Skessuhorn - 02.05.2018, Blaðsíða 21
MIÐVIKUDAGUR 2. MAÍ 2018 21
Söngleikurinn Smellur var frum-
sýndur fyrir fullu húsi í Bíóhöll-
inni á Akranesi síðastliðið föstu-
dagskvöld. Söngleikurinn er færð-
ur á fjalirnar af nemendum á ung-
lingastigi í Grundaskóla. Höf-
undar verksins eru Einar Viðars-
son, Gunnar Sturla Hervarsson
og Flosi Einarsson, en þeir kenna
allir við skólann. Fjörtíu nemend-
ur stíga á svið í sýningunni en alls
koma áttatíu nemendur að upp-
setningunni með einum eða öðr-
um hætti.
Söngleikurinn gerist á níunda
áratugnum og er verkið svipað
miklum 80s anda, allt frá búning-
um til textans. Gestir sem muna þá
tíma þegar Wham og Duran Dur-
an réðu ríkjum fá þátíðarþrá fyr-
ir allan peninginn þegar persónur
drekka sódastrím eða láta þreytuna
líða úr sér með aðstoð fótanudd-
tækisins á meðan hlýtt er á dóms-
dagsfréttir kaldastríðsáranna.
Húmorinn ræður ríkjum í sög-
unni og Smellur er mjög fyndinn
söngleikur. Mikið var hlegið í saln-
um og oft þurftu leikarar að bíða
augnablik áður en þeir gátu haldið
áfram á sviðinu til að leyfa áhorf-
endum að ná andanum.
Tónlistin í verkinu er samin í
anda stórsmella níunda áratugar-
ins og er ljómandi skemmtileg.
Krakkarnir fluttu músíkina af ör-
yggi og yfirvegun en því miður
heyrði blaðamaður ekki nægilega
vel í söngnum í öllum lögunum.
En það sem hann heyrði kunni
hann að meta. Söngatriðin eru
studd með metnaðarfullum dans-
atriðum sem dansarar sýningar-
innar skiluðu frá sér af stakri prýði
og mikilli nákvæmni. Af frumsýn-
ingunni var raunar ekki annað að
merkja en að verkið allt hafi verið
mjög vel æft og alls staðar vandað
til verka. Öllum sem stigu á stokk
virtist líða vel á sviðinu, ekki var
að sjá neinn taugatitring í hópn-
um. Leikararnir stóðu sig afar vel.
Í stórum hlutverkum sem smáum
má sjá marga mjög efnilega leik-
ara sem gætu lagt fagið fyrir sig í
framtíðinni ef þeim sýndist svo.
Sviðsmyndin er litrík og flott
og grípur auga áhorfandans. Með
því að kveikja ljós á bakvið hana á
mismunandi stöðum breytist hún
eftir því hvað er til umfjöllunar á
sviðinu hverju sinni. Er það mjög
einföld og sniðug lausn til að gera
leikmyndina lifandi.
Flæði sýningarinnar er mjög
gott og aldrei var dauður tími á
frumsýningarkvöldinu. Aftur er
það merki um að verkið hafi verið
vel æft, leikstjórn góð og allir vel
undirbúnir hvort sem þeir stóðu á
sviðinu, að tjaldabaki eða úti í sal.
Viðtökur frumsýningargesta
voru á eina leið; allir virust hæst-
ánægðir með sýninguna og fengu
krakkarnir standandi lófatak að
sýningu lokinni. Smellur er enda
mjög vel heppnuð og flott sýningin
en umfram allt hin besta skemmt-
un. kgk
Smellur er hin besta skemmtun
Það er nóg framundan hjá Karla-
kórnum Kára á þessu tíu ára afmæl-
isári. Laugardaginn 5. maí verða
vortónleikar í Grundarfjarðar-
kirkju en sérstakir gestir þar verður
Grundartangakórinn undir stjórn
Atla Guðlaugssonar. Kórarnir
munu syngja saman og í sitthvoru
lagi skemmtileg dægurlög og lofa
góðri skemmtun. Svo mun kórinn
halda veglega tónleika sunnudag-
inn 13. maí í Félagsheimilinu Klifi
í Ólafsvík. Þar munu stórsöngvar-
arnir Elmar Gilbertsson og Eyþór
Ingi Gunnlaugsson koma fram með
kórnum og ætti enginn tónlistar-
unnandi að láta þetta fram hjá sér
fara. tfk
Karlakórinn Kári með tónleika
Lionsklúbbur Grundarfjarðar af-
henti Björgunarsveitinni Klakki
ágóðan af kútmagakvöldinu sem
klúbburinn hélt í vetur. Upphaf-
lega var ætlunin að sveitin fjár-
festi í hjartastuðtæki sem hægt væri
að nota í útköllum en ágóðinn af
kútmagakvöldinu var vel rúmlega
yfir því markmiði og mun nýtast
til tækjakaupa. Alls var upphæðin
1.050.381 kr. og veitti Ketilbjörn
Benediktsson, formaður Klakks,
honum viðtöku á fundi Lionsklúbbs
Grundarfjarðar miðvikudaginn 25.
apríl síðastliðinn.
tfk
Á myndinni eru f.v. Sigurlaug R Sævarsdóttir, Ásthildur Erlingsdóttir, Ketilbjörn
Benediktsson, Hólmfríður Hildimundardóttir og Erna Sigurðardóttir
Lions afhendir Björgunar-
sveitinni Klakki veglegan styrk