Morgunblaðið - Sunnudagur - 29.09.2019, Blaðsíða 10

10 MORGUNBLAÐIÐ SUNNUDAGUR 29.9. 2019
Elsku nautið mitt, það á ekkert eftir að slá þig út af laginu og þó þú hafir
færst of mikið í fang og þér finnist þú haldir á of mörgum boltum eins og gyðjan Durga úr
hindúatrú sem er með að minnsta kosti átta hendur og hefur öll þau vopn sem þarf til að
verjast og berjast fyrir hinu góða. Þannig verður tími fyrir þig til að klára allt þó að það sé
kannski ekki alveg núna á eftir. Þú hefur ekki alveg fullkomna stjórn og frestar einu og öðru,
en fáðu engan móral yfir því, vegna þess að þau verkefni falla í réttar skorður fyrr en þig
grunar.
Það er friðarára yfir þér elsku nautið mitt og krafturinn sem hið fulla tungl í hrút gefur
þér hinn 13. október mun gefa þér orku eins og þú hefur ekki upplifað á síðustu mánuðum.
Þú lengir í ólinni þinni, veitir þér meira frelsi og nýtur svo fallega þess sem lífið er að gefa
þér og það er svo mikilvægt þú gefir þér líka tíma til þess að sofa og hvílast, því svefninn
eyðir gömlum sorgum.
Þó að þú finnir fyrir vonbrigðum skaltu bara alls ekki gefa þeim tíma eða velta þér upp úr
þeim því þá missirðu þennan dásamlega mátt sem er að koma til þín.
Þú þarft að taka tillit til svo margra, en nennir því ekki alveg og hefur áhyggjur af að það
sé verið að valta yfir þig, en það er sko eitthvað sem verður ekki mögulegt því þú munt hafa
eðli bambussins, þú getur bognað en brotnar ekki og þeir sem þú óttast eiga að einhverju
leyti eftir að reyna að verða vinir þínir því þú hefur eitthvað sem þá vantar, svo sýndu víðsýni
og sjáðu það góða í þeim sem þú hræðist eða hefur áhyggjur af.
Undir friðaráru
NAUTIÐ | 21. APRÍL 20. MAÍ
Elsku Krabbinn minn, þú ert að taka svo mikla ábyrgð á öllu og ert að sýna svo
mikla fyrirmynd með því að halda bara áfram og bera höfuðið hátt. Þú gengur frá og leysir úr þeim
hnútum sem hafa bundið þig niður og lætur svo miklu færra flækjast fyrir þér en þú hefur vanalega
gert, og þótt þú þreytist í þessu maraþoni sem þú hefur skráð þig í þá gerir það ekkert til, því það
kallast bara lífið.
Eftir smá ókyrrð eins og gerist oft þegar þegar við fljúgum í gegnum storm þá á örskotsstundu
ertu kominn á annan stað og manst ekkert eftir þeim víbringi því nýir dagar og tækifæri eru að
mæta þér og verkefnin sem blasa við þér eru léttari en þig grunar, fólk hrósar og heillast af þér og
þó þér finnist ekki alltaf þú eigir það skilið, þá skaltu leyfa þér að njóta þess og lifa í mínútunni sem
er núna.
Þetta hefur verið viðburðaríkt sumar og veturinn á eftir að verða stilltari og sýna þér betur hvers
þú ert megnugur og það er svo mikilvægt fyrir þig að drepa stressið með því að veita því ekki at-
hygli, því það sem þú veitir athygli vex og dafnar eins og Guðni rope yoga kennari orðar það.
Það er eins og þú sjáir undarlegar tilviljanir næstu mánuði og það er ástæða fyrir öllu og ekkert
er í raun og veru tilviljun en þú verður eitthvað svo mikið vitrari, finnst þú öðlist innri visku og ert að
læra svo margt sem þróar þig í þann sterka persónuleika sem þú hefur svo sannarlega að bera.
Það er eins og það sé svo sterkt net í kringum þig sem gefur þér þann kraft, óttaleysi og seiglu
sem þig vantar og sem leyfir þér að elska næstu vikur, því þessi tími er tengdur ástinni, fjölskyld-
unni og ef ástin er ekki nú þegar til staðar er hún styttra frá þér en þú heldur og mörg ykkar munu
finna hina einu sönnu ást áður en langt um líður.
Ástæða fyrir öllu
KRABBINN | 21. JÚNÍ 20. JÚLÍ
Elsku hrúturinn minn, það er svo sérkennilegt valdatafl í kringum þig,
hvort sem það tengist fjölskyldu, vinahóp eða hvað svo sem þú ert að fara í gegnum og
það er svo mikilvægt í öllu þessu að þú skoðir ofurvel hvernig þú ætlar að takast á við
þetta.
Þú þarft að nota visku til að sjá hvernig þú ætlar að heyja þennan bardaga og þarft svo
sannarlega að fá fólk með þér í lið hvar sem það stendur, því í því felst sigurinn. Núna
þarftu að nota orðheppni þína, jafnvel smjaður og pínu daður er það sem kemur þér lengst
og peningalega verðurðu betur settur, svo hættu að óttast þá hlið.
