Skessuhorn - 21.11.2018, Blaðsíða 13

MIÐVIKUDAGUR 21. NÓVEMBER 2018 13
Borgarland ehf. hefur til leigu nokkur
skrifstofurými á Hvanneyri
Sameiginleg kaffistofa og fundarstofa er í húsinu fyrir
þá sem þar starfa
Hagstæð langtímaleiga, fyrir stærri sem smærri rými
Nánari upplýsingar veitir Guðsteinn Einarsson
í síma 430-5502 eða gudsteinn@kb.is
SK
ES
SU
H
O
R
N
2
01
8
Lýsing á breytingu á aðal- og
deiliskipulagi á Akranesi
Miðbæjarsvæði
Bæjarstjórn Akraness hefur samþykkt lýsingu á breytingu
á aðal- og deiliskipulagi fyrir Miðsvæði M2 (miðsvæði
Akratorg, Kirkjubraut, Stillholt) á Akranesi skv.
30. gr. og 40 gr. skipulagslaga nr. 123/2010.
Breytingin felst í að gefa kost á auknum sveigjanleika í bílastæða-
málum þar sem áform eru um aukinn þéttleika byggðar.
Hægt er að nálgast lýsinguna á heimasíðu Akraneskaupstaðar
www.akranes.is og í þjónustuveri kaupstaðarins að Stillholti 16-18.
Ábendingar varðandi tillögugerðina eiga að vera skriflegar og
berast fyrir 13. desember 2018 í þjónustuver Akraneskaupstaðar,
Stillholti 16-18, eða á netfangið skipulag@akranes.is.
Sviðstjóri skipulags- og umhverfissviðs
Íslandsmótið í atskák var haldið í
Amtsbókasafninu í Stykkishólmi
um síðustu helgi. Mótið er einn
af stærstu viðburðum í skáklífi
landsmanna. Teflt var bæði laug-
ardag og sunnudag, fimm um-
ferðir hvorn daginn. Jón Viktor
Gunnarsson úr Víkingaklúbbn-
um fagnaði Íslandsmeistaratitl-
inum með hvorki fleiri né færri
en 9,5 vinninga af tíu mögu-
legum. Hann gerði aðeins jafnt-
efli við Davíð Kristjánsson úr
Fjölni en vann allar aðrar viður-
eignir sínar. Davíð var næststiga-
hæstur þar til hann tapaði fyr-
ir Degi Ragnarssyni, félaga sín-
um úr Fjölni. Dagur náði þannig
að hreppa annað sætið í mótinu
með níu vinninga en Davíð lauk
keppni með 8,5 vinninga og varð
að gera sér þriðja sætið að góðu.
Reyndust efstu þrír vera í nokkr-
um sérflokki á mótinu og sigr-
uðu alla aðra keppendur.
Alls tóku 18 öflugir skák-
menn þátt í mótinu og var stað-
an jöfn og spennandi fyrir utan
þrjú efstu sætin. Keppt var um
níu verðlaun og fengu liðsmenn
Fjölnis sex þeirra. Erlingur Þor-
steinsson hlaut verðlaun fyrir 4.
sætið og Sigríður Björg Helga-
dóttir hreppti Kvennaverðlaun-
in. Verðlaun fyrir bestan árangur
miðað við 2000+ atskákstig fékk
Jón Árni Halldórsson og Jóhann
Arnar Finnsson fyrir bestan ár-
angur miðað við 1999 - atskák-
stig. Kristján Dagur Jónsson úr
TR vann unglingaverðlaunin og
Jon Olav Fivelstad úr TR nældi
í öðlingaverðlaunin. Auk verð-
launapeninga voru veitt pen-
ingaverðlaun allt að 100 þúsund
krónur, sem komu í hlut sigur-
vegarans. Kristján Örn Elías-
son skákstjóri og Helgi Árnason
héldu utan um mótshaldið.
Að sögn Helga Árnasonar
studdi bæjarstjórn Stykkishólms
framkvæmd mótsins með veg-
legum hætti. Það voru svo þau
Jakob Björgvin Jakobsson bæj-
arstjóri og Hrafnhildur Hall-
varðsdóttir, forseti bæjarstjórn-
ar, sem heiðruðu mótið með því
að leika fyrstu leikina og afhentu
verðlaun í mótslok. „Það er mik-
ill áhugi á að efla skáklistina í
Hólminum, bæði meðal grunn-
skólabarna en einnig „öðlinga“
sem nokkrir leynast í bæjarfélag-
inu, sterkir skákmenn,“ segir
Helgi. „Þá vakti athygli hversu
margir skákmenn komu frá Skák-
deild Fjölnis í Grafarvogi en þar
voru á ferðinni fyrrverandi nem-
endur Rimaskóla sem í 6. skipti
unnu Norðurlandamót grunn-
skóla. Hólmarar mættu margir
á keppnisstað og höfðu ánægju
af að fylgjast með fjörugum og
spennandi atskákum sem reyn-
ast býsna líflegar í endatöflum,“
segir Helgi og bætir við að end-
ingu:
„Skáksamband Íslands vill
gjarnan koma á skákviðburðum
úti á landsbyggðinni. Í vor fór
Norðurlandamót stúlkna fram í
Borgarnesi og nú atskákmót Ís-
lands í Stykkishólmi, báðir stað-
ir í þægilegri fjarlægð frá höfuð-
borgarsvæðinu og öll aðstaða til
fyrirmyndar.“
kgk/ Ljósm. sá.
Íslandsmótið í atskák var
haldið í Stykkishólmi
Jón Viktor Gunnarsson stóð uppi sem sigurvegari
Svartur og hvítur áttust við í Stykkhólmi um helgina.
Teflt á tæpasta vað. Þessir ungu piltar gripu í taflmennina í kaffisal bókasafnsins.
Athugið að myndin er hreyfð, enda um atskák að ræða.
Verðlaunahafar á Íslandsmótinu í atskák 2018 í Stykkishólmi ásamt Jakobi Björg-
vini bæjarstjóra og Hrafnhildi forseta bæjarstjórnar.
Hrafnhildur ásamt Helga Árnasyni, Hólmara og formanni skákdeildar Fjölnis.
Hrafnhildur Hallvarðsdóttir, forseti bæjarstjórnar Stykkishólmsbæjar, lék fyrsta
leikinn fyrir Jón Viktor Gunnarsson gegn Jóni Trausta Harðarsyni. Jón Viktor stóð
uppi sem sigurvegari í mótinu.
www.skessuhorn.is