Fréttablaðið - 25.02.2016, Síða 71

,,Við áttuðum okkur á því að vett­
vangur fyrir örmyndir var enginn
á Íslandi og við gátum því lítið gert
við þær örmyndir sem við höfðum
framleitt eftir að hafa sýnt þær á
listasöfnum. Erlendis eru hins vegar
örmyndhátíðir að poppa upp út
um allt og áhugi fólks á örmyndum
fer vaxandi í takt við hraða tækni­
þróun,“ segir Halldóra Rut leikkona
og ein af umsjónarmönnum Ör­
varpsins.
Þetta frumkvöðlaverkefni varð loks
að veruleika fyrir þremur árum þegar
handsalaður var samstarfssamningur
við Bíó Paradís, RÚV og Nýherja.
„Í dag er verkefnið að geta sér gott
orð, um 200 örmyndir hafa verið
sendar inn á hátíð Örvarpsins frá
upphafi og þátttaka listamanna,
hvort sem þeir koma að Örvarpinu
sem starfsmenn eða beinir þátttak­
endur, hefur verið vonum framar,“
segir Halldóra.
Örvarpið er ekki bara hátíð heldur
vettvangur fyrir skapandi fólk í kvik­
myndalist og heldur meðal annars
masterklassa, námskeið og fyrir­
lestra.
,,Við erum alls ekki stór vettvangur
en erum alltaf að bæta við Örvarpið
og vonandi mun vettvangurinn Ör­
varpið þróast og eflast með tímanum.
Örvarpið er einnig stökkpallur fyrir
ungt og efnilegt fólk í faginu,“
Örvarpið hélt þrjár þemavikur í
haust, fyrsta vikan var tileinkað unga
fólkinu í kvikmyndabransanum,
önnur vikan var tileinkuð konum í
kvikmyndum og þriðja vikan var til­
einkuð heimildamyndum.
„Á uppskeruhátíð Örvarpsins má
sjá allar þær myndir sem sérstak­
lega voru valdar til birtingar á RÚV
ásamt öðrum sérstaklega völdum
myndum,“ segir Halldóra Rut full til­
hlökkunar.
gudrunjona@frettabladid.is
Áhugi fólks á örmyndum fer vaxandi hér á landi
Halldóra Rut Baldursdóttir og Harpa Fönn Sigurjónsdóttir, umsjónarmenn Örvarpsins.
FRéttaBlaðið/VilHelm.
Uppákomur
Hvað? Ó-(h)Ljóðakvöld
Hvenær? 21.00
Hvar? Gaukurinn
Um fjölbreytt prógramm verður
að ræða, allt frá þekktum reynslu­
boltum til nýliða sem þreyta munu
frumraun sína á sviðinu. Því er
allt orðsins fólk hvatt til að mæta,
hlýða á og skála, því hvað annað
er svosem að gera í lok febrúar
þegar bugun íslenska vetrarins nær
hámarki?
Hvað? Rætt um dauðann
Hvenær? 17:15
Hvar? Bókasafn Kópavogs, Hamra-
borg 6a
Það er að fara af stað ný erindaröð
þar sem ýmsir mætir fyrirlesarar
tala um dauðann, hver frá sínu
sjónarhorni. Í dag heldur Hjörtur
Magni Jóhannsson erindi, svarar
fyrirspurnum og ræðir við gesti.
Allir velkomnir, enginn aðgangs­
eyrir.
Uppistand
Hvað? Mið-Ísland 2016
Hvenær? 21.00
Hvar? Hljómahöllin
Mið­Ísland er á leiðinni í Hljóma­
höll með glænýtt uppistand. Með­
limir Mið­Íslands eru þeir Ari Eld­
járn, Bergur Ebbi, Björn Bragi, Dóri
DNA og Jóhann Alfreð og munu
þeir allir koma fram á sýningunni
í Hljómahöll. Nýja uppistandssýn­
ingin var frumsýnd í Þjóðleikhús­
kjallaranum í byrjun janúar 2016 og
hefur hún fengið frábærar viðtökur.
Hvað? Uppistand í Comedy
Klúbbnum
Hvenær? 21.30
Hvar? Bar 11
Uppistand.is heldur grínkvöld alla
fimmtudaga í Comedy Klúbbnum
á BAR 11. Í febrúar eru öll uppi­
stöndin á svokölluðu „Pro­Am“
formi, fyrrihlutinn er uppistand
með reyndari grínistum og eftir hlé
tekur við svokallað Tilraunauppi­
stand, þar sem óreyndir grínistar
fá tækifæri til að spreyta sig og
reyndari að prófa nýtt efni. Miða­
verð 1.000 krónur.
GEFÐU
VATN
gjofsemgefur.is
9O7 2OO3
Netpartar
er nú alþjóðlega
vottað fyrirtæki
EMS 633342
Netpartar ehf.
Byggðarhorn 38
801 Selfoss
Sími: 486 4499
netpartar@netpartar.is
www.netpartar.is
Netpartar hefur nú, fyrsta fyrirtæki sinnar tegundar á Íslandi, fengið
ISO 14001 vottun, ásamt vottun Bílgreinasambandsins samkvæmt
BGS gæðastaðli. Mun það gera fyrirtækinu kleift að vera áfram
leiðandi í umhverfismálum og hjálpa okkur að gera enn betur.
Netpartar ehf. er verslun með varahluti á netinu og er leiðandi
í flokkun og endurvinnslu notaðra bifreiða.
Fyrirtækið er í samstarfi við tryggingarfélögin Sjóvá, TM og Vörð.
M e n n i n g ∙ F R É T T A B L A ð i ð 39F i M M T U D A g U R 2 5 . F e B R ú A R 2 0 1 6