Skessuhorn - 28.11.2018, Blaðsíða 19

MIÐVIKUDAGUR 28. NÓVEMBER 2018 19
Á Nýsköpunardegi Samtaka sveit-
arfélaga á Vesturlandi síðastliðinn
fimmtudag voru afhent árleg Ný-
sköpunarverðlaun. Þau komu að
þessu sinni í hlut rótgróins fyrir-
tækis í landshlutanum, Guðmund-
ar Runólfssonar hf. í Grundar-
firði. Í máli Páls S Brynjarssonar
framkvæmdastjóra SSV kom fram
að verðlaunin fengi fyrirtækið fyr-
ir óvenju metnaðarfulla uppbygg-
ingu nýrrar hátæknilegrar fisk-
vinnslu í Grundarfirði. Ekkert
væri til sparað að leysa verkefnið
vel af hendi og til fyrirmyndar
hvernig um leið er hlúð að samfé-
laginu í heimabyggð. Verðlaunun-
um veittu móttöku þau Rósa Guð-
mundsdóttir framleiðslustjóri og
faðir hennar Guðmundur Smári
Guðmundsson, en bæði ávörpuðu
þau samkomuna.
Langur aðdragandi
Guðmundur Smári segir að verk-
efnið ný fiskvinnsla GRun eigi sér
fjögurra ára forsögu. Þá hafi eig-
endahópurinn fyrst farið að ræða
um að endurnýja fiskvinnsluhús
og búnað. „Ári síðar var samþykkt
í stjórn að hefja undirbúning þessa
stóra verkefnið. Það hjálpaði
okkur einnig að um svipað leyti
vinnum við mál gegn bankan-
um okkar og fáum endurgreidda
háa upphæð í ofgreiddum vöxt-
um. Eftir mikla yfirlegu um verk-
efnið, sem tók á annað ár, var tek-
in ákvörðun um hvernig innvið-
ir vinnslunnar yrðu, þ.e. hvernig
búnaður yrði í henni. Þarna verð-
ur bæði bolfiskvinnsla og karfa-
vinnsla.“ Guðmundur segir að frá
upprunalegum hugmyndum hafi
ýmislegt breyst og umfang verks-
ins aukist til muna eða nánast tvö-
faldast. Nýbyggingin sem nú er
risin er 2.700 fermetrar og alls um
20 þúsund rúmmetrar. Endanleg-
ur kostnaður liggur ekki fyrir en
hann er allmikið hærri en upphaf-
leg áætlun sagði fyrir um,“ sagði
Guðmundur Smári en tók þó fram
að það væri engin katastrófa eins
og t.d. í títtnefndu Braggamáli í
Nauthólsvík. Gat hann þess að nú
er stefnt á að hefja vinnslu í húsinu
fyrrihluta janúar á næsta ári.
Íslenskt verkefni
að nær öllu leyti
„Við sem stöndum að þessu verk-
efni erum sannfærð um að þessi
vinnsla verði með þeim fullkomn-
ustu sem til eru í bolfiskvinnslu hér
á landi og þótt víðar væri leitað.“
Hann sagði að vonir væru bundnar
við að afköst á unninn klukkutíma
í nýja húsinu allt að tvöfaldist mið-
að við gömlu vinnsluna, en auk þess
verður vinna starfsfólks í senn létt-
ari og öruggari. Guðmundur Smári
kvaðst einkar stoltur yfir að lang-
stærsti hluti þessa risastóra verkefnis
er íslenskur og unninn af Íslending-
um. Reyndin væri sú að um væri að
ræða eitt stærsta einstaka iðnaðar-
verkefni sem í gangi er hér á landi
um þessar mundir. „Húsið er hann-
að af ASK arkitektinum Helga Má
Halldórssyni en Verkís sá um verk-
fræðiteikningar. Ístak byggir húsir
sem er staðsteypt og hefur fjölmarga
undirverktaka úr héraði eða í það
minnsta úr kjördæminu sér til halds
og trausts, meðal annars frá Grund-
arfirði, Stykkishólmi, Snæfellsbæ
og Skagafirði.“ Búnaður í vinnsl-
una er auk þess smíðaður hér á landi
og kemur frá Marel, Skaganum 3X,
Kælismiðjunni Frost, Micro stáls-
miðju og fleirum. Einungis hluti af
frystibúnaðinum er innfluttur.“
Guðmundur Smári segir að hús-
ið sjálft sé búið mjög fullkomnum
ljósabúnaði, öflugu loftræstikerfi
og stjóru og afkastamiklu slökkvi-
kerfi. Allt lagnaefni er til dæmis lagt
í kerfisloft sem tryggir að öll þrif
verða léttari en í hefðbundinni fisk-
vinnslu í dag.
