Skessuhorn - 16.05.2018, Blaðsíða 24

MIÐVIKUDAGUR 16. MAÍ 201824
Misjafnt ástand gatnakerfis bæjar-
ins hefur að vonum verið vinsælt
umræðuefni á liðnum árum. Fjár-
hagur bæjarins hefur ráðið að for-
gangsraða hefur þurft vandlega
verkefnum og endurnýjun gatna
hefur setið á hakanum lengi.
Á líðandi kjörtímabili var ráðist
í mat á ástandi gatnakerfisins og
lagnakerfinu undir þeim. Þá hafa
þær einnig verið metnar út frá ör-
yggissjónarmiði, sem er nýlunda.
Í kjölfarið varð til umferðarörygg-
isáætlun Akraneskaupstaðar. Á
grundvelli hennar var mótuð áætl-
un um hver verða næstu skref í við-
haldi gatnakerfisins.
Með stórbættri fjárhagsstöðu
bæjarins, í kjölfar samninga við rík-
ið um uppgjör lífeyrisskuldbindinga
Höfða og aðhaldssamrar fjármála-
stjórnar, hefur myndast svigrúm til
þess að blása til sóknar og verja um-
talsverðum upphæðum til þessara
löngu tímabæru framkvæmda.
Nú þegar standa yfir fram-
kvæmdir við Vesturgötu og síðar á
þessu ári verður ráðist í endurbæt-
ur á Esjubraut og Ketilsflöt. Esju-
braut er samkvæmt öryggismati
hættulegasta gata bæjarins og Ket-
ilsflötin er ónýt á kafla. Á verkefna-
lista næstu ára eru m.a. Suðurgata,
Garðagrund, gatnamót Kirkju-
brautar og Stillholts, Jörundarholt
og Smiðjuvellir, svo einhverjar göt-
ur séu nefndar.
Veldur hver á heldur og því ósk-
um við Sjálfstæðismenn eftir um-
boði kjósenda til þess að gera þess-
ar áætlanir að veruleika.
Einar Brandsson
Höfundur skipar 3. sæti á lista
Sjálfstæðisflokksins á Akranesi við
bæjarstjórnarkosningarnar í vor.
Bæjarins batn-
andi götur
Pennagrein
Það getur oft verið gagnlegt að
hugsa út fyrir kassann og finna út
hvernig við getum gert gott Akra-
nes að enn betra Akranesi. Það er
gott að búa á Akranesi því hér er
nánast allt til alls svo öllum geti lið-
ið vel. Skuldastaða bæjarins er með
besta móti, þar sem skuldir bæjar-
ins eru hagstæðar og eiginfjárstað-
an er sterk. Íbúaþróun er á upp-
leið og hefur aukist verulega á síð-
ustu 3 árum. Hver veit hver þró-
unin verður á næstu árum. Ef þessi
íbúaþróun heldur áfram sem horfir
þá verða Skagamenn á milli 9 - 10
þúsund talsins innan nokkurra ára.
Fólk flytur ekki á Akranes, ,,af
því bara.” Það kemur m.a. á Skag-
ann vegna hagstæðara íbúðarverðs
en höfuðborgin býður upp á og
einnig hefur grunnþjónusta sam-
félagsins gott orð á sér. Hins vegar
tel ég að meira þurfi að koma til og
því þurfum við Skagamenn að vera
duglegri að styðja við þá sem eru að
bjóða upp á menningu - og afþrey-
ingu hér í heimabyggð. Fólk sækir
mikið til höfuðborgarinnar og því
eigum við Skagamenn að vera dug-
legri að efla einstaklingsframtakið
þannig að til verði öflug grasrótar-
samtök sem hafa það markmið, að
vinna að uppbyggilegum verkefn-
um fyrir bæinn okkar sem allir geta
notið.
Undanfarið hef ég átt samtöl við
fjölda manns. Þar hef ég séð að
margir Skagamenn eru með fullt
af frábærum og metnaðarfullum
hugmyndum. Þessir einstakling-
ar vita þó ekki hvert á að snúa sér
til að koma þeim hugmyndum í
framkvæmd. Þess vegna hafa allt
of margar frábærar hugmyndir,
sem áttu möguleika til að vaxa og
dafna, ekki orðið að neinu. Þess-
ar hugmyndir gætu hafa orðið að
einhverju ótrúlega skemmtilegu
hefðu þær fengið farveg til þess.
Hugmynd mín er sú að stofn-
aður væri samfélagssjóður hjá
bænum. Þangað gætu Skagamenn
með ýmsar hug-
myndir, sett fram
vel útfærðar hug-
myndir auk fjárhagsáætlunar og
sótt um styrk. Skagamenn gætu
síðan kosið um þær hugmyndir
sem þeim þætti áhugaverðastar. En
til að þetta geri orðið að veruleika
þá þurfum við að þora að hugsa út
fyrir kassann. Jafnvel fara ótroðn-
ar slóðir og prufa eitthvað nýtt og
skemmtilegt.
