Skessuhorn - 05.12.2018, Blaðsíða 22

MIÐVIKUDAGUR 5. DESEMBER 201822
Fulltrúar frá Slökkvi-
liði Grundarfjarðar,
ásamt formanni Lions-
klúbbs Grundarfjarðar,
heimsóttu þriðja bekk
Grunnskóla Grundar-
fjarðar á dögunum eins
og hefð er fyrir. Þar
voru nemendur fræddir
um mikilvægi eldvarna
og hvernig á að bregð-
ast við ef eldur kvikn-
ar. Lionsklúbburinn gaf
börnunum eldvarnalita-
bók. Eftir heimsóknina í
þriðja bekk voru krakk-
arnir á fimm ára deild
Eldhamra heimsóttir og
vakti það mikla lukku.
Í næstu viku ætla svo
nemendur grunnskól-
ans að fara í heimsókn
á Slökkviliðsstöðina,
skoða þar bílana, tæki og
tól. Grunnskóli Grund-
arfjarðar vill koma á
framfæri þakklæti fyrir
heimsóknina og gjöfina.
tfk
Slökkvilið Grundarfjarðar
heimsækir grunnskólann
Krakkarnir fylgjast áhugasamir með. Ljósm. tfk.
Valgeir Magnússon slökkviliðsstjóri, Marinó Eyþórsson slökkviliðsmaður og María Ósk Ólafs-
dóttir, formaður Lionsklúbbs Grundarfjarðar. Ljósm. Grunnskóli Grundarfjarðar.
Gestir í Króksfjarðarnesi fengu
óvænta tónleika frá Skúla mennska og
Kyle Woolard á jólamarkaði um síð-
ustu helgi. Skúli og Kyle höfðu leikið
á tónleikum á Ísafirði daginn áður og
voru á leið til Reykjavíkur. Bíll þeirra
bilaði þegar þeir beygðu í suðurátt af
Þröskuldum. Þeir urðu að skilja bíl-
inn eftir og enduðu á jólamarkaðnum
í leit að fari áfram. Á meðan þeir biðu
eftir farinu tróðu þeir upp við mikinn
fögnuð viðstaddra. Skúli mennski er
þekktur tónlistarmaður og Kyle er
bandarískur tónlistarmaður sem er
prímusmótorinn á bak við hljóm-
sveitina The Anatomy of Frank.
Jólamarkaður í Króksfjarðarnesi
var annars vel sóttur, segir í frétt á
heimasíðu Reykhólasveitar. Nokkr-
ir viðburðir voru á markaðnum; Jón
Jónsson á Kirkjubóli kynnti bók sína
Á mörkum mennskunnar og las úr
henni kafla, harmonikkufélagið Nik-
kólína spilaði fyrir gesti og Íris Björg
Guðbjartsdóttir á Klúku kom fram
og söng frumsamin lög. klj
Óvæntir tónleikar á jóla-
markaði í Króksfjarðarnesi
Kyle Woolard, Íris Björg Guðbjartsdóttir og Skúli mennski.
Ljósm. vefur Reykhólahrepps.
Í tilefni af hundrað ára fullveldis-
afmæli þjóðarinnar voru fjölmarg-
ir viðburðir haldnir um allt land
á laugardaginn. Mikil menning-
ardagskrá var í Reykjavík þar sem
Danadrottning og fleiri tignargest-
ir voru á ferð, ávörp flutt og hátíð-
ardagskrá í Hörpunni um kvöld-
ið. Á landsbyggðinni voru einnig
fjölmargir viðburðir sem dreifðust
víða. Í Reykholti voru hátíðartón-
leikar sem Jónína Erna Arnardótt-
ir píanóleikari og Bergþór Páls-
son söngvari stýrðu. Auk þess kom
Trio Danois og Söngbræður fram.
Fluttu þau dagskrá sem nefndist
Frá fullveldi til fullveldis.
Í Grunnskólanum í Stykkishólmi
var sýning á verkefnum nem-
enda þar sem borin voru saman
árin 1918 og 2018. Í Grunnskóla
Grundarfjarðar var opið hús og
sýning á verkum nemenda. Nem-
endafélag Háskólans á Bifröst og
Nemendafélag Landbúnaðarhá-
skóla Íslands sameinast undir yfir-
skriftinni Við erum lykillinn að…
Þar voru nemendur LbhÍ með at-
riði sem tengja landbúnað, fram-
tíð hans og mikilvægi, við fullveld-
ið. Nemendur á Bifröst nálguðust
fullveldið á annan hátt, því þau
fjölluðu um það í samhengi stjórn-
mála og lýðræðis og mikilvægi þess
að viðhalda því.
Í Byggðasafninu í Görðum
á Akranesi var hátíðarsýning á
heimildamynd um útileiki barna
1918-2018 sem Byggðasafnið hef-
ur unnið að í samvinnu við kvik-
myndagerðarmanninn Heiðar
Mar. mm
Hundrað ára fullveldi fagnað um allt land
Hilmar Már Arason skólastjóri í Grunnskóla Snæfellsbæjar tók við gjöfum frá
Lionsklúbbi Nesþings en það voru þrjár örnefnamyndir. Á myndinni er Ari Bent að
afhenda Hilmari myndirnar. Ljósm. af.
Frá tískusýningu nemenda í Grunnskóla Grundarfjarðar.
Morten Fagerli, Pernille Kaarslev, Jónína Erna Arnardóttir og Bergþór Pálsson
í Reykholtskirkju. Einnig söng Karlakórinn Söngbræður á hátíðardagskránni.
Ljósm. Páll Bergþórsson.
Það var mikið um dýrðir í Grunnskóla Grundarfjarðar. Þá höfðu nemendur
skólans skreytt allt hátt og lágt og voru með metnaðarfulla sýningu í skólanum.
Kennsla var þennan laugardag og frá klukkan tólf á hádegi var gestum og
gangandi boðið að koma og skoða afrakstur þrotlausrar vinnu síðustu daga. Til
dæmis var búið að safna saman fermingarfötum frá hinum ýmsu tímaskeiðum og
svo var haldin glæsileg tískusýning þar sem nemendur sýndu fatnað liðinna tíma.
Vel var látið af sýningunni og augljóst að mikið hafði verið lagt í hana. Dagbjört
Lína Kristjánsdóttir kennari skartaði glæsilegum þjóðbúningi í tilefni dagsins.
Ljósm. tfk.
Í Snæfellsbæ var fullveldi fagnað með þemaviku og sýningum í Átthagastofu og Grunnskóla Snæfellsbæjar. Að sögn Hilmars Más Arasonar skólastjóra gekk þemavikan í alla staði mjög vel. „Hún var vel undirbúin
og framkvæmdin var fumlaus. Það var ánægjulegt að ganga um skólahúnæðin í þemavikunni og upplifa áhuga og gleði nemenda við námið. Punkturinn yfir i-ið var svo opna húsið þar sem afrakstur þemavik-
unnar var sýndur, boðið var upp á þjóðlegar veitingar og hátíðarsamkoma var í íþróttahúsinu,“ sagði Hilmar. Nemendur Lýsuhólsskóla í Snæfellsbæ tóku þátt í þemavikunni. Þeirra útgangspunktur var barn í
sveit. Veðrið setti strik í reikninginn, skólahald var fellt niður í tvo daga, rúða brotnaði í illviðrinu og verkefni sem voru í vinnslu löskuðust. Fyrirhugað er að sýna þeirra verkefni við fyrsta tækifæri. Nemendur og
kennarar komu norður yfir á opna húsið og tóku þátt í gleðinni. Ljósm. af.