Fréttablaðið - 05.10.2017, Blaðsíða 18
Frá degi til dags
ÚTGÁFUFÉLAG: 365 miðlar ehf. STJÓRNARFORMAÐUR: Einar Þór Sverrisson FORSTJÓRI: Ingibjörg Stefanía Pálmadóttir ÚTGEFANDI OG AÐALRITSTJÓRI: Kristín Þorsteinsdóttir kristin@frettabladid.is
AÐSTOÐARRITSTJÓRAR: Hrund Þórsdóttir hrund@stod2.is, Kjartan Hreinn Njálssson kjaranh@frettabladid.is, Kolbeinn Tumi Daðason kolbeinntumi@365.is, Ólöf Skaftadóttir olof@frettabladid.is. Fréttablaðið kemur út í 90.000 eintökum og er dreift ókeypis á heimili
á höfuðborgarsvæðinu og Akureyri. Einnig er hægt að fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. ISSN 1670-3871 FRÉTTABLAÐIÐ Skaftahlíð 24, 105
Reykjavík Sími: 512 5000, ritstjorn@frettabladid.is ÞRÓUNARSTJÓRI: Tinni Sveinsson tinni@365.is HELGARBLAÐ: Kristjana Björg Guðbrandsdóttir kristjanabjorg@frettabladid.is MARKAÐURINN: Hörður Ægisson hordur@frettabladid.is
MENNING: Magnús Guðmundsson magnus@frettabladid.is LÍFIÐ: Guðný Hrönn Antonsdóttir gudnyhronn@frettabladid.is LJÓSMYNDIR: Vilhelm Gunnarsson villi@365.is FRAMLEIÐSLUSTJÓRI: Sæmundur Freyr Árnason sfa@frettabladid.is
Halldór
Þorbjörn
Þórðarson
thorbjorn@frettabladid.is
Það væri
einfalt fyrir
skólana að
beita sömu
viðurlögum
við brotum á
þessum
reglum og
gilda um
önnur aga-
brot.
Á tveimur
málasviðum,
vísindum og
nýsköpun
annars vegar
og aðgerðum
í loftslags-
málum hins
vegar, blasir
við aðhald
eða niður-
skurður.
2017
IS.WIDEX.COM
Hlustaðu nú!
Nánari upplýsingar
á vefsíðunni
Vinsæli leiðtoginn
Vinstri græn hafa mjög sann-
færandi forystu í skoðanakönn-
unum þessa dagana. Kosninga-
baráttan hefur verið lágstemmd
hingað til en skilað þeim miklu.
Helst ber á fulltrúum flokksins
sem ganga í hús og taka íbúa
tali. Einn íbúi í Vesturbænum
sagði blaðamanni 365 miðla
frá því að hann hefði fengið
slíka heimsókn. Geðþekkur
fulltrúi flokksins hafi kynnt
sig og rétt sér einblöðung.
Vesturbæingurinn átti von á því
að á einblöðungnum væri nóta
með helstu stefnumálum VG.
Svo var ekki. Þar var mynd af
Katrínu Jakobsdóttur en ekkert
um stefnumálin. Formaður
flokksins er vinsælasti stjórn-
málamaður landsins í dag og
á það er keyrt. Á meðan halda
aðrir frambjóðendur sig til hlés.
Liðsaukinn
Það gengur talsvert verr hjá
stjórnarflokkunum Bjartri
framtíð og Viðreisn. Einhverjir
gætu haldið að það myndi leiða
til þess að erfiðara yrði fyrir
þessa flokka að laða til sín fram-
bjóðendur. Fólk veigrar sér oft
við því að vera í liði með þeim
sem bíða lægri hlut. Það hlýtur
því að vera fagnaðarefni fyrir
Viðreisn að hafa fengið Jarþrúði
Ásmundsdóttur, fyrrverandi
formann Landssambands sjálf-
stæðiskvenna og fyrrverandi
framkvæmdastjóra SUS, í sinn
hóp. jonhakon@frettabladid.is
Fráfarandi ríkisstjórn var gagnrýnd með gildum og viðamiklum rökum. Það á til dæmis við sveltistefnu stjórnarflokkanna þriggja sem afhjúpast í fjárlaga-
frumvarpi þeirra. Á tveimur málasviðum, vísindum og
nýsköpun annars vegar og aðgerðum í loftslagsmálum hins
vegar, blasir við aðhald eða niðurskurður. Vissulega ekki
alls staðar en allt of víða. Í greiningu minni á frumvarpinu
og þingræðu kom þetta fram, þvert ofan í orð ráðherra
málasviðanna um sókn:
Framlög til samkeppnissjóða í vísindarannsóknum,
tækni- og þekkingargreinum eiga að lækka. Framlög til
rannsókna í landbúnaði og tengdum greinum sömuleiðis.
Framlög til Nýsköpunarmiðstöðvar Íslands lækka ásamt
styrkjum til nýsköpunarfyrirtækja. Rannsóknastarfsemi
allra háskóla er skorin niður, að vísu aðeins um 0,6% en
þar er þörf á allt öðru. Framlög til Byggðaþróunarsjóðs og
Sóknaráætlunar byggða lækka í heild, en með þeirra tilstyrk
fer m.a. fram nýsköpun og andóf gegn veðurfarshlýnuninni.
Fjárheimildir til uppbyggingar allra innviða í umhverfis-
geiranum eru auknar um aðeins 5% (200 milljónir kr.).