Fáum einstaklinga í lið með okk-
ur, einstaklinga sem hafa hugmynd-
ir, fólk sem vill skapa og fólk sem er
tilbúið til að hugsa út fyrir kassann.
Hér á Akranesi býr fólk með mikla
sköpunargáfu. Við sem samfélag
eigum að styðja við það og efla.
Ole Jakob Volden
Höf. skipar 5. sæti á lista Fram-
sóknar og frjálra á Akranesi. Hefur
búið á Akranesi í rúm 30 ár og gefur
kost á sér til að gera Skagann að enn
betri bæ til að búa í.
Út fyrir kassann
Pennagrein
Pennagrein
Við undirrituð förum fram á að
lýsing á breytingu á Aðalskipulagi
Borgarbyggðar 2010 – 2022 sem
gerir ráð fyrir að skotæfingasvæði
í landi Hamars fari aftur fram þar
sem upplýsingar í gögnum sem
lágu til grundvallar lýsingarinnar
voru ekki réttar og misræmis gæt-
ir í gögnum Borgarbyggðar, m.a.
vegalengd frá fyrirhuguðu skot-
svæði að hesthúsahverfi. Jafnframt
förum við fram á að allar mælingar
í gögnunum verði endurteknar.
Í annan stað gerum við alvarleg-
ar athugasemdir við tillögu á breyt-
ingu aðalskipulagsins sem kynntar
voru á skrifstofu Borgarbyggðar
30. apríl síðastliðinn. Þar eru upp-
lýsingar sem eru ekki réttar og til-
lagan er illa unnin. Okkar krafa er
að horfið verði frá henni þar sem
hún er meingölluð.
1. Okkur finnst þessi breyting
ekki vera í samræmi við aðalskipu-
lag Borgarbyggðar 2010-2022.
Breytingin er á skjön við Leiðarljós
– framtíðarsýn aðalskipulagsins en
það er m.a. að efla fjölbreytt mann-
líf og atvinnulíf í fögru, heilbrigðu
og hreinu umhverfi. Jafnframt er
það ekki í anda meginmarkmiðs
skipulagsins en það er m.a. að tek-
in skulu mið af sjálfbærri þróun við
skipulag og uppbyggingu sveitar-
félagsins og taka skuli sérstakt tillit
til umhverfis og náttúruverndar við
skipulag og þróun svæða.
2. Mat á neikvæðum áhrifum
framkvæmdarinnar er ekki vel
unnið. Lítið er gert úr neikvæðum
og óafturkræfum áhrifum fram-
kvæmdar á efnahag og atvinnulíf
íbúa í Borgarbyggð þar sem bú-
setukostur versnar til muna fyrir
alla þá sem nýta svæðið í dag, m.a.
fyrir ferðaþjónustuna sem er vax-
andi atvinnugrein í héraðinu, m.a í
Lækjarkoti þar mældust skothvell-
ir yfir hávaðamörkum samkvæmt
gallaðri skýrslu Borgarbyggðar,
ferðamenn, skóla-, skógræktar- og
útivistarfólk sem sótt hafa í frið-
sama upplifun í fólkvanginn og
kemur í veg fyrir útreiðar hesta-
manna í gegnum svæðið eins og
gert hefur verið í ár þúsund.
3. Hljóðmælingaskýrslan sem
byggt er á, er ómarktæk þar sem
ekki kemur fram gerð skotvopna
sem notuð voru við prófanirnar,
skotvopnin sem notuð voru við
hljóðmælingarnar voru ekki hljóð-
mæld, ekki haft samráð við hags-
munaaðila við val á mælistöðum,
fjarlægðir frá mælistöðum að skot-
stað ekki getið, veðurskilyrði voru
óhagstæð þegar mælingar fóru
fram og hvorki var starfsmaður
Borgarbyggðar né annar óvilhallur
aðili fenginn til að vera viðstaddur
þegar hleypt var af skotunum.
4. Við gerum athugsemdir við
að gert sé ráð fyrir að nota megi
hljóðdeyfa við íþróttaiðkun. Þeg-
ar fullyrt er að leyfilegt sé að nota
hljóðdeyfa á skotæfingasvæðum,
er þá verið að vísa í reglugerðar-
breytingu B nr. 832 2016? Reglu-
gerðarbreytingin er stutt og skýr.
Í útskýringum með henni kemur
fram að: „Stærri rifflar verða ekki
hljóðlausir þó að hljóðdempari sé
notaður og ekki fer á milli mála að
verið sé að skjóta úr riffli. Skot úr
stórum veiðiriffli getur verið um
150-160 decibel án hljóðdeyfis en
farið niður í 130 dB með hljóð-
deyfi. Þannig fer hávaðinn niður
fyrir sársaukamörk sem eru um
140 dB og dregur þannig úr hættu
á heyrnarskemmdum en skotveiði-
maður þarf engu að síður að nota
heyrnarhlífar til að verja sig.“
Rétt er að geta þess að hljóð
dempast eftir því sem fjær dregur
skotstað.
