Fréttablaðið - 17.12.2015, Page 43

|Fólk
n Gott mál
Hælaháir skór skekkja ekki
stórutá samkvæmt nýrri
norskri rannsókn. Þetta hljóta
að vera góðar fréttir í des­
ember þegar jólaveislur eru
á hverju strái. Því hefur oft
verið haldið fram að tærnar
verði vanskapaðar gangi kon­
ur mikið á háum hælum. „Það
hefur engin rannsókn staðfest
þetta,“ segir Grethe Borch­
grevink sem hefur rannsakað
konur og fætur síðastliðin þrjú
ár í samstarfi við St. Olavs
sjúkrahúsið. „Ég hélt að ég
gæti staðfest að háir hælar af­
mynduðu tærnar. Allt annað
kom í ljós í þessari rannsókn,“
segir Grethe sem rannsakaði
fætur 197 kvenna.
Niðurstaðan er sú að lang­
varandi notkun hárra hæla
skekkir ekki tærnar. Konurnar
sem þátt tóku í rannsókn­
inni voru 40 og upp í 66 ára.
Helmingur kvennanna hafði
gengið á háum hælum dag­
lega í vinnunni í meira en fimm
ár. Margar kvennanna höfðu
gengið á háum hælum dag­
lega í 20 ár. Hinn helmingurinn
hafði aldrei gengið á hælum.
Það eina sem kom fram í
rannsókninni er að konur sem
hafa gengið mjög lengi á háum
hælum fá frekar sigg á hælana
eða harða húð en hinar sem
ganga á sléttbotna skóm.
Háir Hælar
skekkja ekki
tærnar
n Sjónvarp
Árið 2015 var gott ár fyrir þá sem eru hrifnir af því
að horfa á sjónvarp. Fjöldi nýrra (og eldri), spenn­
andi þátta birtist á skjánum og erfitt var að fylgjast
með öllu þrátt fyrir góðan vilja. Þeir sem geta ekki
horft á allt og vilja velja úr það besta til að sjá geta
farið eftir lista vefsíðunnar E! um bestu sjónvarps­
þætti ársins.
Þar tróna efstir á lista hinir stórgóðu þættir Game
of Thrones sem flestir þekkja en fimmta serían var
sýnd á árinu og er sú sjötta væntanleg í apríl. Listinn í
heild fer hér á eftir.
1. Game of Thrones
2. Outlander
3. Mr. Robot
4. Fargo
5. How to Get Away with Murder
6. You’re the Worst
7. The Affair
8. The Flash
9. Empire
10. Inside Amy Schumer
Bestu þættir ársins
Game of tHrones efst á lista yfir Bestu
sjónvarpsþætti ársins samkvæmt vefsíðu e!  
flottir
sokkar
Nýjasta Stjörnustríðsmynd­
in er frumsýnd um allan
heima þessa dagana. Mynd­
irnar hafa löngum haft mikil
áhrif á tísku og dægurmenn­
ingu og er nýjasta myndin
engin undantekning.
Bandaríski sokkaframleið­
andinn Stance, sem undan­
farin ár hefur vakið mikla
athygli fyrir litfagra og
ögrandi sokka, setti nýlega
Star Wars­sokkalínu sína á
markað.
Hún inniheldur myndir
af tólf þekktum persónum
myndarinnar, þar á meðal
Loga geimgengil, R2­D2,
Lilju prinsessu, Jóda og auð­
vitað sjálfan Svarthöfða.
Hægt er að kaupa sokk­
ana í barna­ og fullorðins
stærðum á www.stance.
com/starwars.
Öll barnapörin
kosta 16 dollara
en 20 dollara í
fullorðinsstærðum
utan sokka með
Stormsveitar­
mönnum sem
kosta 25
dollara.
550