Fréttablaðið - 05.10.2017, Blaðsíða 30

Fallegar peysur frá Olsen Clothing.
Starri Freyr
Jónsson
starri@365.is
Þrátt fyrir ungan aldur hefur Anton Bjarki Olsen rekið eigið fatamerki í tvö ár undir
nafninu Olsen Clothing. Anton, sem
er 18 ára gamall, býr í Efra-Breiðholti
og á meðan hann er ekki að hanna
og sauma eigin föt spilar hann
tölvuleiki, fiktar við að semja eigin
tónlist auk þess sem hann safnar
skóm. „Ég hanna föt í „streetwear“
stíl og þá flíkur sem skera sig úr
þegar þær sjást á götum úti. Í fyrstu
hugsaði ég rosalega mikið út í hvað
öllum öðrum fannst um fötin mín
og hannaði út frá því. Í dag hanna ég
það sem mér finnst flott og föt sem
ég myndi sjálfur ganga í. Það er svo
bara annarra að dæma hvort fötin
mín henti þeim eða ekki.“
Anton Bjarki segist sækja mikinn
innblástur til rappara. „Mér finnst
áhugavert að skoða hvernig þeir
klæða sig og fæ hugmyndir frá þeim.
Einnig rekst ég af og til á einhvers
konar mynstur eða sé eitthvað
öðruvísi sem gefur mér oft hugmynd
að flík og svo hanna ég út frá þeirri
hugmynd.“
Um þessar mundir vinnur Anton
Bjarki að því að senda glænýjar
vörur frá sér en þær má skoða og
kaupa á Facebook (Olsen Clothing)
og Instagram (olsenclo). „Svo er ég
að byrja á nýju verkefni með félaga
mínum Jóni Gunnari Zoëga sem
rekur líka eigið fatamerki. Við erum
ekki enn búnir að ákveða hvort
þetta verði heil fatalína eða ein stök
flík en það verður allavega spenn-
andi og áhugavert samstarf.“
Tískuáhuginn byrjaði snemma
hjá honum eða um 13-14 ára
aldurinn. „Þá byrjaði ég að hugsa
rosalega mikið út í það hvernig ég
klæddi mig og þess háttar. Reyndar
vil ég meina að ég hafi alls ekki klætt
mig fallega á þessu tímabili þar sem
ég var að prufa mig áfram og læra að
klæða mig.“
Hvernig myndir þú lýsa fatastíln-
um þínum? Ég myndi lýsa honum
sem öðruvísi. Yfirleitt geng ég í
fötum sem vekja athygli og blanda
fötum saman á annan hátt heldur
en yfirleitt sést.
Hvernig fylgist þú helst með
tískunni? Ég nota aðallega Insta-
gram og Google til að fylgjast með
tísku. Svo fylgist ég alltaf með þegar
uppáhaldshönnuðirnir mínir gefa
eitthvað nýtt út á síðunni sinni.
Áttu þér uppáhaldsverslanir hér
heima og erlendis? Ég versla rosa-
lega lítið á Íslandi en mér finnst
mikið af flottum fötum í boði í
Spúútnik og Húrra Reykjavík. Ég á
eiginlega ekki uppáhaldsverslanir
erlendis þar sem ég versla aðallega
út frá því hvernig fötin líta út, frekar
en úr hvaða verslun þau eru.
Áttu þér uppáhaldsflík? Það
koma rosalega margar flíkur upp
í hugann. Ef ég þyrfti að velja eina
myndi ég líklega velja fyrstu flíkina
sem ég saumaði sem var steingrá
peysa.
Getur þú nefnt dæmi um bestu
fatakaup þín og um leið þau verstu?
Bestu voru líklega skórnir frá fata-
hönnuðinum Maison Martin Mar-
giela sem ég nota bara við sérstök
tækifæri og held virkilega upp á.
Ég man hreinlega ekki eftir að hafa
gert fatakaup sem ég hef séð eftir.
Notar þú fylgihluti? Ég nota
ýmiss konar fylgihluti sem ég skipti
reglulega út, t.d. skartgripi, belti og
húfur. Einn fylgihlut tek ég varla af
mér en það er hringur sem er með
Olsenmerkinu.
Sækir innblástur í rappið
Hinn 18 ára gamli Anton Bjarki Olsen úr Efra-Breiðholti hefur rekið eigið fatamerki í tvö ár undir
nafninu Olsen Clothing. Hann vill að hönnun sín skeri sig úr þegar hún sést á götum úti.
Svört og hvít Smokey Olsen „crewneck“ peysa og Victor
Cruz Rush Blue skór. MYND/ANTON BRINK
Hér klæðist Anton Bjarki Olsen tveimur flíkum sem hann hannaði sjálfur, kakíbrúnni Olsen „crewneck“ peysu og líka
hvítum og gráum Olsen joggingbuxum. Hvítu skórnir eru frá Maison Margiela. MYND/ANTON BRINK
Peysan er svört Chapter One Olsen hettupeysa. Skórnir
eru Jordan 4 Thunder 2012. MYND/ANTON BRINK
Húðvörur
án ilmefna
sem húðlæknar
mæla með
afsláttur
20%
Lægra verð í Lyfju
Ráðgjafi í Lyfju Smáratorgi
fimmtudaginn 5. október kl. 14-16
4 KYNNINGARBLAÐ FÓLK 5 . O K TÓ B E R 2 0 1 7 F I M MT U DAG U R