Fréttablaðið - 05.10.2017, Síða 4

Þessi nýbreytni með
íslensku kápuna
hefur verið mjög vinsæl hjá
spilurum og við finnum að
það er mikilvægt að hafa
hana á leiknum.
Ólafur Þór
Jóelsson hjá Senu
Veður
Í dag verður vestan gola eða kaldi,
skýjað að mestu og einhverjir smá-
dropar gætu stungið sér niður hér
og þar. Síðdegis verður orðið hið
ljúfasta veður. SJÁ SÍÐU 32
Heimsmeistarinn fékk óblíðar móttökur
Ellefu íslenskir skákmenn tóku þátt á alþjóðlegu skákmóti á eynni Mön nú á dögunum. Á milli umferða styttu skákmennirnir sér stundir með því
að spila knattspyrnu. Á myndinni sést heimsmeistarinn Magnus Carlsen, hvítklæddur, fá byltu eftir baráttu við Björn Hólm Birkisson, bláklæddan,
og Hilmi Frey Heimisson. Stutt er í knattspyrnugenin hjá Hilmi en hann er sonur Heimis Guðjónssonar, þjálfara FH. CHESS.COM/MARIA EMELIANOVA
NEYTENDUR „Leikurinn hefur farið
vel af stað og í raun betur en í fyrra
og má leiða að því líkur að það hafi
með innkomu íslenska landsliðsins
að gera,“ segir Ólafur Þór Jóelsson,
framkvæmdastjóri útgáfu- og sölu-
deildar Senu sem gefur út fótbolta-
tölvuleikinn FIFA 18 hér á landi.
Fáir ef nokkrir tölvuleikir njóta
meiri vinsælda hér á landi og á
heimsvísu en FIFA-leikjasería tölvu-
leikjaframleiðandans EA Sports
sem gefnir eru út ár hvert. Í síðasta
mánuði var tilkynnt að íslenska
karlalandsliðið í knattspyrnu
yrði í leiknum að þessu sinni sem
gladdi óneitanlega tugi þúsunda
spilara leiksins hér. Af því
tilefni var sú nýbreytni
tekin upp að sérstök
kápa úr íslenska lands-
liðsbúningnum prýðir
nú hulstur leiksins hér
og segir Ólafur það hafa
skilað sér í sölutölum.
„Þessa fyrstu viku
hefur leikurinn
selst í fleiri þús-
undum ein-
taka og ljóst
að íslenskir
FIFA-spilarar
taka þessum
nýja FIFA-
leik opnum
örmum. Þessi
n ý b r e y t n i
með íslensku
kápuna hefur
verið mjög vin-
sæl hjá spilurum
og við finnum að það
er mikilvægt að hafa
hana á leiknum.“
Guðni Bergsson, formaður KSÍ,
átti mikinn þátt í því að íslenska
landslið er nú í leiknum eftir að
forveri hans og KSÍ höfnuðu til-
boði EA Sports í fyrra.
„Ég er búinn að kíkja á okkar
lið í leiknum og líst bara vel
á. Gaman að sjá okkur í vin-
sælasta íþróttatölvuleik í heimi
þannig að ég er mjög ánægður
með að þetta mælist vel
fyrir.“
Sú staðreynd
að tölvuleikur-
inn seljist nú í
bílförmum er
athyglisverð í
ljósi þess að
l e i k i r f y r i r
Play station 4
(PS4) og sam-
b æ r i l e g a r
l e i k j a t ö l v u r
eru fjarri því
að vera ódýrir.
Algengt verð á FIFA
18 leiknum er á bilinu
9-10 þúsund krónur
og hefur hann selst
upp í einhverjum verslunum sem
Fréttablaðið hafði samband við.
