Skessuhorn - 05.12.2018, Blaðsíða 30

MIÐVIKUDAGUR 5. DESEMBER 201830
MT: Stefán Gísli með verðlauna-
gripinn síðastliðinn sunnudag.
Hvað er efst á jólagjafaóskalist-
anum hjá þér?
Spurni g
vikunnar
(Spurt á Akranesi)
Gíslína Lóa Kristinsdóttir
Að fá fjölskylduna saman.
Pálína Sigmundsdóttir
Samvera fjölskyldunnar en ég
verð sjálf að vinna um jólin á
dvalarheimili.
Guðni Sigurðsson
Góða bók.
Erla Pálmadóttir
Hamingja.
Margrét Sigurðardóttir
Samvera fjölskyldunnar.
Snæfell vann stórsigur á Stjörnunni,
81-58, í tíundu umferð Domino‘s
deildar kvenna í körfuknattleik.
Leikið var í Stykkishólmi á sunnu-
daginn.
Stjarnan byrjaði af miklum krafti,
hreyfði boltann vel í sókninni og
lék þétta vörn. Snæfellskonur fundu
ekki taktinn í upphafsfjórðungnum
og gestirnir höfðu afgerandi forskot
að honum loknum, 11-23. Í öðrum
leikhluta snerist taflið algjörlega við.
Snæfellskonur tóku sóknarleikinn í
gegn, sköpuðu sér betri skot og lok-
uðu leiðinni að körfunni í vörninni.
Stjarnan átti engin svör og Snæfell
náði sex stiga forystu áður en flautað
var til hálfleiks, 36-30.
Snæfellskonur voru mun öflugri
eftir hléið og munaði þar mikið um
framlag Katarinu Matijevic sem reif
niður hvert sóknarfrákastið á fætur
öðru. Fyrir vikið fékk Snæfell ítrek-
að tvö skot og stundum þrjú skot úr
hverri sókn. Snæfell leiddi með 25
stigum að loknum þriðja leikhluta,
67-42 og aðeins formsatriði að klára
leikinn. Stjarnan náði að minnka
muninn niður í 16 stig í upphafi
fjórða leikhluta en Snæfell svaraði
af krafti og sigraði að lokum stórt,
81-58.
Kristen McCarthy var stigahæst
í liði Snæfells með 24 stig og níu
fráköst að auki. Katarina Matiejvic
kom henni næst með 17 stig, tíu frá-
köst og sex stoðsendingar.
Danielle Rodriguez var atkvæða-
mest í liði gestanna með 25 stig, sjö
fráköst og sex stoðsendingar. Jenný
harðardóttir skoraði 14 stig og Bríet
sif Hinriksdóttir var með tíu stig og
fimm fráköst.
Snæfellskonur sitja í öðru sæti
deildarinnar eftir tíu leiki, með jafn
mörg stig og KR-ingar sem tróna
á toppnum. Þessi tvö lið mætast í
toppslag elleftu umferðar laugar-
daginn 8. desember næstkomandi.
Leikið verður í Stykkishólmi.
kgk/ Ljósm. úr safni/ sá.
Snæfell burstaði Stjörnuna
Venju samkvæmt var hátíð í
Grundarfirði á fyrsta sunnudegi
í aðventu. Kjör íþróttamanns
Grundarfjarðar fór fram, lýst úr-
slitum í ljósmyndasamkeppni og
slegið upp markaði. Að lokinni
skemmtun voru ljósin tendruð á
jólatrénu í miðbæ Grundarfjarð-
ar og þar mættu bræðurnir Stekkj-
astaur og Hurðaskellir og létu
gamminn geysa.
tfk
Hátíð í Grundarfirði á
fyrsta sunnudegi í aðventu
Þau sem voru tilnefnd til íþróttamanns Grundarfjarðar. Sigurður Heiðar Valgeirsson fyrir körfubolta, Brynja Gná Heiðarsdóttir fyrir hestaíþróttir, Jón Pétur Pétursson
fyrir skotfimi, Ragnar Smári Guðmundsson fyrir knattspyrnu en Telma Dís Ásgeirsdóttir, litla frænka hans tók við viðurkenningunni þar sem hann var ekki viðstaddur og
svo Lydía Rós Unnsteinsdóttir fyrir blak en litla systir hennar, Tinna Unnsteinsdóttir tók við viðurkenningu fyrir hennar hönd.
Haukur Orri Heiðarsson og Sól Jónsdóttir virða fyrir sér vöruúrvalið frá Togga í
Lavalandi.
Vinningshafar í ljósmyndasamkeppni Grundarfjarðarbæjar þau Mateusz Mo-
niuszko sem átti sigurmyndina og Kristín Halla Haraldsdóttir sem átti myndirnar í
öðru og þriðja sæti.
Marta Magnúsdóttir, skátahöfðingi Íslands og Þórunn Kristinsdóttir sem tók við
ágóða sölu skátanna fyrir hönd Krabbameinsfélags Grundarfjarðar.
Frænkurnar Ingibjörg Hjartardóttir og Elín Ottósdóttir voru með ýmsar kræsingar
til sölu á markaði kvenfélagsins Gleym mér ei.
Brynja Gná Heiðarsdóttir var valin íþróttamaður Grundarfjarðar 2018.