Skessuhorn - 12.09.2018, Blaðsíða 18

MIÐVIKUDAGUR 12. septeMbeR 201818
Ragna Þórunn Ragnarsdóttir, iðn-
hönnuður frá Kirkjubóli í Hvítár-
síðu, hlaut í lok ágústmánaðar hin
virtu Formex Nova verðlaun, fyrst
Íslendinga. Verðlaunin eru veitt á
norrænu hönnunarhátíðinni Form-
ex. Um er að ræða viðurkenningu
sem veitt er framúrskarandi en lítt
þekktum norrænum hönnuðum.
Ragna segir í samtali við skessuhorn
að ekki aðeins verðlaunin, heldur til-
nefningin hafi komið henni á óvart.
„Þegar hringt var í mig og mér sagt
að ég hefði verið tilnefnd til verð-
launanna vissi ég ekki einu sinni
hvaða verðlaun þetta væru. Ég þurfti
að gúggla og sá þá strax að ótrúlega
margir flottir hönnuðir hefðu ver-
ið tilnefndir. Mér fannst það geggj-
að og rosalega spennandi. síðan þeg-
ar mér var sagt að ég hefði sigrað þá
fannst mér þetta ennþá meira spenn-
andi, því ég bjóst alls ekki við því,“
segir Ragna. „Ég hafði heldur ekki
áttað mig á því að fólk vissi yfirleitt
af mér og hvað ég væri að gera. Þeg-
ar síminn hringir allt í einu og manni
er sagt að maður hafi verið tilnefnd-
ur til verðlauna kemur það mjög á
óvart,“ segir hún.
Úr húsasmíði í hönnun
Ragna nam hönnun við eNsCI-Les
Ateliers skólann í parís í Frakklandi.
er hann talinn einn af bestu iðn-
hönnunarskólum heims og Ragna
lætur afar vel af námsdvölinni í parís.
„Ég var í Frakklandi frá 2012 og þar
til ég útskrifaðist í árslok 2016. Það
var æðislegt að læra í þessum skóla
en erfitt. Námið var allt á frönsku og
enginn talaði ensku þarna, en mað-
ur fann leið út úr því einhvern veg-
inn,“ segir hún. „Námið var mjög
fjölbreytilegt. Þarna var öll flóran
í hönnun, allt frá forritahönnun til
bílahönnunar og maður gat valið al-
veg sína leið í gegnum námið.“
Áður en hún hóf að fást við hönn-
un hafði Ragna reyndar numið graf-
íska miðlun og eftir það starfað sem
húsasmiður. „Ég byrjaði að læra graf-
íska miðlun en fannst ótrúlega leið-
inlegt að sitja fyrir framan tölvuskjá
allan daginn. Ég er með bakgrunn í
húsasmíði og fór að vinna með pabba
í borgarfirðinum og byggði sumar-
bústaði með honum í alltof mörg
ár,“ segir hún og hlær við. „en ég var
að leita að einhverju þar sem ég gat
unnið með efni og var orðin ákveðin
í því að fara í hönnun, en var lengi
að finna rétta skólann, vegna þess að
ég vildi einmitt ekki festast aftur við
tölvuskjá í þrívíddarforritum,“ segir
hún. Franska skólann fann hún síðan
fyrir tilviljun, við leit á netinu. Ragna
sótti um og komst inn. „Í franska
skólanum er mikið af verkstæðum,
mjög flottum járn-, viðar- og plast-
verkstæðum. Maður getur ráðið því
sjálfur hvort maður vinnur verk í for-
ritum, en ef maður vill þá getur mað-
ur hannað frá grunni á verkstæðinu.
