Faxi - 01.12.2019, Page 4

4 FAXI
Málfundafélagið Faxi var stofnað af valinkunnum Keflvíkingum þriðju-
dagskvöld eitt haustið 1939 aðeins tæpum
mánuði eftir byrjun seinni heimstyrjaldar-
innar. Helgi Hólm segir svo um stofnun
málfundafélagsins í grein í 3. tbl Faxa 2014:
„Það mun hafa verið að áeggjan Ingva
Loftssonar múrarameistara að boðað var
til stofnfundar Málfundafélagsins Faxa.
Ingvi bjó þá að Suðurgötu 43 í Keflavík og
þangað stefndi hann fimm öðrum mönnum
að kvöldi þess 10. október 1939. Þetta voru
þeir Guðni Magnússon, Margeir Jónsson,
Ragnar Guðleifsson, Valtýr Guðjónsson
og Hallgrímur Th. Björnsson. Augljóslega
hefur fundurinn verið vel undirbúinn því
samþykkt voru lög fyrir hið nýja félag og
kosin hin fyrsta stjórn og var formaður
kjörinn Valtýr Guðjónsson.“
„Þó stofnfélagar hafi aðeins verið sex þá
voru félagarnir orðnir tólf talsins áður en
ár var liðið og hefur sú tala haldist óbreytt
síðan. Þeir sem gengu í Faxa til viðbótar
stofnfélögunum voru þeir Ingimundur Jóns-
son, Danival Danivalsson, Sverrir Júlíusson,
Einar Norðfjörð, Þórður Helgason, og Páll
S. Pálsson.“
Tilgangur Faxa var frá í upphafi „að efla
félagsþroska félaganna, gefa þeim kost á
æfingu í rökréttri hugsun og munnlegri
framsetningu hennar. Ennfremur að víkka
sjóndeildarhring þeirra gagnvart hinum
ýmsu viðhorfum og á sem flestum sviðum.“
eins og segir í lögum félagsins. Málfunda-
félagið starfar enn á þessum grundvelli.
Umræðuefni á Faxafundum hafa verið
mjög fjölbreytt í gegnum tíðina, dægurmál
Málfundafélagið Faxi 80 ára
Faxafélagar og Guðni Th. Jóhannesson forseti Íslands, nýjasti heiðursfélagi Faxa. Frá vinstri: Guðmundur I. Jónsson, Jóhann Friðrik Friðriksson,
Stefán B. Ólafsson, Kristinn Óskarsson, Guðni Th. Jóhannesson, Eysteinn Eyjólfsson, Haraldur Helgason, Kristján Jóhannsson, Hannes Einarsson
og Ríkharður Ibsen.