Skessuhorn - 16.05.2018, Blaðsíða 8
MIÐVIKUDAGUR 16. MAÍ 20188
Séra Elínborg í
Dómkirkjuna
B O R G A R F J :
Biskup Íslands hef-
ur ákveðið að skipa
séra Elínborgu
Sturludóttur í
embætti prests í
Dómkirkjuprestakalli í Reykja-
víkurprófastsdæmi vestra. Fjór-
ir umsækjendur voru um emb-
ættið. Biskup skipar í embættið
í samræmi við niðurstöðu kjör-
nefndar prestakallsins. Séra El-
ínborg hefur undanfarin ár ver-
ið sóknarprestur í Stafholti í
Borgarfirði, en var áður prestur
í Grundarfirði.
-mm
Akstursbann á
hálendisvegum
Akstursbann er nú á fjölmörg-
um hálendisvegum og -slóðum
sem eru mjög viðkvæmir með-
an frost er að fara úr jörð. „Því
miður ber talsvert á því að öku-
menn virði ekki merkingar um
þessar lokanir sem settar eru á
til að hlífa bæði vegunum sjálf-
um og náttúrunni í kringum þá
fyrir átroðningi og skemmdum
sem auðveldlega verða á þessum
árstíma. Því er rétt að árétta að
það er beinlínis lögbrot að fara
inn á veg framhjá merkinu „all-
ur akstur bannaður“,“ segir í til-
kynningu frá Vegagerðinni.
-mm
Dregur úr fjölgun
LANDIÐ: Í apríl voru brott-
farir erlendra ferðamanna frá
Leifsstöð 147 þúsund sam-
kvæmt talningu Ferðamála-
stofu og Isavia. Það eru sex þús-
und færri farþegar en fóru utan
í apríl á síðasta ári, sem gerir
3,9% samdrátt. Þetta er í fyrsta
skipti frá árinu 2010 sem ferða-
mönnum fækkar milli saman-
burðarmánaða. Þá mælist veru-
lega minni hlutfallsleg aukning
milli ára í samanburði við síð-
ustu ár, en ferðamönnum fækk-
ar þó ekki. Þannig hafa frá ára-
mótum 628 þúsund erlendir
ferðamenn farið um Leifsstöð,
sem er 3,7% fjölgun frá síð-
asta ári. Aukningin milli áranna
2016 og 2017 var hins vegar
55,7% fyrstu fjóra mánuði ár-
anna. -mm
Sífellt fleiri tengj-
ast ljósleiðara
LANDIÐ: Nýting á ljósleiðara
til heimila þaut upp á síðasta ári
þegar ljósleiðaratengdum heim-
ilum fjölgaði um 14.297 eða
33,8%. Þetta kemur fram í nýrri
skýrslu Póst- og fjarskiptastofn-
unar (PFS) þar sem farið er yfir
stöðu og tölur á íslenska fjar-
skiptamarkaðinum árið 2017.
Heimili sem nýta sér kopar-
samband eða Ljósnet fækkaði
um 9.215, sem er 10,9% lækk-
un milli ára. Af 133.574 heim-
ilum með fast netsamband eru
nú 56.649 tengd ljósleiðara
alla leið sem er 42,4%. 76.925
heimili eru því enn í koparsam-
bandi. Talið er að um 100.000
heimili hafi átt kost á ljósleið-
ara í lok ársins 2017. Það þýðir
að 56,6% heimila velja sér ljós-
leiðara þegar þau hafa kost á
honum. Þessi nýting er til fyr-
irmyndar á alþjóðavettvangi og
stendur Ísland vel í samanburði
við nágrannaþjóðir. -mm
Ærslabelgur
væntanlegur
BORGARNES: Sveitarstjórn
Borgarbyggðar samþykkti við-
auka við fjárhagsáætlun 2018
á fundi sínum á mánudaginn.
Meðal þess sem gert er ráð
fyrir í viðaukanum eru kaup
á svokölluðum ærslabelg fyr-
ir 2,5 milljónir króna. Verður
belgnum komið fyrir í Borgar-
nesi. Ærslabelgir eru uppblásn-
ir, niðurgrafnir belgir, leiktæki
sem börn á öllum aldri geta
hoppað á eins og trampólíni.