Í reglugerðinni er veitt undan-
þága frá banni til að nota hljóð-
deyfi á skotvopn vegna atvinnu
sinnar, svo sem við eyðingu vargs
eða meindýra í þéttbýli. Undan-
þágan snýr að þeim sem þurfa að
nota riffla í atvinnuskyni. Hvergi
er minnst á undanþágur vegna
íþróttaiðkunar. Það er stór mun-
ur þar á. Kjarni reglugerðarbreyt-
ingarinnar er að: „Óheimilt er að
setja hljóðdeyfi á skotvopn nema
með leyfi lögreglustjóra. Eingöngu
er heimilt að veita leyfi fyrir hljóð-
deyfi á stóran riffil sem notar mið-
kveikt skot. Þó er óheimilt að nota
hljóðdeyfi ef skot hefur verið hlað-
ið niður þannig að hraði skots fari
undir hljóðhraða. Að því leyti sem
það samrýmist friðunar- og veiði-
löggjöf getur lögreglustjóri, ef
nauðsyn ber til, veitt undanþágu
frá banni til að nota hljóðdeyfi á öll
vopn til þeirra sem nota skotvopn
vegna atvinnu sinnar, svo sem við
eyðingu vargs eða meindýra í þétt-
býli.“
Þetta er spurning um líf eða
dauða og því mikilvægt að heyr-
ist vel til þeirra byssueigenda sem
nota vopn við tómstundaiðju sína.
5. Bendum á að ekki eru til hljóð-
deyfar á haglabyssur. Það má ætla
að flestir byssueigendur sem koma
ætla að nota haglabyssur sem er
fyrir rjúpur, gæsir og flestar endur.
6. Ekki kemur fram fyrirhugað
vegstæði vegar að svæðinu né teng-
ing við þjóðveg!
7. Ekkert samráð eða samtal hef-
ur verið viðhaft við hagsmunaaðila
sem nýtt hafa svæðið í áratugi!
8. Nálægð fyrir friðlýst svæði eru
ekki metnir. Fólkvangurinn Ein-
kunnir eru í 150 m fjarlægð frá
fyrirhuguðu æfingasvæði byssueig-
enda og í 5 km fjarlægð frá Hvann-
eyri sem er friðlýst og hefur hlotið
viðurkenningu sem Ramsarsvæði,
alþjóðlegt búsvæði fugla. Þessi
staðsetning mun rýra upplifun
fólks á þessum friðlýstu svæðum og
veikja umsókn Borgarbyggðar að fá
Þjóðgarðsstofnun að Hvanneyri.
9. Kostnaðaráætlun liggur ekki
fyrir en það er ábyrg stjórnsýsla að
drög að þeim kostnaði sem fellur
á íbúa liggi fyrir þegar svona stór
ákvörðun er tekin fyrir sem hlaup-
ið getur á hundruðum milljóna.
Áhugavert er að fá að vita hver
kostnaðurinn er orðinn?
Svæðið sem slíkt er illa til þess
fallið að setja mannvirki þar niður.
Það er mýrlent og mikið um holt
sem munu magna upp skothvell-
ina. Það þarf að leggja nýjan ak-
veg að skotæfingarsvæðinu tengja
hann við þjóðveginn, leggja fimm
riffilbrautir, skeetvelli, göngu-
stíga, nýjan reiðveg sem á að vera
í 400 m fjarlægð frá skotssvæðinu,
koma fyrir mönum, bílastæðum og
félagsheimili og önnur mannvirki.
Kostnaður við þessar framkvæmd-
ir er áætlaður ekki undir 100 millj-
ónum og þann kostnað munu íbúar
bera.
Það liggur fyrir að ábúend-
ur í Lækjarkoti munu fara fram
á 250.000.000 króna bætur. Það
kemur fram í gallaðri hljóðmæl-
ingaskýrslu Borgarbyggðar að há-
vaðinn við Lækjarkot er yfir há-
vaðamörkum sem styrkir þeirra
kröfu. Byggja þau það mat á grein-
argerðum frá fasteignasölu og lög-
fræðistofu.
Auk þessa sem Borgarbyggð
verður skaðabótaskylt fyrir því
tjóni og slysum sem kunna að
verða vegna staðsetningar æfinga-
svæðis byssueigenda. Þann kostnað
munu íbúar bera.
Það er einlæg skoðun okkar að
enn sé hægt að finna aðra staðsetn-
ingu fyrir byssueigendur til að æfa
skotfima sína. Það mun aldrei ríkja
sátt um þessa staðsetningu, stóri
hluti íbúa hefur látið þá skoðun
sína í ljós sem rétt er að virða.
Trausti Eiríksson og Ása Ólafs-
dóttir, atvinnurekendur og ábúendur
í Lækjarkoti
Hilmar Már Arason, formaður
umsjónarnefnd Einkunna
Steinunn Árnadóttir, hestakona
Opið bréf til sveitarstjórnar Borgabyggðar