Fréttablaðið - 05.10.2017, Qupperneq 14
Ásdís Kristjánsdóttir, forstöðumaður
efnahagssviðs Samtaka atvinnulífs-
ins, segir Seðlabanka Íslands hafa í
gær gefið skýr skilaboð um að stýri-
vextir geti lækkað frekar ef aðilar
vinnumarkaðarins og stjórnvöld sýni
ábyrgð á komandi misserum. Ábyrg
hagstjórn sé forsenda þess að vextir
geti þokast í átt að vöxtum erlendis.
Már Guðmundsson seðlabanka-
stjóri tók fram á fundi í bankanum
í gær, þar sem kynnt var ákvörðun
peningastefnunefndar um að lækka
stýrivexti um 0,25 prósentur, að
bankinn teldi ekki ástæðu til að búast
við róttækum stefnubreytingum í rík-
isfjármálum. „Ef það verða breytingar
á því í framhaldi af kosningum er aug-
ljóst að það yrðu meiriháttar tíðindi
og þá tækjum við á því,“ sagði hann.
Vaxtalækkunin kom fjárfestum í
opna skjöldu, enda höfðu flestir, þar
á meðal greiningardeildir stóru við-
skiptabankanna, spáð óbreyttum
vöxtum. Viðbrögðin á verðbréfa-
mörkuðum voru sterk en til marks
um það hækkuðu hlutabréf allra
skráðu félaganna í verði og ávöxtun-
arkrafa á óverðtryggðum ríkisskulda-
bréfum lækkaði um allt að 25 punkta.
Valdimar Ármann, forstjóri
GAMMA Capital Management, segir
ákvörðun peningastefnunefndar-
innar mjög ánægjulega. Hún rími
vel við hagtölur og væntingar. „Síð-
asta verðbólgumæling var vel undir
væntingum og nemur verðbólgan
nú 1,4 prósentum en að frátöldum
húsnæðisliðnum er verðhjöðnun á
Íslandi nú 3,1 prósent. Hafa ber í huga
að markmið Seðlabankans er stöðugt
verðlag, sem er skilgreint sem 2,5 pró-
senta verðbólga,“ segir hann.
„Jafnframt er nú kannski loks litið
til þess að hagvöxtur er knúinn áfram
af stórauknum komum ferðamanna,
frekar en skuldsetningu, ásamt því að
vextir í umheiminum eru enn miklu
lægri en hér á landi og ekki einsýnt að
það þurfi að viðhalda viðlíka vaxta-
mun við útlönd og áður hefur þurft,
en Ísland er enn í aðlögunarferli að
lægri jafnvægisraunvöxtum.
Þetta gefur nú fullt tilefni til þess
í framhaldinu að endurskoða inn-
flæðishöftin á skuldabréfamarkaði
sem mun leiða til þess að vaxtalækk-
anir skili sér enn betur til heimila og
fyrirtækja,“ nefnir Valdimar.
Ásdís segir skýr merki um að hægst
hafi á vexti hagkerfisins. „Seðlabank-
inn hefur þegar lækkað hagvaxtarspá
sína fyrir árið í ár og þarf líklega að
lækka hana enn frekar miðað við þær
vísbendingar sem nú eru að koma
fram. Verðbólguvæntingar, hvort
sem er til skamms eða langs tíma,
hafa einnig verið við markmið og
verðbólgan verið undir markmiði í
44 mánuði samfleytt.“
Hún segir vaxtalækkunina gefa
fyrirheit um að áfram verði unnt að
minnka vaxtamun við útlönd og að
innflæðishöftum Seðlabankans verði
loks aflétt. „Þvert gegn ráðleggingum
Alþjóðagjaldeyrissjóðsins hafa verið
hér við lýði innflæðishöft. Að mati
sjóðsins eru slík höft neyðarúrræði
sem eiga ekki að gegna hlutverki í
almennri hagstjórn.“
Miklu skipti að sátt náist um hóf-
legar launahækkanir í komandi
kjarasamningalotu og að næsta ríkis-
stjórn sýni aðhald í ríkisfjármálum.
„Við erum líklega á toppi uppsveifl-
unnar og mikilvægt að allir sýni
ábyrgð, aðilar vinnumarkaðar og hið
opinbera.“ kristinningi@frettabladid.is
Frekari lækkanir ef ríkið sýnir ábyrgð
Forstöðumaður efnahagssviðs Samtaka atvinnulífsins segir ábyrga hagstjórn forsendu þess að vextir hér á landi geti lækkað frekar.
Viðskiptalífið fagnar óvæntri stýrivaxtalækkun peningastefnunefndar Seðlabankans. Þörf er á minni vaxtamun við útlönd.
Ábyrg hagstjórn er
forsenda þess að
vextir hér á landi geti þokast
í átt að þeim vöxtum sem við
sjáum erlendis.
Ásdís Kristjáns-
dóttir, forstöðu-
maður efnahags-
sviðs Samtaka
atvinnulífsins
Þórarinn G. Pétursson, aðalhagfræðingur Seðlabanka Íslands, og Már Guðmundsson seðlabankastjóri kynntu ákvörð-
un peningastefnunefndar bankans um að lækka stýrivexti um 0,25 prósentustig í gærmorgun. FRÉTTABLAÐIÐ/VILHELM
HEKLA · Laugavegi 170-174 · Reykjavík · Sími 590 5000 · hekla.is
Höldur Akureyri · Bílasala Selfoss · Bílás Akranesi · HEKLA Reykjanesbæ www.skoda.is
MINNI EYÐSLA, MEIRA
PLÁSS, MEST GAMAN
ŠKODA OCTAVIA G-Tec. FULLVAXINN FJÖLSKYLDUBÍLL SEM SPARAR ÞÉR KRÓNURNAR.
ŠKODA OCTAVIA frá:
3.350.000 kr.
Octavia G-Tec er einn mest seldi bíll á Íslandi, enda bæði sparneytinn og góður í endursölu. Hann er mjög rúmgóður og gengur
bæði fyrir bensíni og metani sem lækkar eldsneytiskostnaðinn til muna. Komdu í reynsluakstur og kynnstu Octaviunni betur.
MARKAÐURINN
5 . O K T Ó B E R 2 0 1 7 F I M M T U D A G U R12 F R É T T I R ∙ F R É T T A B L A Ð I Ð