyrirkomu-
lag grúbbunnar á að vera,“ segir
Harpa Sigríður og bætir því við að
stofnuð hefur verið Facebook-síða
fyrir grúbbuna og þangað geti allar
áhugasamar konur leitað eftir frekari
upplýsingum. „Ég útiloka þó ekkert
að við munum hittast fyrir haustið
og gera eitthvað skemmtilegt sam-
an. En væntanlega verða ekki æfing-
ar fyrr en snemma á næsta ári þegar
við erum allar komnar með hesta inn
í hús á ný. Vonandi verður svo nóg
um sýningar næsta vor.“
Hópurinn
hefur stækkað hratt
Aðspurð hvort hún þekki til fleiri
kvenna í töltgrúbbum svarar hún
því að hugmyndin hafi einmitt kom-
ið frá annarri slíkri grúbbu á höf-
uðborgarsvæðinu. „Ragnheiður
stofnaði sambærilega grúbbu innan
hestamannafélagsins Spretts og er að
þjálfa þann hóp kvenna. Ég veit líka
til þess að fleiri svona grúbbur á höf-
uðborgarsvæðinu og eflaust víðar.
Þetta er skemmtileg leið til að sam-
eina konur í hestamennsku.“ Í Tölt-
grúbbu Vesturlands eru um 60 kon-
ur skráðar í dag og að sögn Hörpu
Sigríðar hefur hópurinn stækkað
mjög hratt. Hún segist eiga von á
að næsta vor verði hópurinn orðinn
töluvert stærri. „Sýningarnar voru
báðar mjög góðar og skemmtilegar.
Það tóku 26 konur þátt á Skeifudeg-
inum og 24 konur á Vesturlandssýn-
ingunni. Ég er viss um að það muni
verða töluvert stærri hópur næst. Ég
veit að konur af Snæfellsnesi voru
uppteknar í öðru á þessum tíma og
komust ekki þrátt fyrir að hafa viljað.
Ég vona að næst komist þær með,
það verður gaman að hitta allar þess-
ar konur og sjá hvað hópurinn getur
gert,“ segir Harpa Sigríður brosandi
að lokum. arg
Töltgrúbba fyrir konur á Vesturlandi
Frumsýndu nýverið fyrsta atriðið sem hópurinn þjálfaði
Flottur hópur kvenna í töltgrúppu. Ljósm. Árdís H. Jónsdóttir.
Hópur kvenna á Vesturlandi tók sig saman og stofnaði töltgrúppu og hafa þær
tvisvar komið saman og sýnt hóptölt á hestamannaviðburðum á Vesturlandi.
Ljósm. Árdís H. Jónsdóttir.
Harpa Sigríður Magnúsdóttir, bóndi á Syðstu-Fossum, er einn af stofnendum
Töltgrúbbu Vesturlands. Á myndinni er Harpa Sigríður á baki hests sem hún er að
þjálfa upp sem keppnishest.