„Okkar stóra verkefni verður að
tryggja að verksmiðjan hafi nægjan-
legt hráefni til að vinna úr. Kvóta-
staða okkar dugir fyrir um 75% af
þörfinni. Á Snæfellsnesi er hins veg-
ar landað á fiskmarkaðina um 20
þúsund tonnum á ári og í þeim afla
liggja okkar tækifæri til að fullnýta
nýja vinnslu,“ sagði Guðmundur
Smári að lokum.
Námskeið
fyrir starfsfólk
Rósa Guðmundsdóttir framleiðslu-
stjóri GRun fór í stuttu máli yfir
námskeið sem fyrirtækið hefur að
undanförnu haldið fyrir starfs-
fólk sitt, en margt af því er af er-
lendu bergi brotið. „Við fengum
Símenntundarmiðstöðina á Vest-
urlandi með okkur í lið og héldum
námskeið þar sem bæði var kennd
íslenska og fólkið frætt með ýms-
um hætti um íslenskt samfélag.
Margt af okkar góða fólki flytur til
landsins og í Grundarfjörð en fer
kannski ekki mikið út fyrir bæjar-
mörkin eftir það. Hluti af náminu
var beinlínis átthagafræði þar sem
kennt er margvíslegt sem snýr að
umhverfinu í heimabyggð og í ná-
grannabyggðum. Kennt er ýmis-
legt er varðar réttindi og skyldur og
svo framvegis. Sumir gera sér jafn-
vel ekki grein fyrir því að þeir öðl-
ast kosningarétt og kynna sér slík
mál því ekki. Við leggjum mikla
áherslu á að okkar fólk læri á og
skilji samfélag okkar sem allra best.
Þetta fólk er hluti af okkar samfé-
lagi og allra hagur að allir geti ver-
ið sem virkastir þátttakendur í því,“
sagði Rósa.
Þeim Rósu og Guðmundi Smára
var klappað lof í lófa fyrir innlegg
sitt, en Samtök sveitarfélaga færði
fyrirtækinu að gjöf verðlaunagrip
sem Dýrfinna Torfadóttir gullsmið-
ur á Akranesi hannaði og smíðaði af
þessu tilefni.
mm/ Ljósm. tfk.
GRun er handhafi Nýsköpunarverðlauna Vesturlands 2018
Feðginin Rósa og Guðmundur Smári Guðmundsson tóku við nýsköpunarverðlaununum fyrir hönd GRun hf. í Grundarfirði.
Ljósm. mm.
Loftmynd af nýja fiskvinnsluhúsinu.
Svipmynd frá því á mánudaginn þar sem Björg Ágústsdóttir bæjar-
stjóri var við kennslu, en auk hennar er túlkur með á mynd.
Nýi vinnslusalurinn. Byrjað var að leggja gólfefni á salinn fyrir helgi
þegar myndin var tekin og því allur umgangur þar um bannaður.
Árni Friðjón Árnason verktaki við vinnu við nýjan inngang í fyrir-
tækið.
Pípararnir Guðni Leifur Friðriksson og Njáll Gunnarsson eru hér að
vinna við uppsetningu sprinklerkerfis í loft.
Guðni Guðnason pípulagningameistari hefur yfirumsjón með
pípulögnunum í húsinu. Óttar Guðlaugsson er að störfum þar fyrir
innan.
Unnsteinn Guðmundsson við eina af risavöxnu rafmagnstöflunum
í nýja húsinu.