Hefur slíkum belgjum verið
komið fyrir víða um land, með-
al annars í Stykkishólmi á síð-
asta ári og þá hefur lengi verið
ærslabelgur á Húsafelli. -kgk
Árekstur í
göngunum
HVALFJ: Árekstur tveggja
bíla, rútu og fólksbíls, varð neð-
arlega í Hvalfjarðargöngun-
um laust fyrir hádegi síðastlið-
inn fimmtudag. Göngin voru af
þeim sökum lokuð fyrir umferð í
um tvo tíma. Einungis ökumenn
voru í bílunum og slösuðust
þeir ekki. Um tildrög óhappsins
sagði á vef Spalar að fólksbíln-
um hafi verið ekið niður í göng-
in að norðanverðu á miðakrein-
inni, sem ætluð er til umferðar
í gagnstæða átt. Hann hafi því
skollið beint framan á rútukálf
sem var á norðurleið. Bílstjóri
fólksbílsins áttaði sig ekki á að
hann æki á röngum vegarhelm-
ingi. Ökutækin skemmdust mik-
ið og úr þeim rann olía sem tíma
tók að hreinsa upp áður en óhætt
var að opna göngin að nýju fyrir
umferð. Mikill viðbúnaður við-
bragðsaðila var vegna óhapps-
ins, eins og ætíð þegar óhöpp
verða í jarðgöngum. -mm
Sólberg ÓF 1 gnæfði yfir
hafnarbakkann í Grundar-
firði miðvikudaginn 9. maí
þar sem það lá við festar í
höfninni. Togspil í skipinu
hafði bilað og komu við-
gerðarmenn frá Reykjavík
með varahluti og gerðu við
spilið í Grundarfjarðarhöfn.
Skipið kom fyrst til Íslands í
fyrra og er eitt af fullkomn-
ustu veiðiskipum flotans og
afar glæsilegt á að líta.
tfk
Eitt glæsilegasta skip flotans í Grundarfjarðarhöfn
„Sala á nýjum bílum með þróuðustu
og sparneytnustu bensín- og dísil-
vélunum mun dragast verulega sam-
an vegna fyrirséðra verðhækkana
frá og með 1. september 2018 grípi
stjórnvöld ekki til mótvægisaðgerða
gagnvart nýja alþjóðlega mengun-
arstaðlinum WLTP sem tekur við
hlutverki eldri staðla við mælingar
á eyðslu eldsneytis og útblæstri kol-
díoxíðs (CO2),“ segir í tilkynningu
frá Bílgreinasambandinu.
Innleiðing á WLTP í Evrópu
verður í tveimur skrefum, fyrst með
uppreiknuðu gildi núverandi NEDC
staðals 1. september 2018 og svo að
fullu þann 1. september 2019. „Fyr-
irséð er að CO2 gildi bifreiða munu
hækka og leiða til hærri vörugjalda
og þar með útsöluverðs á nýjum
bílum. Einnig mun taka gildi upp-
færður mengunarstaðall, EURO6c,
þann 1. september næstkomandi
með hertum kröfum um útblástur
sótagna og nituroxíðs (NOx). Kröf-
urnar kalla á uppfærðar vélar sem
munu að sögn framleiðenda hækka
í innkaupum um á bilinu 1500-3000
evrur. Allir bensín- og dísilbílar auk
tvinn- og tengitvinnbíla munu verða
fyrir áhrifum af breytingunum.“
Samkvæmt heimildum Bílgreina-
sambandsins er talið útilokað að ís-
lensk stjórnvöld hafi ráðrúm til að
koma í veg fyrir hækkanirnar 1.
september næstkomandi. „Hins
vegar er afar mikilvægt að stjórn-
völd grípi til ráðstafana sem komi í
veg fyrir sambærilegar hækkanir 1.
september 2019 þegar WLTP tekur
gildi að fullu.“ Þá minnir Bílgreina-
sambandið á að nokkur Evrópu-
lönd hafi þegar ákveðið að bregðast
við svo bílverð hækki ekki umtals-
vert fyrir neytendur. Dönsk stjórn-
völd hafa t.d. þegar ákveðið að lækka
vörugjöld um sem nemur verðhækk-
unum sem ella hlytust af tollflokka-
breytingunum.
Bílar eru verðteygin vara
Að mati Bílgreinasambandsins er
nauðsynlegt að stjórnvöld grípi til
mótvægisaðgerða sem hamli gegn
stórfelldum verðhækkunum á nýj-
ustu bensín- og dísilbílunum. Það
væri mjög í þágu ríkissjóðs og ekki
síður umhverfisins. Bílar eru afar
verðteygin vara og markaðurinn
bregst við með leifturhraða eins og
raunin varð í efnahagshruninu 2008
þegar verðhækkanir um 25-30%
höfðu í för með sér um 50% sam-
drátt í sölu nýrra bíla. Tekjur ríkis-
sjóðs af vörugjöldum og virðisauka-
skatti af nýjum bílum nema millj-
örðum króna á ári hverju. Verði
ekki gripið til mótvægisaðgerða
mun hægja verulega á endurnýj-
un bílaflotans, þar sem meðalaldur-
inn er um 12 ár um þessar mundir,
vegna þess að neytendur munu í rík-
ari mæli velja notaðan bíl í stað nýs.
Það mun hægja á endurnýjun flotans
og lengja líftíma meira mengandi
bíla. Að mati Bílgreinasambandsins
er ekki ólíklegt að árið 2019 muni
sala á nýjum bílum verða á bilinu
40-50% þess sem hún var árið 2017
grípi stjórnvöld ekki til raunhæfra
aðgerða með hagsmuni neytenda og
umhverfisins að leiðarljósi. mm
Líkur á að verð á nýjum
bílum hækki verulega
Opel bílar á ýmsum aldri.