Sveitarstjórnarmál - jún. 2019, Blaðsíða 33
33
þarfir sveitarfélaga. Engin tvö sveitarfélög
séu eins. „Sum sveitarfélög verða eflaust
virkir þátttakendur í því að móta og
leiða þennan vettvang á meðan framlag
annarra felst aðallega í því að laga afurðir
samstarfsins að eigin aðstæðum. Þá
munu öll sveitarfélög njóta góðs af því að
geta litið til reynslu annarra sveitarfélaga,
innan lands sem utan, í stað þess að
finna alltaf upp hjólið á ný.“
Skráning tengiliða hefur sóst vel
Daginn sem stofnfundurinn fór fram hafði
41 af 72 sveitarfélögum landsins skráð
samtals 66 tengiliði. Að svo stöddu hefur
því um helmingur aðildarsveitarfélaga nýtt
sér svigrúmið til að tilnefna tvo tengiliði.
„Það er alveg ljóst að sú aðlögun
íslensks samfélags að þeim breytingum,
sem þegar hafa átt sér stað og
fyrirséðar eru vegna loftslagsbreytinga,
mun ekki eiga sér stað án aðkomu
sveitarfélaganna,“ segir Aldís. „Það
hefur síðan verið áætlað að innleiðing
heimsmarkmiðanna komi að 2/3 hluta
eða 65% í hlut sveitarfélaga. Það er því
ljóst að við höfum verk að vinna og breið
samstaða sveitarfélaga er af þessum
sökum óendanlega mikilvæg. Við viljum
því helst að hver einasta sveitarstjórn
komi að starfi samráðsvettvangsins og
taki þátt í þeirri þekkingarmiðlun sem er
nauðsynleg til að ná árangri á landsvísu.
Samvinna sveitarfélaga og sameiginleg
stefnumörkun, t.d. í loftslagsmálum,
getur enn fremur verið ákjósanlegur
Það er alveg ljóst að sú
aðlögun íslensks samfélags
að þeim breytingum sem
þegar hafa átt sér stað
og fyrirséðar eru vegna
loftslagsbreytinga, munu
ekki eiga sér stað án
aðkomu sveitarfélaganna
kostur, ekki bara með hliðsjón af
hagkvæmnissjónarmiðum heldur einnig
þess aukna árangurs sem ná má fram
með samstarfi.“
Loftslagsstefna sveitarfélaga
komin í lög
Jafnframt bendir Aldís á, að
skylda sveitarfélaga til að setja sér
loftslagsstefnu hafi á síðustu dögum
fyrir lok Alþingis verið leidd í lög.
Sveitarfélögin hljóti í framhaldinu að
gera kröfu um faglegan og fjárhagslegan
stuðning ríkisins við aðgerðir vegna
sjálfbærrar þróunar. „Sanngjarnt og
eðlilegt er að okkar mati, að ríkið
styðji við sveitarfélögin í þessum
verkefnum, hvort sem um er að
ræða fræðslu, þekkingarmiðlun eða
innviðauppbyggingu. Margar af þeim
aðgerðum sem ráðast verður í á vegum
sveitarfélaga eru afar kostnaðarsamar,
eins og dæmi þegar sýna, s.s. vegna
gas- og jarðgerðastöðvar SORPU,
rafbílavæðingar og breytinga í
samgöngum á höfuðborgarsvæðinu með
tilkomu borgarlínu.“
Þurfum breiðfylkingu um lausnir
Stofnfundurinn var haldinn í Vindheimum,
einum af fundarsölum Reykjavíkurborgar,
á íslenska kvenréttindadeginum þann
19. júní. Að margra mati fara ágætlega
saman kvenréttindi og sjálfbær þróun
hins vegar. Aldís tekur hiklaust undir
það. „Gallup-könnun hefur sem dæmi
leitt í ljós, að konur hafa meiri áhyggjur
af afleiðingum loftslagsbreytinga fyrir sig
og fjölskyldu sína. Konur hugsa einnig
marktækt meira um áhrif sín á umhverfi
og loftslagsbreytingar og eru tilbúnari að
breyta hegðun sinni til að lágmarka áhrif
sín á umhverfi og loftslagsbreytingar.“
Aðalatriðið er þó að hvorugt skyggir á
hitt. „Stofnun sameiginlegs vettvangs
sveitarfélagana er mikilvægt skref
til að safna saman upplýsingum og
fyrirliggjandi reynslu sem býr innan
sveitarfélaganna og draga fram þau
verkefni sem þegar eru farin af stað á
sveitarstjórnarstigi. Einnig mun aukið
samtal sveitarfélagana um árangursrík og
hagkvæm stjórntæki og aðgerðir skila sér
í þeirri breiðfylkingu um lausnir sem er
löngu tímabær.“
Frá stofnfundinum 19. júní sl. en þarna má m.a. sjá þær Hrönn Hrafnsdóttur, sérfræðing á
umhverfis- og skipulagssviði Reykjavíkurborgar, starfsmenn sambandsins þær Helgu Guðrúnu
Jónasdóttur samskiptastjóra og Eygerði Margrétardóttur verkefnastjóra, en þær höfðu allar
framsögu á fundinum. (Ljósm.: Ingibjörg Hinriksdóttir).
SAMRÁÐSVETTVANGUR SVEITARFÉLAGA