Morgunblaðið - 19.09.2019, Blaðsíða 58

HK
Bjarni Helgason
bjarnih@mbl.is
Sigríður Hauksdóttir, fyrirliði hand-
knattleiksliðs HK, er meira en tilbú-
in í komandi tímabil í úrvalsdeild
kvenna. HK voru nýliðar í deildinni
síðasta vetur en liðið hélt sér uppi í
efstu deild eftir sigur gegn Fylki í
umspili um laust sæti í efstu deild.
HK endaði í sjöunda sæti á síðustu
leiktíð og er spáð sama sæti af fyr-
irliðum og þjálfurum deildarinnar í
ár.
„Við erum búnar að æfa gríð-
arlega vel í sumar og tímabilið
leggst mjög vel í okkur í Kópavog-
inum. Við teljum okkur vera búnar
að styrkja leikmannahópinn frá síð-
ustu leiktíð og við erum þess vegna
bara spenntar og fullar tilhlökkunar
fyrir vetrinum. Það kemur mér ekk-
ert sérstaklega á óvart að okkur sé
spáð sjöunda sætinu en að sama
skapi förum við inn í alla leiki til þess
að vinna þá. Þess vegna vona ég að
við getum gert betur en sjöunda
sætið og ég hef fulla trú á því að við
getum það.“
Hópurinn reynslunni ríkari
HK-ingar hafa bætt við sig reynd-
um leikmönnum í sumar og telur
Sigríður að það muni hjálpa liðinu
mikið þegar líða fer á veturinn.
„Leikmannahópurinn okkar er
góð blanda af bæði ungum leik-
mönnum og svo leikmönnum sem
eru með reynslu úr efstu deild. Við
erum að fara inn í okkar annað ár í
úrvalsdeildinni og leikmannakjarn-
inn er því reynslunni ríkari og
breiddin í hópnum er orðin meiri.
Við erum með fleiri góða leikmenn
sem geta komið inn og gert gæfu-
muninn, sérstaklega ef við verðum
fyrir einhverjum skakkaföllum.
Kópavogsliðið leikur heimaleiki
sína í Kórnum í vetur en liðið hefur
fram að þessu ætíð leikið heimaleiki
sína í íþróttahúsinu Digranesi.
„Við erum komnar með nýjan
heimavöll núna og það var frábær
stemning á fyrsta heimaleiknum
gegn Val. Mér finnst það rökrétt
skref hjá félaginu að hafa fært
handboltann yfir í Kórinn á þessum
tímapunkti. Meginþunginn af nán-
ast allri starfsemi félagsins er í Kór-
inn og þó að þetta taki kannski að-
eins á þá HK-inga sem eru uppaldir
í Digranesinu þá held ég að þetta sé
til bóta.
Sigríður segir að það sé mikill
uppgangur hjá HK og að yngri
flokka starfið blómstri sem aldrei
fyrr.
„Það er allt á uppleið í hjá félag-
inu og við erum sem dæmi með
mjög öfluga yngri flokka sem eru
allir mjög stórir, bæði karla- og
kvennamegin. Þeir hafa verið að
gera frábæra hluti í sínum ald-
urflokkum og þá hefur einnig verið
mjög jákvæð þróun hjá meistara-
flokkum félagsins. Bæði lið leika í
efstu deild í vetur og vonandi ná þau
bæði að halda sér þar. Það væri svo
auðvitað gaman að sjá liðin vera í
einhverri úrslitakeppnisbaráttu
með meiri stöðugleika en verið hef-
ur undanfarin ár. Markmiðin fyrir
komandi tímabil eru skýr en ég held
að það sé best að halda þeim innan
hópsins. Vð ætlum okkur hins vegar
að gera betur en í fyrra.“
Félaginu í
hag að spila
í Kórnum
Morgunblaðið/Hari
Markahæst Valgerður Ýr Þorsteinsdóttir skoraði átta mörk fyrir HK í
fyrsta leiknum um síðustu helgi þegar liðið beið lægri hlut gegn Val.
 Sigríður ítrekar að reynslan frá síð-
ustu leiktíð hafi styrkt Kópavogsliðið
58 ÍÞRÓTTIR
MORGUNBLAÐIÐ FIMMTUDAGUR 19. SEPTEMBER 2019
Díana Kristín Sigmarsdóttir
Elva Arinbjarnar
Hafdís Shizuka Iura
Jóhanna Sigurðardóttir
Kristín Guðmundsdóttir
Valgerður Ýr Þorsteinsdóttir
Þjálfari: Halldór Harri Krist-
jánsson.
Aðstoðarþjálfari: Kristín Guð-
mundsdóttir.
Árangur 2018-19: 7. sæti og vann
umspil.
Íslandsmeistari: Aldrei.
Bikarmeistari: Aldrei.
 HK tapaði 23:31 fyrir Val í 1.
umferð deildarinnar og fær
Hauka í heimsókn í 2. umferð á
laugardaginn kl. 16.
