Fréttablaðið - 10.12.2015, Page 48

Eiríkur segir að hann hafi keypt
húsið fokhelt árið 2011. „Foreldr-
ar mínir gerðu þetta og hvöttu mig
til að gera það sama,“ segir hann.
Faðir Eiríks er sömuleiðis rafvirki
og hefur hjálpað honum mikið með
húsið, enda hefur hann reynsluna.
„Ég ákvað að þetta yrði langtíma-
markmið, gera þetta hægt eftir
efnum og aðstæðum,“ segir hann.
„Fyrst kláraði ég neðri hæðina en
er núna að vinna í efri hæðinni. Ég
stefni á að geta tekið hana í notk-
un um páskana,“ segir Eiríkur sem
er í sambúð með Freyju Leópolds-
dóttur og eiga þau eina dóttur.
Eiríkur segist ekki þekkja neinn
jafnaldra sem standi í húsbygg-
ingum. „Það var algengt þegar
pabbi var ungur að menn byggðu
sitt eigið hús. Iðnmenntun hjálpar
til við að stíga þetta skref. Núna
eru strangari reglugerðir en voru
fyrir þrjátíu árum þegar það þótti
sjálfsagt að byggja sjálfur. Ef
menn treysta sér til að byggja og
geta gert eitthvað sjálfir þá mæli
ég með þessari leið. Maður þarf
þó alltaf hjálp frá fagmönnum, til
dæmis þarf maður að hafa bygg-
ingastjóra og einungis rafvirkj-
ar mega setja upp raflagnir. Mér
finnst mjög skemmtilegt að standa
í þessu þótt það taki stundum á,“
segir hann. „Stundum vex verkið
manni í augum en maður verður
bara að henda sér í það.“
Þegar Eiríkur er spurður hvort
iðnaðarmenn óski sér verkfæra í
jólagjöf segir hann svo vera. „Ég
hef sjálfur fengið sög og háþrýsti-
dælu í jólagjöf og verið ánægður
með það. Það er engin móðgun að
fá gjafir sem mann vantar og lang-
ar til að eiga. Öll heimili þurfa að
eiga borvél, sög, hamar og skrúf-
járn. Það eru alls konar græjur
sem gott er að eiga; bitasett, bora-
sett og alls kyns fjölnota vélar og
handverkfæri. Svo er bæði hægt
að fá þetta ódýrt og dýrt eftir því
hve miklu maður vill eyða. Ég
myndi halda að það væri mjög gott
að eiga leiserhallamál. Það er hægt
að fá það á öllum verðum. Hjólsög
er sömuleiðis tæki sem gott væri
að eiga,“ segir Eiríkur. „Það er
alltaf hægt að bæta á sig góðum
verkfærum,“ segir hann enn frem-
ur og bætir við að þráðlaus eyrna-
hlíf með útvarpi væri mjög fín
gjöf. „Það eru margir farnir að
spá í ýmsum svona fylgihlutum.
Það væri mjög þægilegt að hafa
útvarp og mp3-spilara í vinnunni.
Ég væri að minnsta kosti til í svo-
leiðis,“ segir Eiríkur og við tökum
undir að það sé sniðugt hugmynd
fyrir fagmanninn.
Eiríkur notar allan frítíma til að
klára húsið sitt. Hann er farinn að
hlakka til jólanna en án vafa verð-
ur þó unnið í húsinu þá daga enda
gott frí.
Frábært að fá góð verkfæri í jólagjöf
Eiríkur Lárusson rafvirki er að byggja eigið hús, aðeins 32 ára. Það hefði ekki þótt merkilegt þegar hann fæddist en nú þykir það óvenjulegt að svo ungt fólk standi í húsbyggingum.
Eiríkur við störf í nýja húsinu sínu. Dóttir hans, Ísmey, fylgist vel með störfum föðurins. MYND/GVA
Ég hef sjálfur fengið
sög og háþrýstidælu í
jólagjöf og verið ánægð-
ur með það. Það er engin
móðgun að fá gjafir sem
mann vantar.
Eiríkur Lárusson
CRÉATIVE TECHNOLOGIE
Frábær vinnuaðstaða með góðu aðgengi fyrir farm og farþega. 180° opnun á afturhurðum, rennihurð, þægileg hleðsluhæð, há sætisstaða og fjöldi geymslu-
hólfa. Öflug en sparneytin 90 hestafla dísilvél ásamt spólvörn og ESP stöðugleikakerfi gera Berlingo Van að öruggum og hagkvæmum kosti fyrir þinn rekstur.
Veldu traust umboð með einstöku þjónustuframboði fyrir bíla- og tækjaflota.
KOMDU OG PRÓFAÐU CITROËN BERLINGO VAN - NÚNA Á LÆGRA VERÐI
citroen.is
• 3,3 M - 4,1 M HLEÐSLURÝMI • 850 KG BURÐARGETA • 3JA MANNA • SPARNEYTINN •3 3
Brimborg og Citroën áskilja sér rétt til að breyta verði og búnaði án fyrirvara. Útbúnaður getur verið frábrugðinn mynd í auglýsingu.
BETRI REKSTUR OG AUKIN ÞÆGINDI
CITROËN BERLINGO VAN 1,6 HDi 90 hö dísil
FRÁ: 2.950.000 KR. MEÐ VSK
FRÁ: 2.850.000 KR. MEÐ VSK
FRÁ: 2.379.032 KR. ÁN VSK
FRÁ: 2.298.387 KR. ÁN VSK
Nýir og notaðir bílar: Söludeildir eru opnar alla virka daga kl. 9-17 og laugardaga kl. 12-16.
Brimborg Reykjavík: Bíldshöfða 8, sími 515 7040 I Brimborg Akureyri: Tryggvabraut 5, sími 515 7050
15á
ra afmæli
Citroënhjá Brimborg
Citroen_Berlingo_5x20_20150923_END.indd 1 24.9.2015 10:49:47
jólAGjöF FAGMANNsiNs i Kynningarblað
10. desember 20154