Morgunblaðið - 05.09.2019, Qupperneq 54

MORGUNBLAÐIÐ FIMMTUDAGUR 5. SEPTEMBER 2019
Elínrós Líndal
elinros@mbl.is
Þórunn Birna hefur starfað við aust-
rænar lækningar í tæpa tvo áratugi.
Hún er sú eina sem hún veit sjálf til
sem starfar með doktorsgráðu í sinni
grein hér á landi. Hún er aðallega að
starfa á sviði nálastungna, en kínversk
læknisfræði býður upp á öfluga notk-
un á kínverskum jurtum líka svo
dæmi séu tekin.
„Þær jurtir sem notast er við í þess-
um fræðum eru margar ólöglegar hér
á landi. Þess vegna stóla ég meira á
nálastunguaðferðina. Leiðsögn tengt
mataræði og breyttum lífsstíl svo
dæmi séu tekin.
Kínversk læknisfræði byggir á
4.000 ára gamalli hefð þar sem náttúr-
an er notuð til að koma jafnvægi á lík-
amann. Kínverjar hafa því í mörg þús-
und ár náð að fullkomna sínar
grasalækningar, þannig að form-
úlurnar fyrir hvaða kvillum sem er eru
háþróaðar og áhugaverðar.“
Þórunn getur pantað sér einka-
skammta af kínverskum jurtum, sem
hún drekkur í teformi sjálf sér til
heilsubótar.
Hvað ertu að drekka í dag þessu tengt?
„Ég drekk te sem styrkir orkuna,
aðstoðar við meltinguna og byggir upp
varnarkerfið. Ég drekk te sem kemur
jafnvægi á blóðið mitt því í fjölskyld-
unni minni þurfum við að passa upp á
þessa hluti.“
Hvað gerir þú fleira til
að huga að heilsunni?
„Ég reyni að hugsa hlutina heild-
rænt og halda öllu í hófi, bæði hvað
varðar hreyfingu og næringu. Við
verðum að geta slakað jafn mikið á og
við erum á þeytingi og hömumst í
ræktinni. Ég hreyfi mig helst utan-
dyra, fer mikið í fjallgöngur og létt
skokk en svo elska ég jóga og finnst
ekkert betra en að teygja vel á öllum
líkamanum með djúpri öndun. Þá
losnar svo mikil spenna úr skrokkn-
um. Ef ég ætti að gefa eitt gott ráð
fyrir stoðkerfið, þá væri það að teygja
meira. Síðan borða ég eins hollt og ég
mögulega get allavega sex daga af sjö
dögum vikunnar. Þá skiptir þessi sjö-
undi dagur ekki svo miklu máli. Ann-
ars þýðir heilsa fyrir mér að vera með
heilbrigða skynsemi þegar kemur að
lífsstílnum.“
Hvað er góð heilsa að þínu mati?
„Góð heilsa fyrir mig er að vera í
góðu jafnvægi bæði andlega og lík-
amlega og í fullkominni sátt við til-
veruna. Að næra bæði yin og yang. Að
geta hlustað á líkamann og líða vel í
honum. Að vera með sterkt varnar-
kerfi, góða meltingu og orku og sofa
vel án allra verkja. Það er heilsa fyrir
mér.“
Hvað borðar þú daglega?
„Það sem ég geri nánast á hverjum
degi er að ég fæ mér súrkál á fastandi
maga fyrir meltinguna til að auka
þarmaflóruna. Það munar öllu til að
geta melt vel allan minn mat og styrkt
varnarkerfið. Það klikkar síðan sjald-
an að ég fái mér gott gróft súrdeigs-
brauð í hádeginu, þá mögulega með
spældu eggi, avókadó og tómötum.
Svo narta ég alltaf aðeins í söl til að fá
mín steinefni. Sölin eru flottasta fjöl-
vítamín sem völ er á. Skeið af hör-
fræjaolíu og svo jurtaformúluna mína
úr kínverskum jurtum. Þá er misjafnt
hvaða formúla það er. Hvort ég er að
vinna í orkunni, meltingunni, róa
taugakerfið eða örva blóðflæðið eða
hormónakerfið. Svo finnst mér ekki
leiðinlegt að fá mér einn bolla af
Matcha við og við.“
Hvernig hugsarðu hluti
tengda heilsunni?