Sérframlög til gestastofa tveggja þjóðgarða, Vatnajökuls og
Snæfellsjökuls, eiga að falla tímabundið niður og mynda
óbundna fjárlagaheimild. Hluti framlags til Hekluskóga
er felldur niður og framlag til Skógræktar ríkisins lækkað.
Fjárheimildir til rannsókna og vöktunar náttúru standa
nánast í stað. Styrkir til uppbyggingar á innviðum rafbíla
eru óbreyttir og of lágir. Framlög til orkuskipta með öðrum
orkugjöfum í samgöngum eða útgerð finnast ekki. Framlög
til staðbundinna náttúrustofa lækka, en þar fer fram mikil-
væg gagnasöfnun vegna loftslagsbreytinga og stofurnar eru
afar mikilvægar stoðir byggðafestu. Málefnaleg gagnrýni er
undirstaða stjórnmálaumræðunnar. Hana verður að stunda
ærlega og af kappi. Það voru einkenni bæði kosningastarfs
VG 2016 og starfa þingflokksins á síðasta þingi. Nú blasir
við að gera verður mun betur á ofangreindum málasviðum.
Vísindi, rannsóknir og nýsköpun, ásamt loftslagsmálum,
eiga að vera framarlega í áhersluröðinni.
Hverjum treystir þú?
Framfarir í stað
niðurskurðar og aðhalds
Ari Trausti
Guðmundsson
þingmaður VG
Rannsóknir á áhrifum snjallsímanotk-unar hafa leitt í ljós tengsl á milli auk-ins kvíða hjá börnum og ungmennum og notkunar snjallsíma, ekki síst vegna samfélagsmiðla. Á að eftirláta foreldrum einum að ráða því hvort börn þeirra noti
snjallsíma á öllum tímum sólarhringsins?
Snjallsímar höfðu í för með sér tæknibyltingu
sem hefur aukið lífsgæði okkar til muna. Við vitum
hins vegar ekki til fulls hvaða langtímaáhrif snjall-
símanotkun hefur á þroska barna og ungmenna.
Um þessar mundir er að vaxa úr grasi í fyrsta sinn
heil kynslóð barna sem hefur snjallsíma við hönd-
ina á öllum tímum sólarhringsins. Það hefur aldrei
áður gerst í mannkynssögunni. Í raun má segja að
við séum stödd í tilraun þar sem heil kynslóð barna
er rannsóknarviðfangsefni alþjóðlegra stórfyrir-
tækja. Framleiðenda snjallsímanna og fyrirtækj-
anna sem reka vinsælustu samfélagsmiðlana.
Erlendar rannsóknir sýna að notkun snjallsíma
og samfélagsmiðla ýtir undir kvíða og streitu hjá
fólki. Fyrrverandi yfirmaður hjá Google hefur upp-
lýst að snjallsímarnir séu í raun hannaðir til þess
að fólk geti ekki án þeirra verið. Fólk þarf stöðugt
að athuga tækin til að sjá hvort það séu komin ný
smáskilaboð, tölvupóstur eða nýjar tilkynningar á
Facebook og Twitter.
Grein Hönnu Borg Jónsdóttur lögfræðings um
snjallsímanotkun barna sem birtist á Vísi á þriðju-
dag hefur vakið athygli. Hanna Borg benti réttilega
á að mikilvægum atriðum úr nýlegum úrskurði
umboðsmanns barna um snjallsímanotkun barna
hefði verið sleppt í umfjöllun fjölmiðla. Geta
grunnskólar á Íslandi bannað notkun snjallsíma
á skólatíma? Án nokkurs vafa enda segir orð-
rétt í úrskurði umboðsmanns: „Í raun geta skólar
ákveðið að banna alfarið slík tæki á skólatíma, ef
þeir telja það nemendum fyrir bestu. Hins vegar
eru takmörk fyrir því hvernig hægt er að bregðast
við ef að nemendur virða ekki þær reglur sem settar
hafa verið.“
Það er rétt, sem segir í úrskurðinum og í umfjöll-
un um hann, að það er álitaefni hvort starfsfólk
grunnskóla hafi heimildir til að gera snjallsíma
upptæka ef reglum um banni við notkun þeirra er
ekki fylgt. Slíkar vangaveltur eru hins vegar óþarfar
og allar hugleiðingar um eignarrétt snjallsíma
skipta ekki máli. Því ef nemendur virða ekki reglur
á skólatíma hefur það yfirleitt afleiðingar fyrir þá.
Þá skiptir ekki máli hvort reglurnar snúi að hegðun
í tímum eða notkun snjallsíma. Það væri einfalt
fyrir skólana að beita sömu viðurlögum við brotum
á þessum reglum og gilda um önnur agabrot. Ef
nemendur ætla yfirhöfuð að stunda nám ber þeim
að virða reglur skólans sem þeir sækja.
Best væri ef grunnskólarnir kæmu sér saman um
einhverja samræmda stefnu í þessum efnum. Snjall-
símar eiga ekkert erindi í kennslustofuna og það er
réttmætt og eðlilegt að takmarka notkun þeirra á
skólalóðinni einnig. Fulltrúar kvíðakynslóðarinnar,
sem nú vex úr grasi, munu þakka fyrir þetta síðar.
Kvíðakynslóðin
5 . O K T Ó B E R 2 0 1 7 F I M M T U D A G U R16 S K O Ð U N ∙ F R É T T A B L A Ð I Ð
SKOÐUN