Skessuhorn - 16.05.2018, Blaðsíða 28
MIÐVIKUDAGUR 16. MAÍ 201828
Vörur og þjónusta
Hönnun prentgripa
& alhliða prentþjónusta
Drei bréf - Boðsbréf
Ritgerðir - Skýrslur
Reikningar - Eyðublöð
Umslög - Bréfsefni
Fjölritunar- og
útgáfuþjónustan
Getum við
aðstoðað þig?
sími: 437 2360
olgeirhelgi@islandia.is
R E S T A U R A N T
Upplýsingar í síma: 430 6767
R E S T A U R A N T
Upplýsingar í síma: 430 6767
H P Pípulagnir ehf.
Alhliða pípulagnaþjónusta
Hilmar 820-3722
Páll 699-4067
hppipulagnir@gmail.com
SK
ES
SU
H
O
R
N
2
01
7
Sprautu- og bifreiðaverkstæði
Sólbakka 5, Borgarnesi • 437-1580 • sbb@simnet.is
Tjónaskoðun – Bílamálun – Réttingar – Bílrúðuskipti
Þjónustum öll tryggingafélög
Borgarness
TEK AÐ MÉR GARÐAÚÐUN ALLA DAGA VIKUNNAR
GARÐAÚÐUN REYNIS SIG
SÍMI: 899-0304
Fyrir alla vigtun
Húsarafmagn
Töflusmíði
Iðnaðarrafmagn
Bátarafmagn
Bílarafmagn
RAFMAGN
vogir@vogir.is Sími 433-2202
VOGIR
Bílavogir
Kranavogir
Skeifuvogir
Pallvogir
Aflestrarhausar
Fyrir nokkru var mér gefinn land-
skiki í Húsafelli hvar ég hugðist
byggja mér sumarhús. Húsið var
teiknað og ég sótti um byggingar-
leyfi 15. mars 2016 til þar til bærra
yfirvalda í ráðhúsi Borgarbyggðar.
Mér var tjáð að þetta myndi taka
lítinn tíma sem ég fagnaði mjög því
hugur stóð til að hefja framkvæmd-
ir í sumarfríinu sama ár. Síðan hef-
ur ekkert gerst, þrátt fyrir marg-
ar ítrekanir og ýmis loforð um bót
og betrun af hálfu sveitarfélagsins.
Í tilefni af tveggja ára baráttusögu
ákvað ég að stinga niður penna.
Heyrnardeyfð og
athafnaleysi
Kannski má segja að tónninn hafi
verið lagður í upphafi, þegar ég
sótti um byggingarleyfið, því eng-
in staðfesting barst um móttöku
þess. Í lok mars, þetta sama ár, náði
ég sambandi við byggingarfulltrúa
Borgarbyggðar sem fann umsókn-
ina mína eftir töluverða leit og sá
að henni hafði ekki verið svarað.
Í samtalinu kom fram að öll gögn
sem þyrfti með væru þarna í, einn-
ig kom fram að ef ég skili inn teikn-
ingum á pappírsformi fyrir 1. apríl
myndi erindið verða tekið fyrir á
fundi þann dag. Teikningum var
komið í ráðhúsið við opnun fyrsta
dags aprílmánaðar en þá greinir
starfsmaður frá því að byggingar-
fulltrúinn verði ekki við í dag. Það
þótti mér næsta undarlegt miðað
við samtal okkar tveimur dögum
fyrr, en hugsaði með mér að eitt og
annað gæti gerst þannig að ég hafði
ekki stórar áhyggjur. Þegar ekkert
heyrðist frá sveitarfélaginu fór ég
aftur að ýta á svör og sendi bygg-
ingarfulltrúa tölvupóst 20. apríl, en
fékk ekkert svar. Sá aðili sem teikn-
aði húsið sendi einnig tölvupóst í
byrjun maí, en hafði sama árangur,
ekkert svar. Loksins næst í bygg-
ingarfulltrúann síðari hluta maí.
