Árbók Nemendasambands Samvinnuskólans - 01.06.1974, Qupperneq 155

10. Tryggvi Eymundsson talaði um morgunsönginn.
Kvaðst hann hafa kyrjað sama versið á hverjum morgni
í barnaskóla og fundist það leiður siður.
11. Árni Reynisson hlaut efnið „kosningar“. Var hann
frekar áhugalítill og ópólitískur á efnið, og virtist ekki vera
efni í skörulegan þingmann.
12. Helgi Ingi Sigurðsson talaði um Vestfirði og gerði
efninu góð skil og var hraðmælskur. Sagði hann meðal
annars, að Vestfirðir væru vestast á landinu og væri sá
útkjálki sem maður kæmist aldrei til, hvað sem lægi við.
13. Sæmundur Bjarnason talaði um SlS. Sagði hann
Framsóknarflokkinn eiginlega vera deild innan SlS.
14. Kristinn Kristjánsson talaði um egg.
15. Svavar Sigurðsson talaði um nautgripi. Sagði hann
þá áður fyrr hafa verið ræktaða til manneldis, en nú aðal-
lega til útflutnings.
16. Sigurjón Skúlason talaði um vorið. Kvað hann það
koma til af því að jörðin sneri öðruvísi við sólunni en venju-
lega og það væri bara einu sinni á ári.
17. Sveinn Guðmundsson talaði um brjóstsykur.
18. Kristján Óli Hjaltason talaði um síld.
19. Guðmar Magnússon um nautnir.
20. Sigurður Fjelsted um auglýsingar.
21. Jón Eðvald Alfreðsson ræddi um bíla, en var sýni-
lega ekki með bíladellu.
22. Þórir Gunnarsson talaði um peninga.
23. Theódór Jónsson hlaut efnið lýgi, sem hann áleit
eitt hið bráðnauðsynlegasta hverjum manni.
24. Síðasti ræðumaður var Árni Jóhannsson, sem talaði
um mat.
Dómnefndin úrskurðaði Helga Inga 1. verðlaun og Gunn-
laugi Sigvaldasyni 2. verðlaun. Nefnd voru einnig góð
tilþrif t. d. hjá Theódór Jónssyni og Magnúsi. Verðlaunin
voru tveir konfektkassar, sem afhentir voru hátíðlega á
staðnum og stundinni.
151