Heimsmynd - 01.09.1986, Síða 11

RAGNAR TH.
STJORNMAL
HALLDpR ÁSGRlMSSON:
ÍSLENDINGAR
VERÐA EKKI
ÞVINGAÐIR
Hann er innan vid fertugt, ofurlítið feitlaginn og látlaus framkoman stingur örlítið í stúf við allan þann styr er staðið ftef-
ur um hann.. Hann fór á þing 27 ára gamall og varð sjávarútvegsráðherra 36 ára gamall. Hann er einn af þessum genet-
ísku framsóknarmönnum, fœddur í kaupfélaginu á Vopnafirði, í góðu jarðsambandi við atvinnulífið, var lengi til sjós,
stundaði nám við Samvinnuskólann og varð síðar löggiltur endurskoðandi. Hann er varaformaður Framsóknarflokksins
og að öllum líkindum nœsti leiðtogi hans. Halldór Ásgrímsson er í viðtali við HEIMSMYND um hvalamálið og afleiðingar
þess, samband Islands og Bandaríkjanna, stjórnmálin á Islandi og ástandið innan flokks síns. Hann situr fyrir svörum um
hvort hann sé samviskulaus hvaladrápari á mála hjá Hval hf. eða sverð lands síns í hápólitísku alþjóðamáli. Eða bara
hreinlega að sinna sínum störfum eftir bestu samvisku eins og hann segir reyndar sjálfur. Þá má geta þess að honum
finnst hvalkjöt gott. Segir að konan sín matreiði það gjarnan eins og lambasnitsel. Eins gott að hann hafi uppskriftir á
reiðum höndum því líklegt er að nóg verði af hval á boðstólum á nœstunni.
eftir Herdísi Þorgeirsdóttur
HEIMSMYND 11