Skessuhorn - 12.09.2018, Blaðsíða 4

MIÐVIKUDAGUR 12. septeMbeR 20184
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.976 krónur með vsk. á mánuði. Elli- og örorkulífeyrisþegar greiða
kr. 2.580. Rafræn áskrift kostar 2.337 kr. Rafræn áskrift til elli- og örorkulífeyrisþega er 2.160 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Gunnhildur Lind Hansdóttir glh@skessuhorn.is
Katrín Lilja Jónsdóttir klj@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Fá ef einhver orð hafa oftar verið rituð í heimspressunni að undanförnu, en
orðið trump. Jú, vissulega er forsetinn sem bandaríska þjóðin kaus sér fyrir
tæpum tveimur árum sá óvenjulegasti af þjóðhöfðingjum síðari tíma. Do-
nald trump er maður stórra orða og hástemmdra yfirlýsinga. en á grund-
velli orða hans og hátternis ákváðu bandaríkjamenn að veðja á hann sem
forseta og höfnuðu um leið demókratískum gildum sem þeim líkaði ekki
eins vel. Þeir höfnuðu konu sem meira að segja hafði búið í Hvíta húsinu
og allir töldu sig þekkja. en pólitískir andstæðingar trumps hafa nú fyrir
löngu fengið manninn á heilann, eins og sagt er. Fólk á ekki orð til að lýsa
vanþóknun sinni á stórkallalegum orðum og um margt óvenjulega bein-
skeyttri framkomu. Hann er ekki og ætlar sér ekki að verða forseti sem þjóð
hans trauðla gleymir. Hann segist ætla að reisa efnahag landsins við, hvað
sem það kostar. Þótt vissulega sé forsetinn óvenjulegur gúmmítöffari, ef
svo má segja, ætla ég ekki að taka upp hanskann fyrir að því er virðist linnu-
lausum fordæmingum í hans garð. Í mínum huga fengu bandaríkjamenn
einfaldlega það sem þeir vildu og áttu skilið í lýðræðislegri kosningu.
Í síðustu viku birtist nafnlaus grein í hinu virta blaði the New York ti-
mes. blaðið heldur því fram að höfundur greinarinnar sé háttsettur emb-
ættismaður í ríkisstjórn trumps. Í þessari „aðsendu grein“ er sagt að emb-
ættismenn reyni nú að hafa hemil á óverjanlegri hegðun forsetans. Lýst er
áhyggjum yfir að hann geti skaðað efnahag landsins með ákvörðunum sín-
um, jafnvel grafið undan þjóðaröryggi. Það má vel vera að þessi ótti meints
bréfritara eigi við rök að styðjast og að hann sé raunverulega hátt settur
einstaklingur í stjórn trumps. Hins vegar ætla ég að fordæma það að fjöl-
miðlar, litlir sem stórir, taki til birtingar nafnlausar greinar sem skilja eftir
fleiri spurningar en svör. ekki einvörðungu að það sé siðferðislega rangt
á allan hátt, heldur er verið að fella grun á fjölda fólks sem átt gæti í hlut.
ekkert fremur en slík óábyrg skrif geta grafið undan þjóðaröryggi. Mér
þykir því algjörlega með ólíkindum að virtur fjölmiðill geri svona lagað.
Jafnvel þótt trump hafi lýst andúð sinni í garð fjölmiðla, er í mínum huga
óverjandi að birta nafnlausar staðhæfingar af þessu tagi.
en hvað hafa málefni Ameríkuforseta og þarlendrar pressu að gera með
héraðsfréttablað á Vestur-Íslandi? Jú, þarna er beitt slæmri blaðamennsku
sem aldrei myndi uppfylla þau gæði sem við viljum sjá í íslenskri fjölmiðl-
un. Ég hef ekki tölu á þeim tilraunum sem gerðar hafa verið í gegnum tíð-
ina til að fá skessuhorn til að birta nafnlausar greinar. Þegar einhverjum er
mikið niðri fyrir út af einhverju, en vill ekki sjálfur stíga fram. Alltaf bendi
ég viðkomandi á að stíga fram undir nafni, hvort sem er með grein eða gefa
viðtal. Þá þarf málatilbúnaður hins vegar að vera í lagi, ekki ómálefnalegur,
rangur eða meiðandi í garð einhvers sem ekki getur varið sig. Flestir hafa
kjark til að stíga fram undir nafni, hvort sem er til að benda á hið góða, eða
gagnrýna það sem miður hefur farið. Hér á síðum blaðsins hafa þannig
meðal annars á þessu ári farið fram afar hreinskiptar umræður sem vonandi
með tímanum munu leiða gott af sér, þótt vissulega hafi gustað. Þau skrif
eiga það hins vegar sammerkt að hafa verið birt undir nafni.
Ég vil árétta hlutverk héraðsfréttamiðla, sem eitthvert mark á að vera
takandi á. Þeir eiga að færa skoðanir á milli fólks, þannig að leiði til fram-
fara, benda á hið jákvæða, en að sama skapi horfa ekki með blinda auganu á
þegar eitthvað mætti betur fara. Að sjálfsögðu á fólk ætíð að vera málefna-
legt í ræðu og riti. Ég minni þar að auki á þá gullnu staðreynd að framfarir
verða oft í kjölfar þess að tekist er á um ólík málefni, jafnvel þótt um tíma
gusti. Við færum slík skoðanaskipti milli lesenda, það er okkar hlutverk.
