Skessuhorn - 28.11.2018, Blaðsíða 16
MIÐVIKUDAGUR 28. NÓVEMBER 201816
heimatökin ef eitthvað gerist, þannig
hefur það alltaf verið með hann Ei-
rík,“ bætir hann við.
Benedikt sér einnig um að fylgj-
ast með því að öll vinna við verkið
sé vönduð og farið sé eftir reglum
og öllum áætlunum. „Í þessari fram-
kvæmd er það auðvelt verk fyrir mig
því verktakinn er vandaður,“ segir
Benedikt og brosir. „Ég hef líka unn-
ið verk þar sem ég hef þurft að vera
á öxlunum á mönnum allan tímann
því til eru þeir sem reyna að stytta
sér leið og spara sér aurinn með því
að sleppa því sem kannski sést ekki.
Það kemur svo bara í bakið á mönn-
um síðar,“ segir hann.
Kostnaðaráætlun enn
innan marka
Við framkvæmdir við grunnskólann
kemur það í hlut Benedikts að halda
utan um kostnaðinn við verkið og
gæta þess að hann fari ekki úr bönd-
unum. Aðspurður segir hann verk-
ið enn vera innan kostnaðaráætl-
unar. „Við erum enn innan þeirra
marka sem voru sett eftir að ég kom
að verkinu. En ég hef trú á að Borg-
arbyggð hafi gert margar kostnaðar-
áætlanir í sinni fjárhagsáætlun sem
hafa eflaust allar farið úr skorðum.
Enda held ég að fyrsta hugmyndin
hafi verið að allt öðru verki,“ segir
Benedikt. „Þegar verkið var boðið út
var gerður samningur og þá lá fyrir
hvað það myndi kosta og við erum
innan þess ramma og það er ekkert
sem bendir til þess að við förum út
fyrir hann. Tilboð verktaka var upp
á 800 milljónir króna og samnings-
fjárhæðin þegar búið var að fara yfir
verkið var um 750 milljónir. Heild-
arkostnaður verksins er svo áætlað-
ur 920 milljónir með öllu og það er
upphæðin sem við erum að horfa á,“
bætir hann við. Í svona framkvæmd-
um er alltaf gert ráð fyrir að það
komi upp ófyrirsjáanlegar aðstæð-
ur þar sem þarf að bregðast við með
tilheyrandi kostnaði. „Það er aldrei
hægt að sjá fyrir alla hluti í svona
endurbyggingarvinnu en við gerum
líka ráð fyrir því í þessum tölum. Af
þessum 920 milljónum er gert ráð
fyrir 7% óvissu sem ætti að dekka
það sem kemur upp á. Það hafa nú
þegar komið upp nokkur svona ófyr-
irsjáanleg aukaverk en þau eru öll
innan við 10 milljónir, sem þykir
ekki mikið í svona verki.“
Mikilvægt að eftirlits-
maður hafi reynslu af
framkvæmdum
Benedikt er sjálfur menntaður smið-
ur og byggingatæknifræðingur og
segir þá menntun mikilvæga fyr-
ir starf sitt sem verkefnastjóra eða
byggingastjóra. „Ég hef verið í þessu
í 20 ár og hef sjálfur reynslu af allri
vinnu sem verktakinn sér um. Það er
mikilvægt því ég þarf að geta leyst
úr öllum tæknilegum úrlausnar-
efnum sem koma upp á verktíman-
um,“ segir Benedikt. En við fram-
kvæmdir sem þessar koma upp atvik
á hverjum degi og jafnvel oft á dag
sem þarf að finna úrlausnir á. Þá hef-
ur verktakinn samband við Benedikt
sem ákveður hvað skal gera. „Það
getur verið að eitthvað komi upp
á eða gögnin sem liggja til grund-
vallar eru ekki nógu skýr. Þá þarf að
finna lausn á því strax svo vinnan geti
haldið áfram. Ef ég get ekki komið
með lausn tefur það verkið og það
kostar pening. Það er því mikilvægt
fyrir þann sem sér um þetta hlutverk
að hafa reynslu og þekkingu á svona
framkvæmdum. Svo verð ég bara að
bera ábyrgð á því sem ég tek ákvarð-
anir um og standa og falla með
þeim,“ segir Benedikt og brosir.
Verið viðloðandi Borgar-
byggð síðustu ár
„Ég er búinn að vinna sem bygg-
ingastjóri á verkum í rúm tíu ár og
við verkefnastjórn og hönnun tölu-
vert lengur,“ segir Benedikt en hann
starfar fyrir verkfræðistofuna Víðsjá
í Reykjavík. „Síðustu ár hef ég ver-
ið viðloðandi nokkur stór verk hér
í Borgarbyggð og má eiginlega
segja að ég sé með annan fótinn hér
núna,“ segir hann brosir. Aðspurð-
ur hvort hann eigi tengingu í Borg-
arfjörðinn neitar hann því. „Þetta
byrjaði allt með því að við hjá Víðsjá
hönnuðum Hótel Húsafell og ég var
ráðgjafi þeirra með peningamál. Ég
var svo byggingastjóri á lokastigum
við byggingu Krauma. Þegar ég sá
svo auglýst eftir byggingastjóra fyrir
Grunnskólann í Borgarnesi langaði
mig endilega að koma hingað aftur,“
segir hann. Víðsjá hefur nú skrif-
að undir samning við Borgarbyggð
um sambærilega þjónustu við fram-
kvæmdir á nýjum leikskóla sem til
stendur að byggja á Kleppjárnsreykj-
um. „Ég verð því eitthvað áfram hér
í Borgarbyggð næstu árin,“ segir
Benedikt. arg
Kór Akraneskirkju gefur út geisla-
disk í desember og fagnar því með
útgáfutónleikum í Vinaminni laug-
ardaginn 15. desember klukkan
16:00. Á diskinum má finna úr-
val kórlaga sem kórinn hefur flutt
í gegnum tíðina. Þetta er ekki jóla-
tónlist en allar aðrar árstíðir koma
við sögu. Textar eru á íslensku og
má finna ljóð og þýðingar eftir Ak-
urnesingana Guðmund Kristjáns-
son, Halldór Hallgrímsson, Jón
Gunnar Axelsson, Jónínu Björgu
Magnúsdóttur og Sigurbjörgu
Þrastardóttur.
