Skessuhorn - 28.11.2018, Blaðsíða 20

MIÐVIKUDAGUR 28. NÓVEMBER 201820
Fyrir stuttu kom út bókin; „Ekki
misskilja mig vitlaust!“ eftir Guð-
jón Inga Eiríksson. Inniheldur hún
mismæli af ýmsum toga og ambög-
ur. Þar koma margir við sögu og má
þar nefna Guðbjart Jónsson, lengi
veitingamann í Vagninum á Flateyri,
fjölmarga frétta- og dagskrárgerðar-
menn af ljósvakamiðlunum, stjórn-
málamenn, Eyþór í Lindu á Akur-
eyri og drottningu mismælanna, Sig-
mund Erni og sjálfa Vigdísi Hauks-
dóttur. Hér verður gripið niður í
bókina.
Gulli Jóns
Gunnlaugur Jónsson, Skagamað-
ur og knattspyrnumaður og -þjálf-
ari, er þekktur á meðal félaga sinna
úr boltanum fyrir að reyna alltaf að
tala góða og lýtalausa íslensku, en ár-
angurinn af þó ekki alltaf í samræmi
við metnaðinn.
Einhverju sinni var Gunnlaug-
ur að rífast við Jóhannes Harðarson
á æfingu hjá ÍA. Gunnlaugur taldi
að Jóhannes færi með rangt mál og
sagði honum það svona:
„Nei, Jói, nú ferð þú með flisjur.“
Lási kokkur
Eitt sinn, þegar Lási vann í eldhús-
inu á Hótel Heklu, var hann send-
ur með stóra og fagurlega skreytta
rjómatertu til Zimsen. Hann hélt
á tertunni með báðum höndum og
gekk frá hótelinu, sem var við Lækj-
artorg, áleiðis að Zimsen-húsinu við
Hafnarstræti. Þegar hann átti stuttan
spöl ófarinn rak hann tærnar í og datt
kylliflatur fram fyrir sig – með and-
litið ofan í tertuna.
Þessu óhappi lýsti Lási svo:
„Ég rak gangstéttina í tærnar og
missti andlitið í tertuna.“
Lási keypti eitt sinn mikið af sígar-
ettum áður en hann hélt til sjós og
var spurður að því hvað hann ætlaði
eiginlega að gera við öll þessi ósköp
af tóbaki.
„Það er ekki víst að við komum í
höfn bráðlega,“ svaraði Lási, „svo
mér þótti vissara að hafa vaðið fyrir
ofan mig.“
Einu sinni kom afgreiðslumaður
frá olíufélagi um borð í Sæbjörgu
og þáði kaffi aftur í borðsal með vél-
stjóranum og nokkrum öðrum. Allt í
einu kemur Lási þangað inn og seg-
ir um leið og hann kemur auga á af-
greiðslumanninn:
„Þú hefur breyst svo mikið síðan
ég sá þig síðast að ég þekki þig ekki
fyrir annan mann.“
Eyþór í Lindu
Eyþór Tómasson, kenndur við sæl-
gætisgerðina Lindu sem hann stofn-
aði á Akureyri árið 1949, er nánast
goðsögn á Akureyri þegar kemur að
hinu spaugilega í tilverunni og þá eru
mismæli ekki undanskilin. Nokkur
slík fylgja hér á eftir:
Eyþór í Lindu hafði skroppið í lax-
veiði austur í Fnjóská. Kvöld eitt var
mikil gleði í veiðihúsinu þar og um
morguninn voru margir ansi fram-
lágir. Eyþór hélt samt ótrauður til
veiða ásamt nokkrum öðrum. Ekki
tókst þó betur til en svo að hann féll
fyrir björg og fótbrotnaði. Félagar
hans brugðu skjótt við og þegar þeir
höfðu dröslað Eyþóri upp á árbakk-
ann leit hann á þá kvalarfullum aug-
um og sagði:
„Ekki eru allir peningar til fjár.“
Eitt sinn var Eyþór í Lindu á árs-
fundi Félags íslenskra iðnrekenda
sem þá var haldinn í Leikhúskjallar-
anum við Hverfisgötu í Reykjavík.
Hann sté þar í pontu og fór að býsn-
ast yfir því hversu frídagar á Íslandi
væru margir. Og auðvitað kom hann
með dæmi:
„Það eru 15 frídagar í apríl ef 1.
maí er talinn með.“
Eyþór kom inn í Akureyrarapó-
tek til að endurnýja birgðir af hjarta-
töflunum sínum sem hann var bú-
inn með. Ekki mundi hann hvað
þær hétu og þegar afgreiðslustúlkan
brá sér á bak við til að ráðfæra sig
við lyfjafræðing kallaði hann á eftir
henni svo allir í búðinni heyrðu:
„Æ, þú veist, þessar bleiku tussur
sem stoppa hjartað þegar það byrjar
að slá!“
Guðbjartur Jónsson,
lengi veitingamaður
á Flateyri
„Sá vægir sem veit ekki meira.“
„Þegar neyðin er stærst, þá verður
hún ekki mikið stærri.“
„Margt smátt gerir eitt lítið.“
„Það er bara einn sem hefur einka-
rétt á þessu.“
„Ekki misskilja mig vitlaust!“
„Hann er fasisti á vín og tóbak.“
Fréttamenn
„í beinni“:
„Og talandi um snáka, hingað er
mættur Halldór Runólfsson yfir-
dýralæknir til að ræða um hrossasótt-
ina.“ (Edda Andrésdóttir, fréttakona
á Stöð 2).