Þannig blaði vill ég ritstýra en að sama skapi ekki vera í sporum ritstjóra
the New York times.
Magnús Magnússon.
Í skjóli nafnleyndar
Rannís hefur úthlutað úr mennta-
hluta erasmus+ áætlunarinnar,
samtals um þremur milljónum evra
eða um 370 milljónum króna til 43
evrópskra samstarfsverkefna. Mik-
il aukning varð á úthlutun til leik-,
grunn- og framhaldsskóla, en veitt-
ur var styrkuð til þátttöku íslenskra
skóla í 37 verkefnum.
Þrír skólar á Vesturlandi fá styrk
úr menntahluta erasmus+ í ár og
öll falla þau verkefni undir flokkinn
samstarf skóla. Í þeim flokki voru
styrkt 34 verkefni þar sem megin-
áherslan er á samstarf skóla, starfs-
manna þeirra og nemenda. „Aldrei
hafa jafn mörg verkefni fengið
styrk í þessum verkefnaflokki og
veitir þetta skólum einstakt tæki-
færi til að efla alþjóðlegt samstarf
og nýsköpun,“ segir í tilkynningu
á vef erasmus+ verkefnisins. skól-
arnir þrír á Vesturlandi sem fengu
styrk að þessu sinni eru brekku-
bæjarskóli á Akranesi, Fjölbrauta-
skóli snæfellinga og Grunnskólinn
í borgarnesi.
brekkubæjarskóli fær styrk sem
nemur 34.694 evrum vegna verk-
efnisins „And... action!“, Fjöl-
brautaskóli snæfellinga fær styrk
upp á 34.890 evrur vegna verk-
efnisins „science around us“ og
Grunnskólinn í borgarnesi fær
34.156 evra styrk vegna verkefnis-
ins „enjoyable MAtHs“. kgk
Þrír skólar á Vesturlandi fá
styrk úr menntahluta Erasmus+
Fulltrúar Erasmus+ samstarfsverkefna á sviði leik-, grunn og framhaldsskóla ásamt Andrési Péturssyni verkefnisstjóra og
Ágústi Hirti Ingþórssyni, forstöðumanni Erasmus + á Íslandi.
bólefni gegn inflúensu er komið til
landsins. ekki gafst kostur á meira
en 65.000 skömmtum af bóluefn-
inu hingað til lands í ár en það er
töluvert minna en hefur verið síð-
ustu ár. Gripið hefur verið til þess
ráðs að gefa heilsugæslustöðvum,
læknastofum og öðrum sjúkrastof-
um forskot til að panta bóluefni
frá 10. september til 24. septem-
ber. Þórólfur Guðnason sóttvarn-
arlæknir segir að Íslendingar gætu
lent í vandræðum í vetur. Oftast
hafi Ísland fengið fleiri skammta
og bara á síðast ári voru notaðir um
70.000 skammtar af bóluefninu og
árið þar á undan tæplega 69.000.
Í tilkynningu á vef embætt-
is landlæknis er mælst til þess að
áhættuhópar hafi forgang að bólu-
setningu. Í áhættuhópi teljast ein-
staklingar 60 ára og eldri, öll börn
og fullorðnir sem þjást af lang-
vinnum hjarta-, lungna-, nýrna- og
lifrarsjúkdómum, sykursýki, illkynja
sjúkdómum og öðrum ónæmisbæl-
andi sjúkdómum. Þá tilheyra einn-
ig þungaðar konur áhættuhópnum
sem og heilbrigðisstarfsfólk sem
annast einstaklinga í áhættuhóp-
um.
24. september næstkomandi geta
aðrir aðilar sem leyfi hafa til bólu-
setningar pantað bóluefnið á með-
an birgðir endast. eins og undan-
farin ár er ekki vitað nákvæmlega
hvaða inflúensa muni herja á lands-
menn veturinn 2018-2019. búast
má við inflúensunni í kringum ára-
mótin en oftast er byrjað að bólu-
setja í október. bólusetning gegn
inflúensu veitir allt að 60-70% vörn
gegn sjúkdómnum. Jafnvel þótt
bólusettur einstaklingur fái inflú-
ensu eru allar líkur á því að sjúk-
dómurinn verði vægari en ef hann
væri óbólusettur.
klj
Minna til af bóluefni
gegn inflúensu en síðustu ár
Á föstudaginn var und-
irritaður verksamn-
ingur milli borgar-
verks ehf annars veg-
ar, og borgarbyggðar,
Veitna ohf, Rarik ohf,
Mílu ehf og Gagna-
veitu Reykjavíkur ehf
hins vegar, um gatna-
gerð og tilheyrandi
lagnakerfi í nýrri götu,
Rjúpuflöt á Hvann-
eyri. Á vef borgar-
byggðar segir að hér
sé um fyrsta samning-
inn að ræða sem gerð-
ur er um gatnagerð í
sveitarfélaginu frá því
fyrir hrun. Að því leyti
markar hann tímamót.
mm
Hér eru Jökull Helgason og Gíslai Karel Halldórsson frá Verkís hf, Óskar Sigvaldason frá Borgar-
verki og Gunnlaugur A. Júlíusson og Ragnar Frank Kristjánsson frá Borgarbyggð við undirritun
samningsins. Ljósm. Borgarbyggð.
Fyrsti samningur um gatnagerð frá hruni