Skessuhorn - 05.12.2018, Blaðsíða 18
MIÐVIKUDAGUR 5. DESEMBER 201818
Á næsta ári fagnar Framköllunar-
þjónustan í Borgarnesi þrjátíu ára
afmæli. Fyrstu tíu árin var starf-
semin til húsa við Borgarbraut 13
en síðan á núverandi stað við Brú-
artorg 4 í húsi sem stundum er kall-
að Bananinn og stendur beint á
móti N1. Húsið byggðu þau hjónin
Svanur Steinarsson og Elfa Hauks-
dóttir. Auk Framköllunarþjónust-
unnar leigja þau annan enda hússins
til Íslandspósts og hinn til Ljómal-
indar. Talsverðar breytingar hafa
nýverið átt sér stað í þjónustu og
vöruframboði í Framköllunarþjón-
ustunni og útlit fyrir að það breytist
meira. „Fyrirtækið var stofnað til að
framkalla filmur og hefur sú starf-
semi verið hryggjarstykkið í þessu
hjá okkur alla tíð. Eftir að stafræna
tæknin ruddi sér til rúms hefur
smám saman dregið úr framköllun
á hefðbundnum filmum og nú er
útlit fyrir að við hættum henni um
áramótin. Það einfaldlega borgar
sig ekki að gangsetja vélina og reka
hana fyrir örfáar filmur á viku. Við
erum hins vegar áfram að prenta
út og stækka myndir, bæði af eldri
filmum sem og stafrænar myndir.
Erum að setja þær á blindramma,
álplötur og pappír. Þannig höldum
við áfram myndvinnslu þótt fram-
köllunin detti út,“ segir Svanur.
Í húsnæði þeirra var þar til í haust
rekið þjónustuumboð fyrir trygg-
ingafélagið VÍS, en skrifstofunni var
lokað 1. nóvember. „Þannig vildi til
að sama dag og VÍS hætti var garn-
búðinni sem hér var í Borgarnesi
einnig lokað. Við vissum að það var
ekki vegna þess að garn væri ekki
að seljast og gripum því tækifærið
sem myndaðist og höfum nú kom-
ið okkur upp heilmiklum lager af
garni og lopa í sama rými og VÍS
hafði áður. Okkur sýnist að þessi
viðbót í flóruna komi ágætlega út,“
segir Elfa. Samhliða því hafa þau
verið að bæta við úrval í gjafavöru
en ekki síst vörum sem ferðafólk er
áhugasamt um. „Við erum staðsett
hérna beint á móti umferðarmið-
stöðinni sem N1 er hér í bænum og
það er mikil umferð ferðafólks hér
yfir götuna til okkar. Við höfum lagt
áherslu á að þjónusta ferðamanninn
um það sem hann sækist eftir, svo
sem ljósmyndavörur, minjagripi og
fleira. Meira að segja eru erlendir
ferðamenn talsvert að sækjast eftir
garnvörunum. Eru t.d. áhugasam-
ir um íslenska lopann og kaupa þá
efni í peysu og prjónauppskrift til
að hafa með sér heim,“ segir Svan-
ur. Þau segjast bæði flytja inn garn
og kaupa íslenskan lopa og garn af
innlendum heilsölum. „Það er mik-
il prjónahefð hér í Borgarnesi og
ótrúlega margir sem njóta þess að
hafa eitthvað á prjónunum. Fyrstu
viðbrögð hafa því verið afar jákvæð
frá því við bættum þessum vörum
við,“ segir Elfa.
Þannig breytist tíminn. Þótt
tryggingafélag hætti starfsemi í
heimabyggð og fólk sé að mestu
hætt að taka myndir á filmu, er leit-
að annarra verkefna og segjast þau
Svanur og Elfa bjartsýn í aðdrag-
anda afmælisárs hjá fyrirtækinu
þeirra. En er ekki nafnið á verslun-
inni orðið úr takti við verkefnin?
„Það má vel vera að svo sé. Faðir
minn byrjaði að vinna hjá Versl-
unarfélaginu Borg á sínum tíma.
Kannski maður ætti bara að taka
það nafn upp, hver veit,“ slær Svan-
ur fram að endingu.
mm
Aðlaga sig breytingum á markaði
Svanur og Elfa við rekka af garni og lopa í Framköllunarþjónustunni. Framköllun á filmum verður hætt um áramótin, enda svarar ekki lengur kostnaði
að halda vélinni við.