Þá eru allar forsendur breyttar. Nú
þarf allt í einu að hafa fullbúið deili-
skipulag og okkur jafnframt tjáð að
ef það verði tilbúið í tíma, muni er-
indið verða tekið fyrir á fundi fyrsta
júní. Drifið var í að klára það mál
og gögn send inn. Ég fékk tölvu-
póst 2. júní þar sem byggingar-
fulltrúinn biður mig um að hringja
í ákveðið farsímanúmer, sem ég og
geri, án árangurs. Sjötta þessa mán-
aðar næst samband og byggingar-
fulltrúi tjáir mér að ekki hafi ver-
ið hægt að taka deiliskipulagið fyrir
þar sem breyta þurfi aðalskipulagi
Borgarbyggðar vegna málsins. Ég
lýsti furðu minni á þessu og ósk-
aði eftir skýringum sem litlar feng-
ust en samþykkt var í sveitarstjórn
fáum dögum síðar að breyta aðal-
skipulagi.
Öllum lokið
Í byrjun júlí árið 2016 er umsóknin
tekin fyrir hjá umhverfis- og skipu-
lagsnefnd og samþykkt að senda
hana í grenndarkynningu þar sem
ekkert deiliskipulag liggi fyrir um
þetta svæði. Nú var mér öllum lok-
ið. Deiliskipulag hefði verið sent
inn löngu fyrr, eða í lok maí og átti
ég bara erfitt með að skilja þessi
vinnubrögð. Í lok mánaðar er mér
tjáð að ekkert væri farið að gera í
málinu, en yrði fljótlega. Sveitar-
félagið auglýsir síðan deiliskipulag
fyrir þrjú svæði síðla í ágúst, mín
lóð var þar ekki á meðal. Það þótti
mér einnig undarlegt og því haldið
áfram að reyna að fá svör. Þau eru
fá. Sviðsstjóri sendir þó svar bæði í
ágúst og september til þess að segja
mér að það séu engin svör. Síðla
desember mánaðar 2016 sendi ég
enn og aftur tölvupóst á sviðsstjóra
sem enn hefur ekki svarað.
Byggðaráð svarar ekki
spurningum
Nýtt ár var hafið, 2017 og held-
ur farið að síga í mig vegna þess-
arar fádæma afgreiðslu, eða réttara
sagt, skorti á afgreiðslu. Ákvað ég
því að senda enn annað bréfið, að
þessu sinni til byggðarráðs Borg-
arbyggðar, þar sem óskað var eft-
ir svörum. Fundur var haldinn í
ráðinu 19. janúar. Erindið var tek-
ið fyrir en bréfið ekki birt í fund-
argerð og spurningum mínum ekki
svarað. Þó kom fram að byggðarráð
harmaði þann drátt sem orðið hefði
og leitað yrði leiða til þess að slíkt
gerðist ekki aftur og að óháður að-
ili yrði fenginn til að fara yfir verk-
ferla. Þennan sama dag fæ ég tölvu-
póst frá starfsmanni sveitarfélagsins
þar sem sagði hvernig erindið mitt
til byggðarráðs hafi verið afgreitt.
Reglum breytt eftir á
Í svari mínu spyr ég hvort búast
megi við svörum við erindinu og
af hverju bréfið hafi ekki verið birt.
Skýringarnar eru þær að verið sé að
vinna í málunum og bréfið hafi ekki
verið birt af því að ég nafngreindi
einstaklinga í stað þess að vitna með
almennum hætti í embættisheiti.
Ég sendi því aftur, sama erindið,
til byggðarráðs þar sem ég var bú-
inn að fella út alla nafngreinda ein-
staklinga og setja starfsheiti í stað-
inn ásamt því að ítreka fyrri spurn-
ingar. Erindið var tekið fyrir 16.
