Fréttablaðið - 10.12.2015, Side 8

Stjórnmál Breytingatillögur meiri-
hluta fjárlaganefndar eru nú til
umræðu á þingi í annarri umræðu
um fjárlög. Af þeim 8,8 milljörðum
króna sem meirihlutinn gerir til-
lögur um til breytinga munu aðeins
rúmar 80 milljónir fara til Vest-
fjarða.
Fréttablaðið fór yfir tillögur
meirihluta fjárlaganefndar með
það markmið að greina í hvaða
landshluta breytingatillögurnar
fara. Kom í ljós að af þeim tæpum
níu milljörðum sem áætlaðir eru í
breytingar meirihlutans er hægt að
staðsetja 3,8 milljarða. Einnig eru
aðrar 1.172 milljónir sem áætlaðar
eru til landsbyggðanna án þess að
það sé skilgreint nánar.
Á árinu 2014 setti forsætisráð-
herra á laggirnar nefnd um atvinnu-
ástand og horfur á Norðurlandi
vestra. Var nefndinni falið að koma
með tillögur til ríkisstjórnar Íslands
sem hægt væri að ráðast í til að auka
atvinnu á svæðinu. Nefndin, undir
forystu oddvita Framsóknarflokks-
ins í Skagafirði, skilaði á fjórða tug
tillagna til ríkisstjórnarinnar. Nú er
sú nefnd að uppskera ríkulega fyrir
landshlutann. 370 milljónir króna
leggur meirihluti fjárlaganefndar til
að fari aukalega í landshlutann í hin
ýmsu verk.
„Við tókum á móti rúmlega fjörutíu
sveitarfélögum og landshlutasamtök-
um auk Sambands íslenskra sveitar-
félaga þannig að við reynum að setja
fjármagn þar sem mest skortir á,“ segir
Vigdís Hauksdóttir, formaður fjár-
laganefndar. „Þessar breytingatillögur
eru að okkar mati landsbyggðarmið-
aðar tillögur. Reykjavíkursvæðið er
að taka svo stóran part af fjárlögum
hvers árs þannig að nú erum við að
setja peninga út á landsbyggðina
í grunnkerfið þar, hafnir, flugvelli,
samgöngur og fjarskipti. Ljósleiðara-
verkefnið er gríðarlega mikilvægt til
dæmis. Svo
s e t j u m
við 400
m i l l j -
ónir í hafnar-
framkvæmdir vítt og breitt um
landið, bætum í vegi í dreifðum
byggðum og svo erum við að
styrkja stöðu
Norðurlands
vestra sem
hefur lengi átt
í miklum erfið-
leikum.“
Norðurland eystra og Suðurland
fá næstum jafn mikið úr breytinga-
tillögum meirihlutans eða um 435
milljónir króna. Lagt er til að um
300 milljónir fari á Austurland og
um 200 milljónir á Vestur-
land. Reykjanesið fær örlítið
minna eða um 190 milljónir.
Vestfirðir skera sig svo úr með
88,2 milljónir króna.
Aðalsteinn Óskarsson,
framkvæmdastjóri fjórðungssam-
bands Vestfirðinga, fagnar því að
bæta eigi í á Norðurlandi vestra og
segir sértækar byggðaaðgerðir sem
þessar mikilvægar. „Að sama skapi
minnum við á Vestfjörðum á það
loforð sem gefið var þegar umrædd
nefnd var sett á laggirnar, að þegar
þeirri vinnu væri lokið ætti að
huga að Vestfjörðum. Okkur þykir
fjórðungurinn ekki hafa notið sann-
mælis í fjárlagagerðinni það sem af
er,“ segir Aðalsteinn.
Reykjavíkursvæðið
er að taka svo stóran
part af fjárlögum hvers árs
þannig að nú erum við að
setja peninga út á
landsbyggðina í
grunnkerfið þar.
Vigdís Hauksdóttir,
ormaður fjárlaga-
nefndar
Markmið að færa fé út á landsbyggðina
Vigdís Hauksdóttir, formaður fjárlaganefndar, segir það markmið tillagna meirihluta nefndarinnar að færa fé út á land. Styrkja þurfi
grunnstoðir samfélaga vítt og breitt um landið. Fé sett í samgöngumannvirki, fjarskipti og uppbyggingu ljósleiðara á landsbyggðinni.
menntamál Fram undan er átak í að
fjölga nemendum sem ljúka starfs-
námi. Til þess að svo verði þarf að
koma á markvissu námi sem höfðar
til nemenda, tryggja nemendum
vinnustaðanám og stofna faghá-
skólastig þannig að ungt fólk líti á
starfsnám sem lykil í áframhaldandi
nám á háskólastigi, þetta kom fram
á fundi Menntamálastofnunar og
Rannís á miðvikudaginn undir yfir-
skriftinni: Átak í starfsmenntun
– starfsgreinaráðin, skólarnir og
stoðkerfið.