Kórinn hefur fengið gott tónlist-
arfólk til liðs við sig og eru það þeir
Viðar Guðmundsson sem leikur á
píanó, Jón Rafnsson kontrabassa-
leikari og svo eru það kórfélagarnir
Kristín Sigurjónsdóttir sem leikur
á fiðlu, Eyjólfur Rúnar Stefánsson
sem leikur á gítar og einsöng syng-
ur Halldór Hallgrímsson.
Sérstakur gestur kórins á tón-
leikuum er Valgeir Guðjónsson,
lagahöfundur og tónskáld en hann
á einmitt eitt lag á plötunni.
Aðgangseyrir kr. 3.500 og hefst
forsala aðgöngumiða í versluninni
Bjargi við Stillholt, föstudaginn 30.
nóvember. mm
Útgáfutónleikar
Kórs Akraneskirkju
Framkvæmdir við stækkun og end-
urbætur Grunnskólans í Borgarnesi
hófust snemma sumars. Eiríkur J
Ingólfsson er verktakinn við fram-
kvæmdirnar. Byggður verður nýr
fjölnota salur við húsið og eldhús auk
þess sem verið er að endurbæta hluta
af gamla húsnæðinu. Nýtt þak verð-
ur sett á stærsta hluta gamla húss-
ins auk þess sem loftræstikerfi verð-
ur komið fyrir og skipt um raflagnir
og pípulagnir í hluta hússins. Blaða-
maður Skessuhorns kíkti á fram-
kvæmdirnar í síðustu viku og ræddi
við Benedikt Magnússon byggingar-
eftirlitsmann sem Borgarbyggð réði
til verksins. „Þetta fór örlítið brösug-
lega af stað og upphaflega tímaáætl-
unin hefur aðeins farið úr skorðum.
Ætli við séum ekki svona 8-9 vik-
um á eftir áætlun, “ segir Benedikt.
„Seinkunina má þó útskýra. Rign-
ingin í vor setti stórt strik í reikn-
inginn og við þurftum líka að end-
urskoða og samræma hönnun aðeins
betur. Ætlunin var að byrja strax í
vor en þar sem fyrsta verk var að rífa
þakið af húsinu gátum við ekki byrj-
að fyrr en eftir að börnin voru far-
in í sumarfrí. Við gátum ekki tekið
þakið ofan af þeim í þessari miklu
rigningu. Verkið er engu að síður á
áætlun hvað varðar lokadagsetningu.
Við erum búin að endurskipuleggja
og gera nýja tímaáætlun og verklok
verða 15. ágúst 2020 eins og upphaf-
lega var ráðgert.“
Eðlilegt að bygginga-
stjóri komi frá verktaka
Aðspurður um hans hlutverk seg-
ist Benedikt sjá að mestu um hlut-
verk byggingastjóra þó hann sé ekki
sjálfur skráður byggingastjóri í verk-
inu. „Ég er verkefnastjóri og eftir-
litsmaður. Upphaflega ætlaði Borg-
arbyggð að ráða byggingastjóra fyr-
ir verkið en ég ráðlagði þeim frá því.
Byggingastjóri hefur ákveðið lög-
formlegt hlutverk þar sem hann ber
ábyrgð á verkinu. Þegar sveitarfé-
lög ráðast í svona framkvæmdir er
það mín skoðun að ráðinn sé verk-
efnastjóri og að byggingastjóri komi
frá verktakanum, það er jú verktak-
inn sem á að bera ábyrgð á verkinu
sem slíku. Ábyrgðin gildir í 20 ár og
nær yfir alla þá vinnu sem unnin er
við húsið núna. Ef eitthvað gefur sig
eða galli kemur upp er ábyrgð á því
svo lengi sem ekki sé um eðlilegt slit
að ræða,“ útskýrir Benedikt og seg-
ir það einfaldara fyrir Borgarbyggð
að ábyrgðin liggi hjá verktakanum.
„Þá getur verktakinn sjálfur komið
og lagað það sem þarf. Ég veit líka
að með þennan verktaka eru hæg
Framkvæmdir við Grunnskólann
í Borgarnesi ganga vel
Rætt við Benedikt Magnússon um hlutverk eftirlitsmanna við stórar framkvæmdir
Fallegt útsýni úr nýja matsalnum.
Benedikt Magnússon, eftirlits- og verkefnastjóri á framkvæmdum við Grunnskólann í Borgarnesi og Kristófer Ólafsson verk-
stjóri. Fyrir aftan þá má sjá hluta af nýrri viðbyggingu við skólann.
Töluvert fannst af myglu í hluta af gamla húsnæði skólans og hér er verið að
hreinsa myglu úr veggjum.
Hér má sjá hluta af loftræstikerfinu sem er verið að setja í hluta af gamla húsnæði
skólans.