Heimsmynd - 01.09.1986, Side 30

Hann hefur reynst ótrúlega hugmynda-
ríkur, margar hugmynda hans hafa þótt
djarfar og jafnvel óraunsæjar þótt
reynslan hafi sýnt annað. Innan skamms
verður vígt fimm þúsund fermetra hús-
næði til viðbótar við núverandi byggingar
í Þverholtinu þar á meðal annars að vera
verksmiðja „sem á engan sinn líka í ver-
öldinni." Hvort frumleikinn er fólginn í
einhverju í sambandi við húsnæðið sjálft,
tækjakost eða vöru skal látið ósagt. Ég
veit það ekki og enginn bankastjóri held-
ur. „Meira að segja Jóhannes Nordal
sem formaður Iðnþróunarsjóðs sem lán-
ar okkur um 40 milljónir veit ekki hvers
konar verksmiðju er um að ræða,“ segir
hann og hlær. Davíð Scheving andar ekki
leyndarmálinu, segist orðinn þreyttur á
sporgöngumönnum, sem reyni að stela
hugmyndum hans jafnóðum. Banka-
stjórar láni honum, persónunni Davíð
fremur en Smjörlíki eða Sól. Og ef illa
fer? „Það má ekki gerast,“ segir hann og
fórnar höndum. „Þá fer fyrirtækið á
hausinn."
Og Davíð er ekki aðeins að leika með
eigið fé. Hans hlutur í Smjörlíki hf. og
Sól hf. er innan við sex prósent, en Sól
hf. var stofnað 1972 í þeim tilgangi að
»
Meira að segja
Jóharmes Nordal
formaður Iðn-
þróunarsjóðs sem
lánar okkur 40
milljónir veit ekki
hvers konar verk-
smiðju er um að
rœða.
framleiða appelsínusafa, því ekki þótti
tilhlýðilegt að láta Smjörlíki standa utan
á umbúðum ávaxtasafa.
Um þrír fjórðu hlutar framleiðslu þess-
ara fyrirtækja er til orðið í stjórnartíð
Davíðs Scheving og til marks um aukin
umsvif fyrirtækisins frá því að hann kom
til sögunnar má benda á að upphaflegt
húsnæði verksmiðjunnar er aðeins fimm
prósent af núverandi húsnæði. Davíð
Scheving rekur fyrirtæki sem samkvæmt
nýlegri skoðanakönnun er hið best rekna
í landinu. Hann rekur það eins og hann
ætti það einn, sagði einhver. Hann vflar
ekki fyrir sér að nota hvert tækifæri til að
tengja nafn sitt eða persónu afurðum
fyrirtækisins. Drekkur Svala á almanna-
færi og frægt var Trópicana-tríóið hjá
Vinnuveitendasambandinu þegar hann
var þar í samningaráði. Því kemur það
mörgum á óvart að hann skuli ekki vera
stærri hluthafi í fyrirtæki sínu en raun ber
vitni. Hvað vakir fyrir honum?
„Þú spyrð eins og konan mín, þegar ég
sagði henni nýlega frá mjög hagstæðum
samningum sem ég náði. -Fyrir hvern
ertu að græða Davíð? Jón Óttar og nýja
sjónvarpsfélagið?" spurði hún. Og hann
hlær. En faðir Jóns Óttars var Ragnar
Jónsson kenndur við Smára og stór eig-
andi í Smjörlíki hf. En hann segir að það
fyrirtæki muni ekki fá fyrirgreiðslu varð-
andi auglýsingar fremur en önnur. En
fyrirtækin Smjörlíki og Sól hf. auglýsa
vafalaust meira í blöðum, tímaritum, út-
varpi og sjónvarpi en flest önnur sam-
bærileg fyrirtæki. „Um þrjú prósent af
veltunni fara í auglýsingar," segir hann
sjálfur.
Skrifstofa Davíðs er lítið stærri en önn-
ur skrifstofuherbergi í húsnæðinu í Þver-
holti. Þar hitti ég hann fyrst og augljóst
var að hann hafði undirbúið komu mína.
Vart varð þverfótað fyrir nýjum umbúð-
um um Svala til útflutnings, lok af dós
sem gaf honum hugmyndina að Trópí-
cana upphaflega, Soda-stream flaska úr
terelyni, nokkrar menjar um hugmynda-
augði hans gegnum tíðina.
Mottó hans er að gera ekkert sem