Heimsmynd - 01.09.1986, Page 81

manns á vellinum og það blóðheitir
Grikkir. Talsverður munur frá því að
' vera einn á flötunum fyrir austan. Venju-
lega er það þannig að ég get farið yfir
köstin mín í huganum eftirá. Ég man
ekki þessi köst. Ég náði þarna að kasta
72,40. Ég skammaðist mín hrikalega eftir
þetta og skömmu síðar fór ég til Banda-
> ríkjanna annan veturinn minn. Ég held
að ég hafi hlaðið upp fyrir mörg ár með
því að ganga í gegnum þetta. Ég breyttist
mjög mikið. Það kom ekki lengur til
greina að hætta. Átta mánuðum seinna
kastaði ég 89,98.“
-Þjálfar þú þig eitthvað andlega?
„Ég fór í gegnum hugþjálfun þennan
næsta vetur í sambandi við tækni með
Tim Hamilton þjálfara mínum. Það gafst
mjög vel. Þjálfunin gekk út á það að
setja sjálfan sig í einhverja uppákomu á
vellinum. ímynda sér sjálfan sig á velli
farandi í gegn um rútínuna og byrja svo
keppni. Þjálfunin fór þannig fram að ég
lá á bakinu í myrkraherbergi. Ég reyndi
að liggja afslappaður og stjórna andar-
drættinum. Tim fór í gegn um ákveðna
sögulýsingu sem ég myndgerði og setti
síðan upp með alls konar uppákomum.
Þetta var mjög merkileg reynsla fyrir
mig. Við komumst að því að ég átti mjög
erfitt með að myndgera ákveðna tækni.
Það var það sama og ég átti erfitt með að
y útfæra í raun. Þetta var truflun á
skynjun. Við fórum einnig í gegnum
hreyfingar og skoðuðum á myndbönd-
um. Ég kastaði síðan 81 og 83 metra á
öllum mótum í mars og aprfl. Fyrsta kast-
ið mitt í undanúrslitum bandaríska há-
skólameistaramótsins var svo 89,98 metr-
ar og var lengsta kastið á mótinu, daginn
eftir kastaði ég 89,36. Ég fékk síðan boð
á mót í Kanada tveimur mánuðum síðar í
kjölfar þessa og þar kastaði ég 89,18 sem
, var British Colombía-met og er það enn.
Ég hef ekki unnið með Tim Hamilton
síðan. Við reyndum að stilla saman
strengi okkar fyrir ólympíuleikana 1984
en það gekk ekki. Ég hef ekki gert þetta
að ráði síðan. Ég geri það sjálfur að fara
yfir köst eftirá sem eru skrýtin tæknilega.
En það er mikill munur að hafa með sér
mann sem maður treystir og hefur
reynslu af.“
-Nú hefur pabbi þinn, Vilhjálmur Ein-
arsson, náð merkasta árangri sem ís-
lenskur frjálsíþróttamaður hefur náð.
Fékk silfurverðlaun í þrístökki á ólymp-
íuleikunum.
„Já, hann stökk 16,26 metra í Melbo-
urne 1956 og bætti sig um hálfan metra
og kom öllum á óvart. Hann hafði bætt
sig um hálfan metra það sumar líka og
náð þannig lágmarki fyrir ólympíu-
leikana. Hans árangur hefur að sjálf-
sögðu orðið mér hvatning en miklu meira
ómeðvitað. Ég vissi meira af þessu í gegn
um þá sem þekktu hann en hann sjálfan.
Hann lagði enga áherslu á það að við
bræðurnir stunduðum íþróttir með það
að markmiði að gerast afreksíþrótta-
menn, heldur fyrst og fremst til þess að
hafa af því ánægju.“
-Hvað segirðu um árangur þinn, áttu
góð ár framundan?
„Það eru margir kastarar sem hafa átt
sitt blómaskeið á aldrinum 28 til 32 ára.
Denis Lusis frá Sovét, einn besti kastari
heims fyrr og síðar, var að þessu fram til
34 ára aldurs. Sama má segja um tvo
mjög góða Ungverja, Paragi og Nemeth.
