Skessuhorn - 28.11.2018, Blaðsíða 18

MIÐVIKUDAGUR 28. NÓVEMBER 201818
Síðastliðinn fimmtudag fór fram
árlegur nýsköpunardagur Sam-
taka sveitarfélaga á Vesturlandi þar
sem einnig var úthlutað nýsköpun-
arstyrkjum úr Uppbyggingarsjóði
Vesturlands. Flutt voru þrjú áhuga-
verð erindi sem öll tengjast nýsköp-
un, en þó með mismunandi hætti.
Signý Gunnarsdóttir silkiormarækt-
andi í Grundarfirði sagði í máli og
myndum frá ræktun sinni og hvern-
ig það kom til að hún fékk leyfi til
að flytja inn silkiorma og rækta þá.
Sævar Freyr Þráinsson bæjarstjóri á
Akranesi sagði frá fjórðu iðnbylting-
unni sem nú er hafin og ræddi fram-
tíðarsýn hans um áhrif hennar. Loks
fjallaði Páll Kr. Pálsson iðnverkfræð-
ingur um mikilvægi nýsköpunar í
starfandi fyrirtækjum.
Styrkir og styrkþegar voru kynntir
við athöfn sem fram fór í Tónbergi,
sal Tónlistarskólans á Akranesi. Við
sama tækifæri voru nýsköpunarverð-
laun Vesturlands afhent, en handhafi
þeirra er valinn af teymi atvinnuráð-
gjafa SSV, sem leggur tillögu fyrir
stjórn SSV sem á síðasta orðið í val-
inu. Nýsköpunarverðlaunin hlutu
fyrirtækið Guðmundur Runólfsson
hf. í Grundarfirði fyrir uppbyggingu
nýrrar hátæknifiskvinnslu (sjá aðra
frétt).
Alls hlutu 18 verkefni nýsköpun-
arstyrki og var heildarfjárhæð þeirra
um 16,5 milljón króna, þannig að
meðaltali var hver styrkur tæp ein
milljón króna. Verkefni um vinnslu
grjótkrabba í Faxaflóa, ostrurækt í
Dölum og silkiormaræktun í Grund-
arfirði hlutu hæstu styrkina að þessu
sinni. Sérstök dómnefnd undir for-
ystu Helenu Guttormsdóttur fór yfir
umsóknir og annaðist úthlutun. Það
eru Samtök sveitarfélaga á Vestur-
landi sem hafa umsjón með styrkjum
Uppbyggingarsjóðs, en hann fær út-
hlutað framlögum úr ríkissjóði.
Eftirfarandi verkefni hlutu styrki:
Túlípanar á
Snæfellsnesi
Clemens Godefidus Maria Van de
Zwet í Stykkishólmi fékk 450.000
krónur til túlípanaræktunar. Verk-
efnið snýst um ræktun túlípana fyrir
heimamarkað á Snæfellsnesi. Mark-
miðið er að færa túlípana til neytenda
á eins skömmum tíma og mögulegt
er til að tryggja gæði og lengra vasa-
líf blómanna.
Fræðsluvefur um
hestamennsku
Verkefnið Hestamennska; fræðslu-
og upplýsingavefur í Borgarbyggð
fékk 450.000 krónur. Verkefnið felst
í að gera vefsíðu með fræðslu og
fróðleik um hesta og hestamennsku
í sinni víðtækustu mynd. Skortur er
á slíkri fræðslu en þörfin mikil, sér-
staklega fyrir nýliða í hestamennsku.
Upplýsingar um hesta og þarfir
þeirra og hestamennsku þurfa að vera
aðgengilegar hinum almenna hesta-
manni á hverjum tíma og er mark-
miðið að safna slíkum upplýsingum
á einn aðgengilegan stað. Grafískur
hönnuður verður fenginn að hönn-
un síðunnar.
Ostrurækt í Dölum
Sæfrost ehf. í Búðardal fékk styrk
til að rækta ostrur upp á 2.177.500
krónur. Flytja á inn smáostrur (lirf-
ur). Notast verður við tvenn afbrigði
af ostrum, afbrigði frá Frakklandi og
Írlandi. Þetta verður ekki eldi á sjó
eins og algengast er, heldur landeldi
og notast við sjódælingu. Það fyrir-
komulag auðveldar að fylgjast með
framgangi og hætta á afföllum vegna
veðurs verður minni. Ostrurnar vaxa
upp í markaðsstærð á þremur árum.
Ár hvert verða flutt inn ostruhrogn
og að loknum þremur árum er upp-
skera á hverju ári.