Skreytingar í glugga og handan götunnar er N1 þar sem rútur með
ferðafólk stoppa.
Hespa af lungamjúkri lamadýrsull. Hluti af úrvali gjafavöru, meðal annars frá Iittala.
Landsbankamótið í sundi fyrir
börn tíu ára og yngri var haldið af
Sundfélagi Akraness í Bjarnalaug
þriðjudaginn 13. nóvember síð-
astliðinn. Strax að móti loknu var
uppskeruhátíð sundmanna félags-
ins haldin í Brekkubæjarskóla.
Alls tóku 26 sundkrakkar á aldr-
inum sjö til tíu ára þátt í mótinu.
Keppt var í bæði 25 m og 50 m
skriðsundi og bringusundi. „Marg-
ir efnilegir sundmenn sýndu að
þeir hafa náð miklum framförum
í vetur og höfðu gaman af því að
sýna foreldrum og öðrum áhorf-
endum árangur sinn,“ segir í til-
kynningu á Facebook-síðu sund-
félagsins. Eldri iðkendur sund-
félagsins heimsóttu krakkana,
stungu sér í laugina og sýndu þeim
nokkra spretti og tækni við sundið.
Eftir mótið var síðan farið í leiki í
lauginni.
Að viðburðinum loknum hófst
uppskeruhátíð sundfélagsins þar
sem allir þátttakendur í mótinu
fengu þátttökuverðlaun. Fulltrú-
ar ÍA afhentu sundfélaginu blóm
og gjöf í tilefni af 70 ára afmæli
félagsins og eldri sundmönnum
voru veittar viðurkenningar.
Brynhildur Traustadóttir var út-
nefnd Sundmaður Akraness 2018.
Hún varð Íslandsmeistari í 1500 m
skriðsundi, önnur í 200 m skrið-
sundi og þriðja í 400 m skriðsundi.
Þá keppti hún einnig á Norður-
landamótinu fyrir Íslands hönd.
„Brynhildur æfir vel, er góð fyrir-
mynd og félaginu til sóma,“ segir á
síðu sundfélagsins.
Félagabikarinn kom í hlut Atla
Vikars Ingimundarsonar, en bik-
arinn er veittur til minningar um
þá Arnar Frey Sigurðsson og Karl
Kristinn Kristjánsson. „Atli hef-
ur verið vítamínsprauta fyrir aðra
sundmenn á bakkanum og í laug-
inni, hann heldur vel utan um
krakkana, er duglegur að hvetja þá
og hefur staðið fyrir skemmtileg-
um bakkaupphitunum á mótum.“
Ingunnarbikarinn er fyrir stiga-
hæsta bringusundið 12 ára og
yngri til minningar um Ingunni
Guðlaugsdóttur. Bikarinn hlaut
að þessu sinni Aldís Thea Daní-
elsdóttir Glad fyrir 200 m bringu-
sund á tímanum 3:31,45 sem gera
284 fina stig.
Viðurkenningu fyrir bestu
ástundun og framfarir fengu;
Helga Rós Ingimardóttir í flokki
meyja, Mateuz Kuptel í flokki
sveina, Guðbjörg Bjartey Guð-
mundsdóttir í flokki telpna, Krist-
ján Magnússon í flokki drengja,
Lára Jakobína Gunnarsdóttir í
stúlknaflokki og Enrique Snær
Llorens í piltaflokki.
Viðurkenningu fyrir stigahæstu
sundin hlutu Aldís Thea í flokki
meyja, Guðbjarni Sigþórsson í
flokki sveina, Ragnheiður Karen
Ólafsdóttir í flokki telpna, Kristján
Magnússon í flokki drengja, Bryn-
hildur Traustadóttir í stúlkna-
flokki, Sindri Andreas Bjarnason
í piltaflokki og Ágúst Júlíusson í
karlaflokki.
kgk/ Ljósm. Sundfélag Akraness.
Viðurkenningar veittar á uppskeruhátíð Sundfélags Akraness
Brynhildur Traustadóttir var valin
Sundmaður ársins 2018.
Frá keppni í Bjarnalaug.
Viðurkenningu fyrir bestu ástundun
og framfarir hluti Helga Rós Ingimars-
dóttir, Mateuz Kuptel, Guðbjörg
Bjartey Guðmundsdóttir, Kristján
Magnússon, Lára Jakobína Gunnars-
dóttir og Enrique Snær Llorens.