„Ölvun og áfengi fara ekki saman.“
(Jóhann Hlíðar Harðarson, frétta-
maður hjá Ríkisútvarpinu).
„Þetta á einkum við um vanfærar
konur á barneignaraldri.“ (Ingólfur
Bjarni Sigfússon, fréttamaður á Stöð
2).
„Mikil ásókn var í lóðirnar og fengu
fleiri en vildu.“ (Sigmundur Ernir
Rúnarsson, fréttamaður á Stöð 2).
Við minnum á ellefu fréttirnar
sem hefjast stundvíslega klukkan
22:30.“ (Sigmundur Ernir Rúnars-
son, fréttamaður á Stöð 2).
„Hið unga lið Ajax situr eftir með
súrt ennið.“ (Gummi Ben., íþrótta-
fréttamaður hjá Stöð 2).
„Þótt Kóreumennirnir séu höfð-
inu styttri þá eru þeir að vinna
alla skallaboltana.“ (Jörundur Áki
Sveinsson í knattspyrnulýsingu á
Sýn).
Vigdís Hauksdóttir
„Við skulum bara sjá til en ég er á
engan hátt að stinga höfðinu í stein-
inn.“
„Frú forseti. Það mega sumir
kasta gróti úr steinhúsi.“
„Það er eitthvað mikið á ferðinni
fyrst hægt er að tala með þessum
hætti í sitthvora áttina, með nokk-
urra mánaða fyrirvara.“
„Ekki misskilja mig vitlaust!“
Mismæli og ambögur koma út í bók
Þormóður Sím-
onarson er al-
inn upp á Ytri-
Görðum á Snæ-
fellsnesi. Hann
hefur nú byggt
sitt eigið hús
og nefnir það
Tvíodda. Tutt-
ugu og þriggja
ára ákvað Þor-
móður að gera
aðeins það sem
bætti hann á einhvern hátt. Hann
lærði nútímafræði við Háskólann á
Akureyri, þar sem hann heyrði fyrst
rætt um aðlöðunaraflið. Hann hef-
ur lært dáleiðslu og skapandi skrif
og bjó í búddaklaustri í Skotlandi
um stund. Árið 2010 sneri hann aft-
ur heim á Snæfellsnes og byggði
þar húsið sitt og stofnaði fjölskyldu.
Þormóður lauk menntun sem mark-
þjálfi árið 2014 og hélt svo áfram að
mennta sig og fékk vottun frá Dr.
Joe Vitale sem leiðbeinandi í aðlöð-
unaraflinu. Hann fékk svo frekari
vottun sem leiðbeinandi fyrir lengra
komna árið 2018. Þormóður gaf ný-
lega út sína aðra bók, Aðlöðunarafl-
ið, en áður hefur hann gefið út bók-
ina Þúsund myndir... milljón minn-
ingar um árs langt ferðalag sitt í leit
að sjálfum sér og viðurkenningu.
Aðlöðunaraflið er annars kon-
ar bók. „Þetta er mín þýðing á The
law of attraction. Þetta er handbók, í
rauninni sjálfshjálparbók,“ segir Þor-
móður aðspurður um bókina. Bókin
er byggð á sömu heimspeki og The
Secret sem sló í gegn á Íslandi fyr-
ir nokkrum árum. Þormóður hefur
aðlagað heimspekina að íslenskum
aðstæðum, þýtt hugtök og sett hug-
myndirnar í búning sem Íslendingar
eigi auðveldara með að nálgast. „Ég
bæti við hluta um fyrirgefningu og
því að sleppa langrækninni. Mað-
ur getur til dæmis skipt skapi, farið
úr því að vera reiður í eitthvað ró-
legra,“ segir Þormóður. „Fyrir okk-
ur og okkar menningu er þetta mik-
ilvæg viðbót, því við erum oft alin
upp í því að vera fúl við einhvern því
langafi einhers gerði eitthvað fyrir
löngu síðan. Þetta er bara uppskrift
að vanlíðan.“
Kjarninn í skilaboðunum í bók-
inni segir Þormóður að hamingj-
an sé sjálfsköpuð og allir geti skap-
að sér sína hamingju. „Það er mikil-
vægt að láta sér líða vel og skapa sína
eigin hamingju,“ segir Þormóður og
bendir á að maður uppskeri eins og
maður sáir. „Ef maður er til dæmis
alltaf pirraður yfir einhverju, þá lað-
ar maður að sér veruleika sem gerir
mann pirraðan. Það skiptir ekki máli
þótt tilefnið sé pólitík, umferðin eða
heimsmálin. Aðrir hlutar tilverunnar
munu verða pirrandi.“ Hann segir að
þeir sem áttu erfitt með að gera boð-
skapinn úr The Secret að veruleika
ættu að eiga auðveldara með það eft-
ir að hafa lesið hans bók. „Allir sem
hafa lesið bókina eru mjög ánægðir
með hana. Sumir marglesa hana,“
bætir hann við.
Hægt er að nálgast frekari upplýs-
ingar um bókina og aðlöðunaraflið á
heimasíðu Þormóðar, www.leyndar-
malid.is klj
Ný bók um aðlöðunaraflið
Þormóður
Símonarson.
Bókarkápan.