„Mín hugsun og kenning er yfirleitt
sú að bakka aftur í tímann og huga að
því hvers konar lífsstíll okkur mann-
fólkinu var upprunalega ætlaður.
Hvað náttúran gaf okkur til að lifa af
og borða og hvernig við þrifumst í tug-
þúsundir ára. Við megum ekki fara of
langt frá upprunanum og því reyni ég
að halda mig frá öllum tískusveiflum
og nýjungum. T.d. er ekkert sérlega
hollt fyrir meltinguna að drekka mat-
inn okkar. Við eigum helst að borða
matinn okkar, tyggja vel og drekka
vatnið. Svo sneiði ég hjá unnum mat-
vælum með aukaefnum og treysti allt-
af fyrst og fremst á hreinar afurðir og
þessa heilbrigðu skynsemi sem við öll
búum við innst inni en gleymum oft að
sækja. Mér finnst einnig að við ættum
að fara varlega í hreyfingunni og
passa að ganga ekki alveg fram af
skrokknum. Það er svo auðvelt að
ganga aðeins yfir strikið til að ná sem
mestum árangri.“
Hvernig stígur þú inn í að vera besta
útgáfan af þér daglega?
„Í dag er ég besta útgáfan af mér.
Ég get samt sem betur fer þroskast
áfram, lært, elst og þá mögulega orðið
betri útgáfa fyrir mig á þeim tíma. Að-
alatriðið er að gera sitt besta við að
vera heiðarlegur við sjálfan sig,
stunda þakklæti og fyrirgefningu hjá
sjálfum sér til að halda þannig áfram
að þroskast. Það eru sem dæmi engin
mistök í lífinu að mínu mati, einungis
lærdómur. Svo finnur maður meira og
meira með aldrinum hvað gjafmildin
er sterkt afl. Hjálpsemi og að geta gef-
ið af sér þroskar mann og fyllir hjart-
að meiraen nokkuð annað.“
Hvað finnst þér mikilvægt að muna?
„Hver einstaklingur er frábrugðin
hinum og því þarf að varast allar
tískusveiflur sem mögulega henta
sumum en alls ekki öllum. Við erum
sem betur fer ekki steypt í sama form
og það á líka við um innri starfsemi
líkamans, bæði hvað varðar matvörur
eða hreyfingu. Það sem hentar Jóni
hentar ekki alltaf Sigga í næsta húsi.
Við verðum öll að finna okkar eigin
takt eftir eigin sannfæringu og lifa eft-
ir því.“
Hvað erum við Íslendingar að
gera ólíkt öðrum þjóðum?
„Við erum með kæki þegar kemur
að sætindum, söltum mat og mæjo-
nesi. Eins erum við mikið í öfgunum í
stað þess að byggja á því sem er að
virka í okkar menningu. Ísland er land
öfganna og ég tel að við kunnum ekki
alveg að vera í slökun og jafnvægi. Við
erum sífellt á þeytingi. Eina stundina
erum við á ketófæðinu og aðra stund-
ina á Atkins. Að mínu mati er sem
dæmi ketó ekki fyrir alla, þar sem
mikil fita og prótein getur valdið
vandamálum í nýrum hjá sumu fólki.
Þess vegna mæli ég með því fyrir alla
sem ætla að umbylta mataræðinu sínu
á þennan hátt að vera undir hand-
leiðslu lækna þegar þeir fara í gegnum
svoleiðis breytingar.“
Á hverju byggir þín þekking?
„Ég tók grunnmenntun í vestrænni
læknisfræði í mínu námi erlendis en
ég sjúkdómsgreini eftir austrænni
læknisfræði líkama fólks. Hvað gæti
verið kjarninn í áskorunum hjá þeim
sem leita til mín. Ég býð upp á
einstaklingsmeðferð og er mjög með-
vituð um að ekki gildir það sama fyrir
alla. Ef viðkomandi er til dæmis með
kaldan líkama frekar en heitan, eða
meltingin er frekar hæg en hröð, er
allt annað mataræði sem hentar þeim
einstaklingi heldur en hinum. Ég
starfa hins vegar ekki eins og vest-
rænn læknir en geri alltaf kröfu um að
fólk nái árangri hjá mér, annars
myndi ég senda það áfram.“
Hvernig virka nálastungur?
