Skessuhorn - 16.05.2018, Blaðsíða 10
MIÐVIKUDAGUR 16. MAÍ 201810
Veitur opna nýja
hreinsistöð
AKRANES: Í dag, miðviku-
daginn 16. maí, taka Veit-
ur í notkun nýja hreinsistöð
á Akranesi. Er öllum Akur-
nesingum boðið af því tilefni
í heimsókn að Ægisbraut 31
frá klukkan 16-18. Þar munu
Inga Dóra Hrólfsdóttir, fram-
kvæmdastjóri Veitna og Sæv-
ar Freyr Þráinsson bæjarstjóri
ávarpa samkomuna og að því
loknu verður gestum boð-
ið að skoða stöðina og þiggja
veitingar. „Með nýju hreinsi-
stöðinni leggjum við okkar af
mörkum í umhverfismálum
með bættir fráveitu,“ segir í
tilkynningu frá Veitum.
-arg
Aflatölur fyrir
Vesturland
dagana 5. - 11. maí
Tölur (í kílóum)
frá Fiskistofu:
Akranes: 21 bátur.
Heildarlöndun: 2.631.788
kg.
Mestur afli: Víkingur AK:
2.590.638 kg í einni löndun.
Arnarstapi: 25 bátar.
Heildarlöndun: 138.955 kg.
Mestur afli: Bárður SH:
43.228 kg í þremur róðrum.
Grundarfjörður: 27 bátar.
Heildarlöndun: 370.863 kg.
Mestur afli: Hringur SH:
72.872 kg í einni löndun.
Ólafsvík: 41 bátur.
Heildarlöndun: 607.876 kg.
Mestur afli: Steinunn SH:
139.718 kg í þremur róðrum.
Rif: 31 bátur.
Heildarlöndun: 626.963 kg.
Mestur afli: Saxhamar SH:
130.890 kg í fjórum löndun-
um.
Stykkishólmur: 8 bátar.
Heildarlöndun: 12.345 kg.
Mestur afli: Rán SH: 3.151
kg í fimm róðrum.
Topp fimm landanir á tíma-
bilinu:
1. Víkingur AK - AKR:
2.590.638 kg. 6. maí.
2. Hringur SH - GRU:
72.872 kg. 9. maí.
3. Rifsnes SH - RIF:
69.784 kg. 8. maí.
4. Tjaldur SH - RIF:
60.923 kg. 7. maí.
5. Steinunn SH - ÓLA:
48.660 kg. 9. maí.
-kgk
Sjávarrannskóknasetrið Vör er tíu
ára um þessar mundir. Af því til-
efni var haldin málstofa í Félags-
heimilinu Klifi í Ólafsvík í síðustu
viku. Yfirskrift málstofunnar var:
„Eru tækifæri í Breiðafirði?“ Ólafur
Sveinsson formaður stjórnar Varar
ávarpaði málstofuna í upphafi og
bauð gesti velkomna. Næst tóku til
máls þau Jónína Herdís Ólafsdótt-
ir og Jóhann Garðar Þorbjörnsson
líffræðingar hjá útibúi Hafró og
Varar. Þau opnuðu málstofuna með
erindi um hafrannsóknir í Breiða-
firði þar sem þau fóru yfir starf-
semi útibúsins og þau verkefni sem
í gangi eru. Arnljótur Bjarki Bergs-
son sviðsstjóri hjá Matís flutti einn-
ig erindi um rannsóknir og þróun
verðmætasköpunar.
Kristín Ýr Pétursdóttir meðstofn-
andi og vörumerkjastjóri hjá Ankra/
Feel Iceland, fjallaði um mikilvægi
þess að vanda sig við uppbyggingu
á vörumerki og markaðssetningu.
Sagði hún frá þróun og stofnun
fyrirtækisins og vörumerkisins Feel
Iceland. Tinna Hrund Birgisdóttir
framkvæmdastjóri Reykjavík foods
flutti erindi sem hún nefndi „Ný
hugsun - meiri verðmætasköpun.“
Í því fjallaði hún um hvernig það
kom til að Reykjavík foods fór að
selja lúxusmatvæli í dósum. Það var
svo Tryggvi Stefánsson rannsókna-
stjóri Algalíf Iceland sem flutti síð-
asta erindið á málstofunni. Hann
fjallaði um uppbyggingu nýs iðnað-
ar í nýju landi. Sagði hann frá starf-
semi Algalíf Iceland og þeim tæki-
færum sem felast í ræktun þörunga
á Íslandi.
Málstofan heppnaðist vel. Góð
mæting var og sköpuðust áhuga-
verðar umræður um erindin sem
flutt voru. Var það álit þátttakenda
að spurningunni hafi verið svarað
og að vissulega eru mörg tækifæri
í Breiðafirði.
þa
Málstofa um tækifærin í Breiðafirði
Aðalfundur Háskólans á Bifröst
fyrir árið 2017 var haldinn mið-
vikudaginn 9. maí síðastliðinn. Á
fundinum var fjallað um skóla-
starfið á liðnu ári og þróun þess
til næstu framtíðar. „Rekstur skól-
ans batnaði mjög á árinu 2017 eft-
ir þrjú erfið rekstrarár. Skólinn skil-
aði 34 milljóna kr. hagnaði en þar af
var söluhagnaður eigna 21,5 millj-
ón. Á árinu 2016 var 49,5 milljóna
kr. tap á rekstrinum. Meginástæð-
ur bættrar afkomu voru hækkað
framlag ríkisins til skólans og lækk-
un á launakostnaði. Þá voru eignir
tveggja íbúðafélaga af þremur seld-
ar á árinu,“ segir í tilkynningu.