Markaðssetning til gesta
Grundarfjarðar
Markaðssetning og kynning á starf-
semi Lúðvíks Karls í Grundarfirði
fékk 400.000 krónu styrk til markaðs-
setningar. Leitað er eftir stuðningi til
markaðssetningar á þeim vörum sem
umsækjandi býr til, búa til kynning-
arefni og gera heimasíðuna á Face-
book sterkari. Allt þetta verður gert
í þeim tilgangi að gera fyrirtækið í
Grundarfirði sýnilegra, sérstaklega
fyrir ferðamenn. Til Grundafjarð-
ar kemur fjöldi skemmtiferðaskipa
á ári.
Heimskautasafn í
fyrrum mjólkurstöð
Heimskautasafn í Borgarnesi (Polar
Museum) fær 600.000 króna styrk til
að gera viðskiptaáætlun fyrir heim-
skautasafn (Polar Muesum) í gamla
mjólkursamlagshúsinu við Skúlagötu
10 í Borgarnesi. Þessi hugmynd hef-
ur verið að þróast og mótast í sam-
tölum milli Péturs Geirssonar og
veðurfræðinganna Trausta Jónssonar
og Þórs Jakobssonar. Samtalið hefur
leitt til þess að mönnum finnst nauð-
synlegt að komast að því hvað það
kostar að setja upp slíkt safn, móta
hugmyndina betur og hver rekstrar-
kostnaður gæti orðið.
Kynning skíðasvæðis
Skíðasvæði Snæfellsness í Grundar-
firði fékk 400.000 krónur til mark-
aðssetningar og uppbyggingar á
skíðasvæði Grundarfjarðar. Upp-
bygging hefur verið á svæðinu síðast-
liðin tæp þrjú ár. Sótt er um styrk til
áframhaldandi uppbyggingar á svæð-
inu, þar með að búa til fjölbreyttari
þjónustu yfir vetrartímann í Grund-
arfirði og á Snæfellsnesinu öllu, með
auknum möguleikum fyrir ferða-
menn yfir vetrarmánuðina.
Aukaafurðir í laxvinnslu
Eðalfiskur ehf. í Borgarnesi fékk
styrk til vinnslu aukaafurða úr laxi,
1.200.000 krónur. Verkefninu er ætl-
að að bæta nýtingu hráefnis og auka
verðmætasköpun. Þróa markaðsvöru
úr aukaafurðum af laxi - svo sem
snakk og „klatta.“
Hönnun pramma
haldið áfram
Asco Harvester ehf. í Borgarnesi fékk
1.000.000 krónur í styrk til að vinna
umsóknarvinnu vegna markaðssetn-
ingar. Asco Harvester hefur frá byrj-
un árs 2016 unnið að smíði frum-
gerðar af pramma sem var sjósettur
í ágúst 2017. Eftir það tók við þró-
un í sjó. Frá því í desember síðast-
liðnum hefur Asco verið í samstarfi
við alþjóðlegt fyrirtæki í þangslætti,
Acadian Seaplant. Fyrirtækið hefur
unnið með því við ýmsar greining-
ar á vélslætti og aðstæðum á Íslandi.
Asco hefur þörf á því að koma vör-
unni á framfæri, kynna hana áhuga-
sömum. Einnig er verið að vinna að
umsókn í fasa tvö í Horizon 2020.
Vöruþróun
hjá Akraborg
Akraborg ehf á Akranesi fékk styrk
til að vinna umsókn með EVRIS,
1.000.000 krónur. Verkefnið felst í
því að sækja um styrk til EU í sam-
starfi við alþjóðlega ráðgjafarfyrir-
tækið Evris. Sótt verður um vöruþró-
unarstyrk, SME Instrument, til þess
að fara í nauðsynlega vöruþróun og
markaðsetningu á vannýttum afurð-
um sem falla til við bolfisksvinnslu.
Markaðsstarf á
jaðarsvæðum
Hlíðarmúli ehf. í Hnappadal fékk
400.000 krónur til markaðssetning-
ar. Fara á í markaðsstarf á jaðarsvæði
til eflingar ferðaþjónustu.
Markaðsstarf fyrir hesta-
menn
Efra Skarð í Hvalfjarðarsveit fékk
400.000 krónur til markaðssetning-
ar á alhliða þjónustu fyrir hross og
hestamenn.
Hernámssetrið styrkt
Verkefnið Njósnað um hernámið,
hjá Hernámssetrinu í Hvalfjarðar-
sveit fékk 1.500.000 krónur í styrk.
Vinna á markaðsstarf Hernámsset-
ursins og skerpa á þeim verkefnum
sem framundan eru. Rækta sambönd
sem hafa verið í þróun undanfarin ár
og koma upp nýjum með því mark-
miði að fjölga gestum og stuðnings-
aðilum safnsins.