Klaus Wolferman kastaði sitt besta kast
kominn yfir þrítugt. Hvað mig sjálfan
varðar þá var ég mjög ánægður með
keppnistímabilið í fyrra miðað við mæli-
kvarðann meðalkastlengd í tíu sterkustu
mótunum. Þetta meðaltal var hjá mér
85,70 árið 1983, fór niður í 85,20 metra
árið 1984 og upp í 89,04 árið 1985. Þá var
Grand Prix stigakeppni Alþjóða frjáls-
íþróttasambandsins í fyrsta skipti og ég
náði að halda forustu allt fram að úrslita-
keppni. í næst síðasta mótinu var ég
þriðji stigahæstur meðal frjálsíþrótta-
manna í heiminum yfir heildina og fyrst-
ur meðal spjótkastara. f síðustu keppn-
inni var ég meiddur og mátti þakka fyrir
áttunda sætið af tólf í spjót-
kastkeppninni. Ég lenti því í þriðja sæti í
spjótkastinu yfir heiminn en var raun-
verulega í fjórða sæti. Einn af þeim sem
voru fyrir ofan mig féll á lyfjaprófi. Þetta
var mjög spennandi en áætlanir sem ég
hafði gert fóru úrskeiðiðs."
-Hvernig er mótsferðum þínum hátt-
að. Borgar þú sjálfur kostnaðinn?
„Nei. Mér er boðið á alþjóðlegt mót.
Þá er greiddur ferðakostnaður og dag-
peningar sem eru í sjálfu sér ekkert. Ef
ég næ samfelldri rútu milli móta og næ að
tengja nokkur mót er hægt að réttlæta
þetta fyrir fjölskyldunni.“
-Fylgir ekki mikil streita öllum þessum
ferðalögum?
„Þegar maður kemur úr keppnisferða-
lögum er maður í hálf annarlegu andlegu
ástandi. Það tekur dálítinn tíma að
skynja sig venjulegan. Stöðugar um-
hverfisbreytingar valda því að maður
verður hálf eirðarlaus. Einhvernveginn
ekki eins og maður á að venjast. Annars
venst þetta eins og annað. Ég finn stór-
lega mun á mér í sumar og fyrrasumar.
Þegar ég kom úr mínum fyrsta túr í
Skandinavíu tók það mig töluverðan
tíma að komast inn í venjulega rútínu
aftur.“
-Hefurðu velt því fyrir þér hvað taki
við þegar þú hættir?
„Sú hugsun er farin að læðast að manni
oftar en áður. Það er stórmál að fram-
fleyta fjölskyldunni. Ég hef mikinn
áhuga á kennslustörfum en einnig áhuga
á ýmsum öðrum hlutum. Ég er opinn
fyrir öllum möguleikum. Ég veit ekkert
eins og er hvenær ég fer aftur út til
æfinga. Það er ekki til fjármagn til að
fara í æfingabúðir og ólympíunefnd er
ekki búin að setja upp neitt plan fyrir
ólympíuleikana 1988. Strax árið 1984 var
sett upp áætlun hjá Svíum og stofnað ‘88
lið. Þeir veita þeim sem eru í því liði
styrki og það er stólað á þá. Þetta hafa
Norðmenn líka gert. Við gerum svona
lagað oft seinna íslendingar. Ég hef ann-
ars hlotið ómetanlegan stuðning frá góð-
um aðilum á Austurlandi. Þar hafa góðir
menn víða að á Austfjörðum sýnt mér og
þeim verkefnum sem ég er að fást við
mikinn skilning og aðstoðað mig fjár-
hagslega.
-Krefst það ekki mikillar reglusemi að
vera íþróttamaður?
„Jú, jú. Maður verður að vera reglu-
samur. Ég sæki töluvert staði eins og
Fógetann. Það þýðir að maður fær á sig
óregluorð um allan bæ þó að maður sé
bara með kaffibolla. Þetta fylgir því að
þekkja marga,“segir Einar umburðar-
lyndur. „En eins og þeir segja í Banda-
ríkjunum: Sticks and stones can brake
my bones but words will never hurt
me. Og með það er þessi geðþekki
íþróttamaður farin á enn eina æfinguna.
Gamla spjótið Besta kast Meðaltal 10 sterkustu móta Skráður á heimslista
1976 52.46 Ekki
1977 59.72 Ekki
1978 67.32 Ekki
1979 68.82 Ekki
1980 76.76 Ekki
1981 81.22 Ekki
1982 80.64 (meiddur) Ekki
1983 90.60 85.20 No. 8
1984 92.42 85.76 No. 5
1985 91.84 89.04 No. 5
Nýja spjótið 1986 80.18 (21/7 '86) Önnur köst með nýja spjótinu: 79.20 - 79.02 - 78.62 - 78.60 - 78.42 - 77.84
HEIMSMYND 81