Allt að 10,6 prósenta munur er á
hæsta og lægsta verði leiksins hjá
verslunum. Verðathugun Frétta-
blaðsins leiddi í ljós að FIFA 18 fyrir
PS4 væri ódýrastur hjá Tölvuteki á
8.990 kr. en dýrastur í Elko á 9.995
miðað við uppgefið verð á vefsíðum
verslananna í gær. Heimkaup selja
leikinn á 9.990 kr. en GameStöðin
á 9.499 kr.
mikael@frettabladid.is
Íslendingar eru FIFA-óð
þjóð og leikurinn rokselst
Fótboltatölvuleikurinn FIFA 18 hefur selst í mörg þúsund eintökum fyrstu
vikuna eftir að hann kom út og betur en leikurinn í fyrra. Sena segir tilkomu
íslenska landsliðsins hafa haft áhrif. 10% verðmunur getur verið milli verslana.
FIFA 18 hulstur í íslenskum búningi hafa vakið lukku hjá Íslendingum.
Gylfi Þór Sigurðsson og
félagar í íslenska lands-
liðinu eru í FIFA 18.
kæli- og
Frí Heimsending
á öllum kæli- og
frystitækjum
02–08 okt.
frystidagar
BRETLAND Theresa May, forsætisráð-
herra Bretlands, baðst afsökunar á
of yfirvegaðri og handritslegri kosn-
ingabaráttu flokksins sem fór fram
fyrr á árinu og kostaði flokkinn
þingmeirihlutann. Það gerði hún
í ræðu sinni á landsfundi Íhalds-
flokksins.
Að sjálfsögðu kom forsætis-
ráðherrann einnig inn á útgöngu
Bretlands úr Evrópusambandinu í
ræðu sinni. „Ég er sannfærð um að
við munum komast að samkomu-
lagi sem gagnast bæði Bretlandi og
Evrópusambandinu,“ sagði May
sem vildi jafnframt fullvissa þá
ríkisborgara ríkja ESB sem byggju á
Bretlandi um að þeir væru enn þá
velkomnir þar í landi.
Þegar May vék að stöðu húsnæð-
ismála í Bretlandi tilkynnti hún að
félagslegum íbúðum yrði fjölgað þar
í landi. „Það hefur valdið mér mikilli
sorg að við Philip höfum aldrei eign-
ast börn. Ég læt það hins vegar ekki
stöðva mig í að hjálpa ungu fólki að
eignast sitt eigið húsnæði,“ sagði
forsætisráðherrann.
May komst þó ekki í gegnum
ræðu sína áfallalaust en hún var
nærri því að missa röddina. Var
rödd forsætisráðherrans svo lág að
fjármálaráðherra steig upp og rétti
henni hálsbrjóstsykur.
Jafnframt varð truflun á ræðu
May þegar grínistinn Simon Brod-
kin gekk að sviðinu og sagði: „Boris
bað mér að rétta þér þetta,“ og rétti
forsætisráðherranum uppsagnar-
bréf. – þea
May baðst
afsökunar
May komst ekki í gegnum ræðuna
áfallalaust. NORDICPHOTOS/AFP
UMHVERFISMÁL Úrskurðarnefnd
umhverfis- og auðlindamála hefur
fellt úr gildi ákvörðun Skipulags-
stofnunar um að vinnsla kalkþör-
ungasets í Miðfirði skuli ekki vera
háð umhverfismati.
Í maí 2015 sótti Icecal ehf. um
leyfi til Orkustofnunar til hagnýt-
ingar 1.200 rúmmetra af kalkþör-
ungaseti árlega á ákveðnu svæði í
Miðfirði. Nýtingarleyfið var til 30
ára. Talið var að umhverfismats væri
ekki þörf.
Veiðifélag Miðfirðinga, land-
eigandi og Landssamband veiði-
félaga kærðu ákvörðunina. Hið
sama gerði Húnaþing vestra. Kæru
sveitarfélagsins var vísað frá þar sem
það hafði ekki lögvarða hagsmuni
en fallist var á kröfur annarra aðila.
Í niðurstöðu nefndarinnar segir
að ákvörðunin hafi verið of vélræn
og uppfyllti hún ekki viðmið laga
um mat á umhverfisáhrifum. – jóe
Kalksetnáma
send til baka
5 . O K T Ó B E R 2 0 1 7 F I M M T U D A G U R2 F R É T T I R ∙ F R É T T A B L A Ð I Ð