M e n n t a m á l a s t o f n u n , s e m
tók formlega til starfa í október,
vinnur með framhaldsskólum og
starfsgreina ráðum að námsbrauta-
lýsingum í starfsnámi. Menntamála-
stofnun vill tryggja samtal atvinnu-
lífs og skóla á þessari vegferð og
leggur áherslu á að nám taki mið af
þörfum atvinnulífsins.
Arnór Guðmundsson, forstjóri
Menntamálastofnunar, segir að
þetta sé eitt af málunum sem hafi
verið í umræðunni í þó nokkurn
tíma.
„Þetta kom fram meðal annars
í vinnuhóp sem ráðuneytið setti
af stað. Menn sjá sér ávinning í að
efla starfsmenntun. Það er ákveðin
brú upp í háskóla eftir starfsnám á
framhaldsskólastigi. Í löndum eins
og Sviss og Austurríki, þar sem er
gömul hefð fyrir starfsmenntun,
horfa menn á að beint framhald
liggi frá starfsmenntun upp á
háskólastig,“ segir hann.
Arnór segir að enn hafi ekki verið
komist að neinni niðurstöðu um
málið, enn þá sé verið að ræða hvort
eigi að byggja þetta upp innan fram-
haldsskóla, háskóla eða í sérskólum.
Menntamálaráðuneytið ákveði
hvernig eigi að útfæra þetta. – sg
Menn sjá ávinning í að efla starfsmenntun
Menntamálastofnun vinnur með framhaldsskólum og starfsgreinaráðum að náms-
brautalýsingum í starfsnámi. fréttablaðið/vilhelM
Sveinn
Arnarsson
sveinn@frettabladid.is
✿ Breytingatillögur meirihluta fjárlaganefndar
Reykjanes
187,8
milljónir kr.
22.026
íBúar
Vesturland
198,2
milljónir kr.
14.931
íBúi
Vestfirðir
82,2
milljónir kr.
6.497
íBúar NV-land
368,7
milljónir kr.
6.723
íBúar
NA-land
437,8
milljónir kr.
26.707
íBúar
Austurland
302,1
milljón kr.
12.496
íBúar
Suðurland
435,2
milljónir kr.
23.750
íBúar
Hægt er að greina hvert rúmir fimm milljarðar í breytingatillögum meirihlutans
fara. Þar af eru 1.172 milljónir króna sem eiga að renna til landsbyggðanna án þess
að það sé greint nánar í breytingatillögunum.
Landsbyggð
óstaðsett
1.172
milljónir kr.
Höfuðborgarsvæðið
1.853,9
milljónir kr.
211.282
íBúar
alÞingi VIRK starfsendurhæfingar-
sjóður telur mikilvægt að sjóður-
inn fá aukna aðkomu að þeim lið
aðgerðaáætlunar stjórnvalda í geð-
heilbrigðismálum sem snýr að ráðn-
ingu ríkis og sveitarfélaga á fólki
sem lent hefur utan vinnumarkaðar
vegna langvinnra geðsjúkdóma.
Í umsögn sinni um tillögu til
þingsályktunar um stefnu og
aðgerðir í geðheilbrigðismálum
til fjögurra ára fagnar VIRK mark-
miðum stefnu og aðgerðaáætlunar.
„Sérstaklega því „að þjónusta við
einstaklinga með geðraskanir sé
samþætt og samfelld“, eins og segir
í undirmarkmiði áætlunarinnar,“
segir á vef VIRK.
VIRK bendir meðal annars á að
geðræn vandamál séu mjög algeng
hjá þeim sem horfið hafi af vinnu-
markaði vegna heilsubrests og slysa
og að rúmlega 40 prósent fólks sem
hefji starfsendurhæfingarþjónustu
á vegum VIRK segi geðræn vanda-
mál hamla atvinnuþátttöku sinni.
Hlutfallið  fari vaxandi. Bent er á
að sérhæfð þjónusta á þessu sviði
sé  stór þáttur í þjónustu VIRK og
því skynsamlegt að sjóðurinn verði
talinn með sem samstarfsaðili í fleiri
aðgerðum í stefnu- og aðgerðaáætl-
uninni en nú sé gert ráð fyrir.
Kristján Þór Júlíusson heilbrigðis-
ráðherra  mælti fyrir tillögunni á
Alþingi í nóvember, en velferðar-
nefnd hefur hana til umfjöllunar
áður en hún gengur til annarrar
umræðu í þinginu. – óká
VIRK vill aukinn hlut í aðgerðaáætlun í geðheilbrigðismálum
Geðdeild landspítalans við hringbraut. fréttablaðið/Gva
1 0 . d e S e m B e r 2 0 1 5 F i m m t U d a g U r8 F r é t t i r ∙ F r é t t a B l a ð i ð