„Nálastungur örva eigin starfsemi
líkamans og aðstoða líkamann í að
gera það sem honum er ætlað að gera.
Við erum sjaldnast í fullkomnu jafn-
vægi. Þó að við reynum það. Þá notum
við nálarnar til að fara inn á rafsvið
líkamans (Qi). Fólk kemur til mín með
allt milli himins og jarðar. Til dæmis
höfuðverki, kvíða, þunglyndi og
streitu. Nálarnar losa spennu, slaka á
taugakerfinu og losa um innri spennu.
Kvíði getur einnig verið tengdur melt-
ingunni. Ég fer heildrænt yfir það sem
fólk er að gera og passa upp á að
kjarninn í starfsemi hvers og eins sé
að starfa rétt.“
Þórunn segir að stundum sjái hún
að það vanti upp á svefn eða að melt-
ingin sé í ólagi. En markmiðið er alltaf
að vinna í rót vandans. „Ef þú finnur
rótina fara allar aðrar flækjur úr lík-
amanum.“
Hvað með fólk sem er í krabba-
meinsmeðferð, leitar það til þín?
„Já þá get ég aðstoðað fólk við að
styrkja varnarkerfi líkamans og róa
taugakerfið, hvort sem það er í með-
ferðum eða ekki við krabbameininu.“
Hvaða þjálfun hefur þú
fengið í þínu starfi?
„Ég vann á háskólasjúkrahúsinu í
UCLA og vann á meðferðarstofnun á
afvötnunardeild. Ég var í
Emperor’s College of Traditional
Oriental Medicine háskólanum í Kali-
forníu. Þeir sem útskrifuðust með mér
á sínum tíma starfa margir á sjúkra-
húsum víða um Bandaríkin.“
Hvað gera þeir þar?
„Þeir nota nálastungur fyrir þá sem
til dæmis þola ekki sterk verkjalyf.
Það er vinsælt sér í lagi þar sem opíóí-
ðafaraldur er að skapa mikið vanda-
mál í Bandaríkjunum núna.“
Er þér vel tekið á spítölunum hér?
„Það vantar töluvert upp á að brúa
bilið á milli vestrænna lækninga og
austrænna hér á landi. Ég finn fyrir
fordómum sem ég túlka sem fáfræði
um hvað austræn læknisfræði hefur í
för með sér. Sem dæmi er ég með sex
ára nám í að veita fólki nálastungu-
meðferð. Það eru mikil fræði á bak við
það og vildi ég ekki vera minna und-
irbúin undir að nota nálastungur en ég
fékk í minni þjálfun. Hins vegar hef ég
heyrt að hér á Íslandi sé fólk með
grunnmenntun innan heilbrigðiskerf-
isins, svo sem sjúkraþjálfarar, að læra
nálastungur á tveimur helgum. Það
kallast kukl út frá mínu kenn-
ingakerfi. Ég held það væri eðlilegast
og heilbrigðast að þessir tveir heimar
ynnu meira saman. Enda markmiðið á
endanum alltaf líðan fólksins sem leit-
ar til okkar; að það fái bata og betra
líf.“
Morgunblaði/Arnþór Birkisson
„Ísland er land öfganna“
Þórunn Birna Guð-
mundsdóttir er nála-
stungusérfræðingur með
doktorsgráðu í austræn-
um lækningum frá há-
skóla í Kaliforníu. Hún er
formaður Nálastungu-
félags Íslands. Hún segir
austrænar lækningar
áhugaverðan valkost
sem fólk ætti að kynna
sér með opnum huga.
Þórunn Birna
Áhugavert að
brúa bilið á
milli vestrænna
lækninga og
austrænna
hér á landi.
Z-brautir &
gluggatjöld
Opið mán.-fös. 10-18 Faxafeni 14 | 108 Reykjavík | S. 525 8200 | www.z.is |
Úrval - gæði - þjónusta
Rafdrifnar
rúllugardínur
Mælum, sérsmíðum og setjum upp