MARKVERÐIR:
Alexandra Von A. Gunnarsd.
Melkorka Mist Gunnarsdóttir
Sara Sif Helgadóttir
Sunneva Einarsdóttir
HORNAMENN:
Azra Cosic
Kolbrún Garðarsdóttir
Lovísa Líf Helenudóttir
Sigríður Hauksdóttir
Tinna Sól Björgvinsdóttir
LÍNUMENN:
Ada Kozicka
Elna Ólöf Guðjónsdóttir
Sóley Ívarsdóttir
ÚTISPILARAR:
Ágústa Huld Gunnarsdóttir
Berglind Þorsteinsdóttir
Lið HK 2019-20
KOMNAR
Alexandra Von Athena
Gunnarsdóttir frá Fylki
Jóhanna Sigurðardóttir
frá Kongsvinger (Noregi)
Kristín Guðmundsdóttir
frá Stjörnunni
Sara Sif Helgadóttir frá Fram (lán)
FARNAR
Eva Hrund Harðardóttir, hætt
Helena Ósk Kristjánsdóttir, hætt
Ragnheiður Ragnarsdóttir
í Hauka (úr láni)
Þórunn Friðriksdóttir, hætt
Breytingar á liði HK
 HK-liðið fékk góða eldskírn í deildinni á síðasta
ári og kemur reynslunni ríkari til leiks núna.
 Hópurinn er svo til sá sami og í fyrra, sem er
kostur.
 Markvarslan er mikið spurningarmerki þar sem
báðir aðalmarkmenn liðsins hafa ekkert æft
vegna höfuðmeiðsla og óvíst hvenær þær byrja.
 Áhugavert: Hvernig Kristín nær að smita leik-
menn af sínum eldmóði og krafti.
Guðríður Guðjónsdóttir
um lið HK
Noregur
B-deild:
Aalesund – KFUM Ósló........................... 2:1
 Aron Elís Þrándarson og Davíð Kristján
Ólafsson léku allan leikinn með Aalesund,
Hólmbert Aron Friðjónsson lék í 70 mín-
útur en Daníel Leó Grétarsson fékk rauða
spjaldið á 56. mínútu.
Start – Nest Sotra.................................... 2:0
 Aron Sigurðarson skoraði fyrir Start og
lék allan leikinn. Jóhannes Harðarson
þjálfar liðið.
Sandefjord – Strömmen ......................... 2:0
 Viðar Ari Jónsson lék allan leikinn með
Sandefjord en Emil Pálsson sat á bekknum
allan tímann.
Svíþjóð
Bikarkeppnin, undanriðlar:
Gautaborg DFF – Kristianstad.............. 1:5
 Sif Atladóttir lék allan leikinn með
Kristianstad en Svava Rós Guðmundsdótt-
ir var ekki í hópnum.
Kalmar – Linköping................................ 0:1
 Anna Rakel Pétursdóttir lék allan leik-
inn með Linköping.
Halmia – Limhamn Bunkeflo................. 1:3
 Andrea Thorisson lék allan leikinn með
Limhamn Bunkeflo.
Brommapojkarna – Djurgården ........... 0:1
 Ingibjörg Sigurðardóttir skoraði sigur-
mark Djurgården og lék í 60 mínútur en
Guðrún Arnardóttir lék allan leikinn.
 aðrir útsölustaðir
Epal - Laugavegi 70
EPAL - Harpa
Airport fashion - Leifsstöð
Reykjavik Raincoats
LAUGAVEGUR 62, 101 RVK
www.reykjavikraincoats.com
Sími: 5711177 - info@reykjavikraincoats.com
Meistaradeild karla
Flensburg – Elverum.......................... 26:19
 Sigvaldi Björn Guðjónsson skoraði 6
mörk fyrir Elverum.
Sävehof – Rabotnik ............................. 25:24
 Ágúst Elí Björgvinsson varði 14 skot í
marki Sävehof.
Dinamo Búkarest – Kristianstad....... 28:25
 Ólafur Guðmundsson skoraði 4 mörk
fyrir Kristianstad og Teitur Einarsson 1.
Danmörk
Aalborg – Skanderborg...................... 26:26
 Janus Daði Smárason skoraði 3 mörk
fyrir Aalborg en Ómar Ingi Magnússon lék
ekki með.
GOG – Aarhus ...................................... 33:30
 Óðinn Þór Ríkharðsson skoraði eitt
mark fyrir GOG og Arnar Freyr Arnarsson
1. Viktor Gísli Hallgrímsson varði 9 skot.
Noregur
Byåsen – Oppsal .................................. 30:27
 Thea Imani Sturludóttir skoraði 5 mörk
fyrir Oppsal.
Frakkland
Chartres – París SG ............................ 30:36
 Guðjón Valur Sigurðsson skoraði 4 mörk
fyrir PSG.
Austurríki
West Wien – Ferlach ........................... 26:23
 Guðmundur Hólmar Helgason skoraði
ekki fyrir West Wien.