Fréttablaðið - 19.12.2015, Page 54

Geimurinn
gegnum linsuna
Stjörnufræði er myndræn vísindagrein. Ár hvert eru
þúsundir ljósmynda teknar af undrum alheimsins,
hvort sem er af stjörnuáhugafólki, stjörnufræðingum
eða vélvæddum sendifulltrúum jarðarbúa í sól-
kerfinu. Margar þessara mynda eru gullfallegar, oft
hreinustu listaverk, sem verðskulda að sem flestir
fái notið. Svo komast aðstandendur Stjörnufræði-
vefsins  [stjornufraedi.is] að orði en þeir hafa sjötta
árið í röð valið nokkrar af bestu stjörnuljósmyndum
ársins 2015. Þær eru valdar út frá fegurð en ekki
síður vísindalegu mikilvægi.
Stjörnustólpar í Arnarþokunni Tuttugu árum eftir að Hubble geimsjónaukinn tók eina frægustu
mynd sína af gas- og rykstólpunum í Arnarþokunni beindi sjónaukinn myndavélum sínum að stólpun-
um á ný. Í þeim eru stjörnur að fæðast og sólkerfi að myndast. MYND: NASA/ESA/HUBBLE & HUBBLE HERITAGE TEAM
Full jörð: Fullt tungl
Móðir Jörð og
Máninn hennar.
Þessi óvenjulega
mynd var tekin með
EPIC myndavélinni
í DSCOVR gervi-
tungli NASA 16. júlí
2015. Jörðin er að
fullu upplýst sem og
fjærhlið tunglsins,
svo myndin er tekin
í kringum nýtt tungl.
Dökki bletturinn
ofarlega á tunglinu
er kallaður Moskvu-
hafið en á Jörðinni
sést í norðurpólinn,
Kyrrahaf og Norður-
og Suður-Ameríku.
MYND: NASA/NOAA
Blæjan Fyrir um 8.000 árum sprakk stjarna í 2.100 ljósára fjarlægð í stjörnumerkinu Svaninum. Leifar hennar dreifðust um geiminn og rákust síðan á efni milli stjarnanna á 1,5 milljóna
km hraða á klukkustund og tóku þá að glóa. Litadýrðin í þessum gasþráðum stafar af mismunandi og misheitu efni. MYND: NASA/ESA OG HUBBLE HERITAGE TEAM
1 9 . D E S E M B E R 2 0 1 5 L A U G A R D A G U R54 H E L G I N ∙ F R É T T A B L A Ð I Ð