Sveitarstjórnarmál - jún. 2019, Blaðsíða 27

27
SVEITARSTJÓRNARMÁL
verið til fyrirmyndar. Önnur dæmi um
góða samvinnu íbúa er bæjarhátíðin
Eldur í Húnaþingi sem er að mestu
unnin í sjálfboðavinnu og sýning
Leikflokks Húnaþings vestra á Hárinu,
sem endaði sem athyglisverðasta
áhugasýning leikársins 2018-2019.
Þá er góð samvinna í íþróttum, en
Kormákur og Hvöt spila saman í
knattspyrnu, kirkjukórar æfa saman og
ferðaþjónustuaðilar starfa vel saman, svo
að eitthvað sé nefnt.“
Mannauðurinn er helsti styrkurinn
Þetta hafa verið atorkumikil fimm ár,
svo að ekki sé meira sagt. Sem stendur
er verið að endurnýja hitaveitulagnir
á Hvammstanga og íþróttamiðstöðin
hefur verið stækkuð og henni breytt
til samræmis við nútímaþarfir.
Umhverfismálin hafa ekki síður verið
fyrirferðarmikil. Flokkunartunnur standa
nú við hvert hús og heimili og ráðist
hefur verið í ýmsar framkvæmdir ýmist til
verndar náttúrunni eða til þjónustuauka
við ferðamenn þar sem ágangur er
mikill, nema hvort tveggja sé. Ánægðust
er Guðný þó með að skila af sér
góðu búi. „Sveitarfélagið stendur vel.
Skuldahlutfallið er lágt og lausafjárstaðan
góð. Nokkur afgangur hefur verið á
rekstri sem kemur helst til vegna aukinna
tekna og því að forstöðumenn hafa
haldið vel utan um sína málaflokka og
verið innan áætlunar.“ Helsti styrkur
Húnaþings vestra er þó að mati Guðnýjar
mannauðurinn sem þar er og í því felast
tækifærin. „Það virðist vera sama hvað
fólki dettur í hug, það eru fundnar leiðir til
að framkvæmda það. Hér er valinn maður
í hverju rúmi og í raun enginn veikur
hlekkur,“ segir hún, stolt af sínu fólki.
Sveitarstjórnarmálin standa jafnframt fyrir
margt fleira en bara „sveitarstjórnarmál“.
„Í mínum huga eru sveitarstjórnarmál
náið samstarf við fólk, íbúa. Það er á
sveitarstjórnarstiginu sem hægt er að
gera mest fyrir samfélagið þannig að
fólk finni fyrir því. Það skiptir vissulega
máli hvaða ákvarðanir eru teknar á
alþingi, miklu máli, en ef það er ekki fólk
á sveitarstjórnarstiginu sem vill og getur
fylgt málum eftir þá verður lítið úr þeim
ákvörðunum.“
Heilbrigður rígur við
nágrannasveitarfélögin
Þegar Guðnýju bar að garði, í kjölfarið
af sveitarstjórnarkosningunum 2014,
reið sannkölluð kvenalda yfir Húnaþing
vestra. Guðný var fyrsta konan sem
tók við starfi sveitarstjóra, konur voru
í fyrsta sinn í meirihluta í lykilstöðum
hjá sveitarfélaginu, fjórir af sjö fulltrúum
í sveitarstjórn voru konur, oddviti
meirihlutans var kona og í byggðaráði
voru konur einnig í meirihluta.
Guðný, sem er borin og barnsfæddur
Keflvíkingur, er þó enginn nýgræðingur í
landsbyggðarpólitík. Eflaust muna margir
enn eftir henni á Raufarhöfn, þar sem hún
var sveitarstjóri á árunum 2002 til 2006
og þótti farast það vel úr hendi þrátt fyrir
erfiða tíma í rekstri sveitarfélagsins. Vel
gert hjá kornungri konu.
Guðný Hrund Karlsdóttir hefur verið sveitarstjóri Húnaþings vesturs sl. fimm ár. (Horft til norðurs yfir byggðina við Hvammstanga, ljósmyndina tók
Guðný úr dróna).
Í mínum huga eru
sveitarstjórnarmál náið
samstarf við fólk, íbúa. Það
er á sveitarstjórnarstiginu
sem hægt er að gera mest
fyrir samfélagið þannig að
fólk finni fyrir því.