febrúar 2017 og bókað sem trúnað-
armál þar sem efnið varði einstaka
starfsmenn sveitarfélagsins. Í ljósi
fyrri svara þótti mér þetta athyglis-
verð málsmeðferð. En sveitarstjóra
og sviðsstjóra falið að svara mér. Í
lok febrúar samþykkir byggðar-
ráð síðan breyttar reglur um birt-
ingu gagna með fundargerðum á
vef sveitarfélagsins. Þar er kveðið
á um að erindi sem lögð eru fyr-
ir ráðið og varði einstaka starfs-
menn og/eða þriðja aðila skuli ekki
birt með fundargerðum. Þetta var
merkileg samþykkt. Góður fund-
ur var síðan með byggingarfulltrúa
í byrjun mars þar sem hann benti
á smávægilega breytingu í texta
sem fínt væri að gera, sem og var
gert og nýtt skipulag sent til hans
sama dag. Um miðjan mars kom
loks svar frá sveitarstjóra þar sem
hann svaraði erindum frá febrúar-
fundi byggðarráðs. Ég var ekki sátt-
ur við svörin, þau voru full af rang-
færslum, svo ég sendi nýtt erindi á
byggðarráð. Jafnframt sendi ég bréf
á formann ráðsins sem svaraði mér
og greindi frá því að deiliskipulag-
ið virtist hafa glatast og ég þyrfti að
senda inn nýtt. Þetta var í algjörri
mótsögn við það sem byggingar-
fulltrúi hafði sagt á fundi með hon-
um. Ég fór samt með nýjar teikn-
ingar af deiliskipulagi í apríl og
mér var þá sagt að grenndarkynn-
ing verði í lok mánaðarins. Einnig
sendi ég byggðarráði þriðja bréfið
sem tekið var fyrir á fundi og sam-
þykkt að mér verði svarað, sem enn
hefur ekki verið gert. Í maí fer ég
með annað teikningasett vegna
hússins, sem ég hugðist byggja, því
hinar virtust hafa týnst og nú lét ég
kvitta fyrir móttöku á þeim.
Týnd og gleymd erindi
Seinni partinn í maí er umsókn-
in tekin fyrir á fundi hjá bygging-
arfulltrúa. Þar er vel tekið í erindið
en þar sem ekki liggi fyrir samþykkt
deiliskipulag af svæðinu verði fyrir-
huguð áform send í grenndarkynn-
ingu. Nú var ég endanlega orðlaus
yfir þessari afgreiðslu allri. Ég hafði
farið með deiliskipulagsplögg til
sveitarfélagsins í maí 2016 og í því
máli var ekkert farið að gera annað
en að uppgötva að það væri týnt. Þá
fór ég með nýja pappíra í apríl 2017
og samt er ekkert hægt að gera. Hin
fádæma saga heldur áfram og í júní
og júlí er ég sífellt að óska svara en
öll fela í sér að eitthvað sé týnt, hafi
gleymst eða sé ekki búið. Í septem-
ber sendi ég fjórða bréfið til byggð-
arráðs sem tekur málið fyrir og mér
eiga að berast svör. Það hefur ekki
gerst nema að hluta. Þá óskaði ég
eftir fundi með öllum þeim aðil-
um sem koma að skipulagsmálum í
sveitarfélaginu og fór hann fram 11.
október 2017. Lítið kom út úr þeim
fundi nema að vinna við breytingu
á aðalskipulagi væri ekki hafin, þótt
samþykkt hafi verið í júlí 2016 að
hefja hana. Einnig að ég myndi lík-
lega ekkert geta byggt á þessu ári
því svona vinna væri seinleg. Ég
óskaði eftir því að fá afrit af mót-
mælum vegna grenndarkynningar
á umsókn minni. Það fékk ég í lok
nóvember, eftir að hafa póstað um
málið á Facebook og spurt hvort
fólki fyndist þessi vinnubrögð eðli-
leg.
Í dag er staðan sú að enn hef ég
ekki fengið byggingarleyfi. Enn er
verið að týna gögnum og segja mér
ósatt og sem dæmi hefur sveitar-
félagið týnt 9 teikningasettum á
þessum tíma. Hús sem til stóð að
reisa í júlí 2016 mun að líkindum
ekki verða reist árið 2018. Fyr-
ir utan allan þann tíma sem hefur
farið í þetta fádæma ferli og þeim
ótölulega fjölda tölvupósta sem ég
hef sent en ekki hefur verið svarað,
þá varð ég einnig af tekjum því til
stóð að leigja út húsið upp í kostn-
að í nokkurn tíma. Nú er spurning
hvort umhverfis- og skipulagssvið
Borgarbyggðar taki við sér og klári
málið, eftir að þessi fádæma saga
hefur birst á prenti.
Á sama tíma og reynt hefur verið
að afla leyfa og fá svör hafa ég og
mínir nánustu staðið í baráttu við
embættismenn og kjörna fulltrúa
Borgarbyggðar í öðru máli, þar sem
við erum að verja eigur okkar.
Það er efni í annan pistil sem
birtast mun innan tíðar.
Ásgeir Sæmundsson.
Tveggja ára raunasaga
Af tilraunum mínum til að byggja sumarhús í Húsafellslandi.
Fjallað um samskipti við Umhverfis- og skipulagssvið Borgarbyggðar
Pennagrein