Nemendur í Háskólanum á Bif-
röst voru 842 á árinu 2017. Þar af
útskrifuðust 292 en nýnemar voru
455. Fjarnám verður sífellt fyrir-
ferðarmeira í skólastarfinu. 85%
nemenda í háskóladeildum eru í
fjarnámi og 84% nemenda í Há-
skólagátt. Eins og fram hefur kom-
ið er Háskólinn á Bifröst í farar-
broddi í fjarnámi meðal íslenskra
háskóla.
Á fundinum fóru Vilhjálmur
Egilsson rektor og Hafsteinn Sæ-
mundsson fjármálastjóri yfir stöðu
skólans, fjármál og eignasölu lið-
ins árs. Eignir tveggja íbúðafélaga,
hluti skólahúsnæðis og rekstur hót-
els var selt á árinu sem er hluti af
fjárhagslegri endurskipulagningu
íbúðafélaga á Bifröst. „Stofnun sem
nær 100 ára aldri, eins og Háskól-
inn á Bifröst fagnar á þessu ári, þarf
sífellt að aðlagast breyttu samfélagi
og þörfum fyrir menntun. Skóla-
starfið á Bifröst er því í sífelldri
þróun og á árinu 2017 var bryddað
upp á nokkrum nýjungum, fyrst og
fremst í meistaranáminu. Háskól-
inn á Bifröst er vel í stakk búinn að
takast á við fyrirsjáanlegar breyt-
ingar í íslensku samfélagi. Háskólar
munu í framtíðinni þurfa að þjóna
vel fólki á öllum aldri sem jafnframt
er á vinnumarkaði. Með uppbygg-
ingu fjarnáms og sveigjanleika til að
stunda nám með vinnu býður skól-
inn upp á tækifæri fyrir fólk til að
auka þekkingu sína og getu til að
láta til sín taka í atvinnulífinu og
samfélaginu,“ segir í tilkynningu í
tengslum við aðalfund Háskólans á
Bifröst.
mm
Bjartari tímar framundan hjá Háskólanum á Bifröst
Svipmynd frá því í fyrrasumar þegar alþjóðlegur sumarskóli var starfræktur á
vegum Háskólans á Bifröst. Myndin er tekin við Glanna. Ljósm. úr safni
Skessuhorns.
Go West /Út og vestur er ferða-
þjónustufyrirtæki sem hefur nú
fengið vottun Vakans, gæðakerfi
ferðaþjónustunnar, um að það upp-
fylli efsta stig kerfisins um vist-
væna ferðaþjónustu. Það eru hjón-
in Þuríður Maggý Magnúsdóttir og
Jón Jóel Einarsson sem reka Út og
vestur ehf. og eru þau að halda upp
á tíu ára afmæli fyrirtækisins þetta
árið. Þau hafa frá upphafi lagt mikla
áherslu á líkamlega hreyfingu og
umhverfismál í sinni þjónustu.
„Það hefur verið mjög lærdóms-
ríkt ferli að innleiða gæðakerfi Vak-
ans, þ.e. að skrifa niður og skerpa
á hugmyndum og framkvæmd vist-
vænnar ferðaþjónustu. Stór þáttur
í því er að lýsa hvernig við göng-
um um og njótum náttúra landsins,
gulleggið okkar sem við verðum að
passa upp á. Ekki síður er mikilvægt
að gera sér vel grein fyrir hvernig
við mætum okkar áhugasömu gest-
um um land og þjóð. Það geta t.d.
verið áleitnar spurningar um hvern-
ig okkur Íslendingum hefur farnast
í hlutverki gestgjafa upp á síðkast-
ið,“ segir Jón Jóel.
Hann segir að uppáhaldsstað-
ir þeirra séu Breiðafjarðarsvæð-
ið, Dalir og Snæfellsnes. „Þangað
liggja rætur okkar. Við vitum hvað
það svæði hefur að gefa, bæði fyr-
ir líkama og sál. Við erum með að-
stöðu á Arnarstapa og hefur Snæ-
fellsjökull og þjóðgarðurinn í heild
mikið aðdráttarafl í okkar þjón-
ustu. Við bjóðum göngur á Jökl-
inn sem og göngu- og hjólaferð-
ir víðar á Snæfellsnesi. Þá þekkj-
um við líka önnur svæði prýðilega,
eins og Suð-Austurland (Skaftafell
og Öræfasveit), Fjallabak (bakgarð
Eyjafjallajökuls), Hornstrandir og
ýmsar perlur í nágrenni Reykjavík-
ur. Við höfum staðið fyrir lengri og
skemmri ferðum á þessum svæðum.
Okkur er það sannarlega kapps-
mál að ferðaþjónum á Vesturlandi
fjölgi í gulldeild Vakans. Því fleiri,
því betra. Það mun styrkja okkur
og landshlutann í heild,“ segir Jón
Jóel. mm
Fyrst með gullmerki Vakans á Vesturlandi
Maggý og Jón Jóel með vottunarplaggið um helgina, hér við grunnbúðir fyrirtækisins á Arnarstapa.