Skessuhorn - 16.05.2018, Blaðsíða 13

MIÐVIKUDAGUR 16. MAÍ 2018 13
Framlagning kjörskrár

Kjörskrá Hvalfjarðarsveitar, vegna sveitar-
stjórnarkosninga sem haldnar verða þann 26. maí
2018, mun liggja frammi almenningi til sýnis á
skrifstofu Hvalfjarðarsveitar, stjórnsýsluhúsinu
Innrimel 3, á almennum skrifstofutíma frá og með
16. maí 2016 til kjördags.

Hvalfjarðarsveit 14. maí 2018
Skúli Þórðarson, sveitarstjóri. SK
E
S
S
U
H
O
R
N
2
01
8
SK
ES
SU
H
O
R
N
2
01
8
Kjörskrá vegna sveitar-
stjórnarkosningar 26. maí 2018
Kosningar til sveitastjórna fara fram laugardaginn 26. maí
næstkomandi. Kjörskrá á Akranesi hefur nú verið samþykkt
og lögð fram af bæjarstjórn Akraness. Kjósendur á kjörskrá á
Akranesi eru þeir sem eiga þar skráð lögheimili fimm vikum
fyrir kjördag. Flutningur lögheimilis eftir þann tíma breytir
ekki skráningu á kjörskrá.
Kjörskráin liggur frammi í þjónustuveri Akraneskaupstaðar,
Stillholti 16-18, 1. hæð, frá og með 16. maí næstkomandi og
er þar opin almenningi til sýnis á almennum skrifstofutíma
fram til kjördags. Alls eru á kjörskrá 5.183 einstaklingar, þar af
2.638 karlar og 2.545 konur.
Þeim sem vilja koma athugasemdum á framfæri vegna
kjörskrár er bent á að snúa sér til sviðsstjóra stjórnsýslu-
og fjármálasviðs. Athygli er vakin á því að sveitarstjórn getur
allt til kjördags gert leiðréttingar á kjörskrá ef við á.
Mjög mikill verðmunur er á hæsta
og lægsta verði fyrir bílatrygging-
ar í nýjustu könnun Verðlagseftir-
lits Alþýðusambands Íslands sem
kynnt var í síðustu viku. Í könn-
uninni kemur fram að 107% mun-
ur er á milli hæsta og lægsta til-
boðsins í ábyrgðartryggingu og
kaskótryggingu. Lægsta verðið var
hjá VÍS, 129.559 kr. fyrir ábyrgð-
artryggingu og 43.631 kr. fyrir
kaskótryggingu, samtals 170.190
krónur. TM var með hæsta til-
boðið, 261.061 kr. fyrir ábyrgðar-
tryggingu og 90.800 fyrir kaskó-
tryggingu, samtals 351.861 krón-
ur. Könnunin var gerð í samstarfi
við bifreiðaeigenda sem fékk tilboð
í lögboðnar ökutækjatryggingar
ásamt bílrúðutryggingu og kaskó-
tryggingu fyrir árgerð 2009 af VW
Polo. Könnun verðlagseftirlitsins
er staðfesting á því að bíleigend-
ur þurfa reglulega að leita tilboða
í lögbundnar ökutækjatryggingar.
Ekki síst er það mikilvægt í ljósi
þess að öllum bifreiðaeigendum
er skylt að kaupa ábyrgðartrygg-
ingu fyrir ökutæki sitt ásamt slysa-
tryggingu ökumanns og eiganda. Í
könnun ASÍ var því gerður verð-
samanburður á þessum trygging-
um auk bílrúðu- og kaskótrygging-
ar en kaskótryggingin veitir trygg-
ingarvernd ef hinn tryggði veldur
sjálfur tjóni á eigin bifreið vegna
áreksturs og veltu eða ef tjón verð-
ur vegna innbrots, þjófnaðar eða
skemmdarverka.
Tiltölulega lítill munur er á til-
boðunum frá Verði og Sjóvá en
ábyrgðartryggingin var ódýrari
hjá Sjóvá, 159.332 kr. en 165.558
kr. hjá Verði. Kaskótryggingin
var hins vegar ódýrari hjá Verði,
52.663 kr. samanborið við 62.432
kr. hjá Sjóvá. Heildarverð fyrir
ábyrgðartryggingu og kaskótrygg-
ingu hjá Verði var 218.221 kr. en
221.766 kr. hjá Sjóvá.
Þó að verð vegi þungt þegar
tekin er ákvörðun um val á trygg-
ingarfélagi þarf líka að skoða fjár-
hæð sjálfsábyrgðar, sem er sá pen-
ingur sem eigandi þarf sjálfur að
reiða af hendi vegna tjóna. Engin
eigin áhætta eða sjálfsábyrgð er á
ábyrgðartryggingu hjá VÍS. Hjá
TM leggst 35.000 kr. viðbótarið-
gjald eftir tjón umfram 200.000
kr. en það fellur í gjalddaga þegar
tryggingafélagið hefur greitt fyrr-
nefnda upphæð. Sjálfsábyrgðin hjá