Verkstæðin eru æðislegt og þar fá
nemendur að njóta sín. skólinn hitti
því beint í mark hjá mér,“ segir Ragna
ánægð. Hún bætir því við að hún sé
ekki í vafa um að bakgrunnurinn úr
húsasmíðinni hafi reynst henni vel
í sínu fagi. „Ég held það hafi hjálp-
að mér mikið í faginu að hafa bak-
grunn í húsasmíði. Það að vera búin
að vinna við það áður að byggja
strúktúra hjálpar, þó ég sé auðvitað
að framleiða minni hluti. Í húsasmíð-
inni lærir maður líka verkvit, að hafa
vit fyrir verkfærum og efni og hvern-
ig hlutirnir eru byggðir, sem er akk-
úrat sem marga vantar sem sitja bara
og hanna við þrívíddarforrit allan
daginn,“ segir hún. „Þannig að allt
safnast þetta saman í góða reynslu
sem nýtist mjög vel. síðan þegar ég
er á Íslandi get ég alltaf kallað í pabba
ef eitthvað vefst fyrir mér, það hjálp-
ar fullt,“ segir hún létt í bragði.
Ísland og Bandaríkin
Á þeim tveimur árum sem senn eru
liðin frá því Ragna útskrifaðist úr
eNsCI-Les Ateliers skólanum hef-
ur hún fengist við ýmislegt. „Ég er
búin að gera alls konar. Ég byrjaði
á að búa til leikmynd fyrir dansverk
í belgíu. síðan sýndi ég útskriftar-
verkefnið mitt á sýningum í Frakk-
landi á síðasta ári. Fyrir jólin í fyrra
ákvað ég að prófa að setja fyrstu vör-
urnar mínar á markað á Íslandi. Ég
tók þátt í pop-up markaði og það
gekk ótrúlega vel, ég seldi upp vörnar
mínar alveg óvænt, ég hélt ég myndi
ekki selja neitt,“ segir hún ánægð. „Í
framhaldi af því fór verslunarfólk að
hafa samband og spyrjast fyrir um
vörurnar. Ég hef eiginlega verið að
fylgja því eftir frá þeim tíma, hannað
fleiri vörur og er komin inn í marg-
ar verslanir á Íslandi. Þannig að þessa
dagana er ég farin að einbeita mér að
því að komast inn á bandaríkjamark-
að,“ segir Ragna.
Aðspurð kveðst Ragna hanna og
framleiða allt frá smærri vörum eins
og kertastjökum og vösum upp í skil-
rúm, bekki, borð og fleiri húsgögn.
„Ég framleiði allt sjálf, allar vörurn-
ar eru handgerðar og hvert eintak
er einstakt. Það sem búið er til á Ís-
landi framleiði ég í borgarfirðinum
hjá pabba, þar sem ég er með stúd-
íóið mitt á Íslandi. Það sem ætlað
er á bandaríkjamarkað framleiði ég
hérna á vinnustofunni minni í Fíla-
delfíu,“ segir hún.
Ragna starfar þannig á tveimur
stöðum, annars vegar á Íslandi og
hins vegar í bandaríkjunum og segist
búa „einhvers staðar þar á milli“ eins
og hún orðar það. „Það gengur vel að
vera á báðum stöðum enn sem komið
er, en með meiri eftirspurn er þetta
alltaf að vera aðeins erfiðara,“ segir
hún. „en mér finnst æðislegt að geta
farið á milli. Að geta varið vetrinum
hérna úti og sumrunum á Íslandi er
örugglega draumur allra Íslendinga,“
segir hún. „enn sem komið gengur
þetta vel og ég myndi gjarnan vilja
hafa fyrirkomulagið svona áfram.“
Ragna er væntanleg til landsins á
nýjan leik í byrjun októbermánaðar.
„Þá fer ég að framleiða á fullu fyr-
ir jólin. Von er á nýjum vörum og
fleiri smávörum fyrir hátíðirnar. síð-
an fer ég út á ný en reikna með að
kíkja aftur heim til Íslands fyrir jól og
leggja lokahönd á jólavörurnar,“ seg-
ir Ragna Þórunn Ragnarsdóttir að
endingu.
kgk/ Ljósm. úr einkasafni.
Úr húsasmíði í hönnun
Ragna Þórunn vann til virtra hönnunarverðlauna
Ragna Þórunn Ragnarsdóttir iðnhönnuður frá Kirkjubóli í Hvítársíðu.
Ragna á vinnustofunni.
Stund milli stríða á vinnustofunni, en Ragna starfar bæði í Borgarfirði og Banda-
ríkjunum.
Kertastjakar.
Vasar.
Skilrúm.
Bekkur eftir Rögnu.