Minjagripir af
Vesturlandi
Fyrirtækið Arttré ehf. á Akranesi
fékk 1.000.000 krónur til að þróa
minjagripi af Vesturlandi. Verkefnið
snýst um að hanna og framleiða stað-
bundna minjagripi úr landshlutan-
um. Þema minjagripana er menn-
ing, saga, minjar og náttúra Vestur-
lands. Arttré hefur hannað, framleitt
og selt minjagripi með góðum ár-
angri síðastliðin fimm ár. Hugmynd-
in er að nýta þá reynslu og þekkingu
sem hefur skapast í fyrirtækinu og yf-
irfæra yfir á staðbundna minjagripi af
Vesturlandi.
Beint frá bónda
um Brákarey
Sláturhús Vesturlands ehf. í Borgar-
nesi fékk 1.097.000 krónur til mark-
aðssetningar á verkefninu „Beint frá
bónda um Brákarey“. Verkefnið felst
í þróun vörumerkis sem yrði sam-
heiti þeirra afurða sem koma frá
Sláturhúsi Vesturlands. Verkefninu
er ætlað að styðja við sölu á uppruna-
merktum vörum og sölu á afurð-
um bænda beint frá býli og er liður í
því að auka verðmætasköpun í land-
búnaði á Vesturlandi. Meginútgöld
verkefnisins eru kaup á sérfræðiráð-
gjöf við hönnun vörumerkis og gerð
markaðskönnunar.
Báran Brugghús
Báran Brugghús á Akranesi fékk
400.000 krónur til markaðssetning-
ar á Bárunni brugghúsi við Báru-
götu 21 á Akranesi. Áætluð fram-
leiðsla fyrirtækisins er 8000 lítrar á
ári af bjór í fyrstu en aukist með tíð
og tíma. Samhliða framleiðslunni er
stefnt að því að bjóða afurðir til sölu
á staðnum, hafa móttöku sem rúmar
um 50 manns. Fyrirtækið er í sam-
vinnu við fyrirtækið Veislur og við-
burði ehf. Framleiðsla fyrirtækisins
verður seld á staðnum, í vínbúðum,
til annarra veitingaaðila á Akranesi
og um land allt.
Silkiormaræktun í
Grundarfirði
IceSilk í Grundarfirði fær 1.660.000
krónur til áframhaldandi þróun og
tilraunir með ræktun silkiorma.
Verkefnið felst í þróun á fæði fyr-
ir silkiorma og hagkvæmnisathugun
á framleiðslu þeirra á Íslandi. Verk-
efnið er sjálfstætt, áframhaldandi
verkefni. Afurðirnar eru meðal ann-
ars silkiþráður sem hægt er að nota í
garn og vaðmál. Hreint fibroin sem
hægt er að nota í líftækni svo sem
líkamsvefi, taugar, bein, blóðæðar,
brjósk og fleira. Einnig sericin pró-
tein en það hefur verndandi og end-
urnærandi eiginleika og er víða not-
að í lyf og húðvörur.
Þróa veiðar og vinnslu
grjótkrabba
Lokinhamrar ehf á Akranesi fékk
2.000.000 krónur í styrk til þróun-
ar á veiðum og vinnslu Grjótkrabba.
Grjótkrabbi er ný nytjategund innan
veiðilögsögu Íslands og finnst hann
nú í veiðanlegu magni í Faxaflóa.
Ljóst er að löng og kostnaðarsöm
þróunarvinna er framundan í veið-
um, vinnslu og markaðssetningu á
grjótkrabba áður en nýting á honum
verður arðbær. Ómögulegt er fyr-
ir smábátaútgerð að standa straum
af öllum kostnaði við slíka þróunar-
vinnu. Afurð verkefnisins yrði við-
skiptaáætlun sem tæki mið af nið-
urstöðum verkefnisins og jafnframt
aukin verðmætasköpun í smábátaút-
gerð.
Markaðssetja keilu-
íþróttina
Kúlan á Akranesi fékk 400.000 krón-
ur í styrk til kynningar á starfsemi
Keilufélags Akraness. Afurð/ár-
angur yrði afþreying fyrir almenn-
ing og aðstaða fyrir þá sem stunda
keiluíþróttina. Ætlunin er að veita
bæjarbúum og gestum afþreyingu
allt árið um kring. „Það er kostur að
allir geta stundað keilu óháð aldri og
líkamlegu formi eða fötlun. Verk-
efnið er sjálfstætt en gæti boðið öðr-
um íþróttum aðstöðu svo sem boccia
og jafnvel bogfimi.“ mm
Styrkir afhentir til nýsköpunar á Vesturlandi
Styrkþegar sem mættir voru ásamt Helenu Guttormsdóttur formanni úthlutunarnefndar Uppbyggingarsjóðs. Ljósm. mm.