Verði er 34.600 kr. en Sjóvá inn-
heimtir iðgjaldsauka að upphæð
25.300 krónur vegna tjóna sem
fara yfir 100.000 krónur. Í öllum
þessum tilfellum er verið að tala
um sjálfsábyrgð vegna ábyrgðar-
tryggingar (skyldutryggingar) en
eigin áhættu vegna kaskótrygg-
ingar má sjá í töflunni. Þá skal tek-
ið fram að iðgjöld hjá trygginga-
félögunum geta hækkað við endur-
nýjun í kjölfar tjóns.
„Miklar verðhækkanir hafa
orðið á bílatryggingum síðustu
ár en hækkanirnar eru langt um-
fram hækkun á vísitölu neyslu-
verðs. Á árunum 2014-2018 hafa
bílatryggingar hækkað um 25% á
meðan vísitala neysluverðs hefur
hækkað um 7%. Bílatryggingar
hafa því hækkað um 17 prósentu-
stig umfram vísitölu neysluverðs
þrátt fyrir að bílar hafa lækkað
um 13% í verði og varahlutir um
20% á sama tímabili. Ef tímabilið
frá 2016-2018 er skoðað hækkuðu
bílatryggingar um 15% en vísitala
neysluverðs um 4% og hækkuðu
bílatryggingar því um 11% um-
fram verðlag á því tímabili,“ segir í
tilkynningu frá ASÍ. mm
107% verðmunur á bílatryggingum
Hvalfjarðarsveit óskar eftir aðila til
að annast rekstur sundlaugarinnar að
Hlöðum nú í sumar. Viðkomandi skal
samkvæmt nánara samkomulagi ann-
ast umsjón með starfsemi laugarinnar
í júní, júlí og ágúst, annast baðvörslu,
afgreiðslu, þrif, auglýsingar, innkaup
á rekstrarvörum, t.d. hreinlætisvör-
um eins og klór og öðru sem rekstr-
inum tengist. Rekstraraðili skal einn-
ig ábyrgjast að starfsmenn er annast
sundlaugarvörslu hafi lokið skyndi-
hjálparnámskeiði. Æskilegt er að
starfsmenn hafi náð 20 ára aldri og geti
uppfyllt skilyrði um reglur og öryggi á
sundstöðum.
Umsóknum um rekstur sundlaug-
arinnar að Hlöðum 2018 skal skila
á skrifstofu Hvalfjarðarsveitar fyrir
föstudaginn 18. maí nk. Umsóknum
skal fylgja samantekt um umsækjanda
m.a. fyrri störf, reynslu af rekstri og
starfsmannahaldi. Nánari upplýising-
ar veitir Skúli Þórðarson, sveitarstjóri í
síma 433-8500 eða á netfangið skuli@
hvalfjardarsveit.is.
Samhliða þessu starfi vantar Hval-
fjarðarsveit að ráða í starf skrifstofu-
manns/skjalavarðar. Nánari upplýs-
ingar má finna á vef sveitarfélagsins.
mm
Vantar að ráða
rekstraraðila
Í gærmorgun var Bláfáninn dreginn
að húni við Langasand á Akranesi.
Bláfáninn er alþjóðlegt umhverfis-
merki sem veitt er smábátahöfnum,
baðströndum og þjónustuaðilum í
sjávarferðamennsku fyrir árangurs-
ríkt starf að umhverfismálum. Til-
gangur verkefnisins er að stuðla að
verndun lífríkis haf- og strandsvæða,
draga úr umhverfisáhrifum, bæta ör-
yggi og efla umhverfisvitund. Blá-
fáninn er tákn um góða frammistöðu
í umhverfismálum og bætir ímynd
og ásýnd rekstaraðila þar sem hann
blaktir við hún og er þetta sjötta árið
í röð sem Langisandur vær þessa við-
urkenningu.
Var það Sævar Freyr Þráinsson
bæjarstjóri sem dró fánann að húni
með aðstoð leikskólabarna sem
komu til að fylgjast með afhend-
ingu fánans. Veðrið setti aðeins strik
í reikninginn en rétt áður en fáninn
var afhentur bæjarstjóra kom haglél
og var athöfnin því ekki löng. Leik-
skólabörnin eru þó öllu vön og tóku
lagið í haglélinu áður en þau héldu
aftur í sína skóla. arg
Bláfáninn dreginn að
húni við Langasand
Sævar Freyr Þráinsson, bæjarstjóri Akraness, tók við fánanum.
Leikskólabörnin aðstoðuðu Sævar við að draga fánann að húni.
Þrátt fyrir haglél og rok gáfu börnin sér tíma til að taka lagið þegar búið var að
draga fánann að húni.
Börnin komu sér vel fyrir hjá fánastönginni við Langasand áður en fáninn var afhentur.