Yfir lífi þínu hefur ein setning alltaf verið svo sterk; þetta reddast, því það hefur alltaf
gert það, hláturinn og grínið að lífinu og sjálfum þér styrkir þig svo sannarlega og það er
þitt tungl sem skreytir hinn 13 október, sem er sunnudagur, svo þetta er svo innilega þinn
mánuður. Kraftinn og orkuna til þess að stíga upp úr öllu því sem þú kærir þig um færðu
úr náttúrunni, sjónum, fjöllunum og tunglinu sem gefur þér nokkurs konar endurfæðingu.
Skoðaðu mjög skýrt hvað þú ætlar að velja inn í líf þitt, því orkan sem alheimurinn er
að senda til þín magnar tvöfalt upp allt sem þú hugsar og biður um, svo vandaðu þínar
hugsanir því þær verða líf þitt.
Gefðu þeim verkefnum sem eru framundan meiri lit og ákveddu að þú ætlir að hafa
gaman af þeim, hversu leiðinleg sem þau virðast vera, svo hugsaðu þegar þú ferð til vinnu
eða í skóla, mikið ætla ég að skemmta mér vel, því orð eru álög og þú hefur aflið.
Gefðu verkefnunum lit
HRÚTURINN | 21. MARS 20. APRÍL
Elsku tvíburinn minn, þér finnst svolítið þú þurfir að ganga frá öllum
mögulegum og ómögulegum hlutum, það pirrar andann þinn og orkuna svo skoðaðu bara
aðeins betur þá sérðu það er nákvæmlega best fyrir þig að gera ekki neitt.
Leyfðu öllu sem er að gerast að halda áfram sínum vanagang án þess að þú hafir stór-
felldar áhyggjur, því að fyrir framan þig er stoppmerkið sem þýðir ekki endilega þú
þurfir að stoppa lengi en þú verðir að líta til hægri og vinstri áður en þú ferð yfir götuna
eða áður en þú heldur áfram.
Það er mikil vernd yfir öllu í kringum þig, það er passað upp á þig og þegar líður á
mánuðinn sérðu að það verða ótrúlegustu hlutir sem koma til þín eins og á silfurfati,
þetta tengist öryggi og ástinni í öllum þeim litum sem hún getur verið. Það mun koma til
þín töluvert af peningum þó að það sé ekki endilega það sem þú leitar eftir, en líka betri
heimilisaðstæður.
Rifrildi og ósætti pirra orkuna þína, en það er eitthvað sem stoppar bara stutt við og
engin ástæða til að taka það allt of alvarlega því eins og þessar kringumstæður virðast
erfiðar verður útkoman góð og þú skilur ekkert í því af hverju þú varst að láta þetta
hafa áhrif á þig.
Þetta verður góður vetur fyrir þig, elskan mín, hann mun koma þér á óvart, þú
munt sjá sólina alls staðar og það verður mikið að gera og þér líður svo vel í hjart-
anu og sálinni því þú veist þú ert að gera rétt og stendur með þér í því sem þarf að
gera.
Best að gera ekki neitt
TVÍBURINN | 21. MAÍ 20. JÚNÍ
Elsku ljónið mitt, þú þarft að halda áfram á fullum krafti, en hugsaðu aðeins
til baka og skoðaðu hvenær þér leið sem best, hvað þú varst að gera og framkvæma þegar
þér leið svona vel. Leyfðu þeirri orku núna að flæða til þín, þótt þú þurfir að taka ákvörðun
um breytingar og fara út fyrir þægindarammann, sýndu hversu hnarreist þú getur verið og
stolt af því að taka þessar ákvarðanir til að breyta lífi þínu.
Það er svo mikilvægt þú takir ákvörðun því ef þú ætlar að bíða með breytingar og láta allt
vera fast í sama farinu þá verðurðu svo pirrað ljón og flestir óttast það, en það er ekki þannig
sem þú vilt opinbera þig.
Ástin er allt í kringum þig eins og stjörnur himinsins og þú fyrirgefur bæði sjálfum þér og
öðrum og líður betur og betur með hverjum degi og þá mun þetta afl sem þú hefur heilla
hvaða manneskju sem þú vilt heilla. Og þá skiptir svo miklu máli að taka fyrsta skrefið, því
ekki nokkur skapaður hlutur gerist hjá þér núna nema þú veljir að gera það sjálft.
Þú munt hressa þína fjölskyldumeðlimi við og breiða út jákvæðni líkt og góður fyrirlesari
þegar líða tekur á mánuðinn og í hvert skipti sem þú hressir aðrar sálir við líður þér sjálfu
betur. Þú ert að jafna þig á svo mörgu og þegar veturinn knúsar þig finnurðu leið út úr þeim
vandamálum sem hafa stressað þig síðustu vikur og mánuði.
Þú skalt framkvæma strax þær hugmyndir sem kalla á þig, því þú hatar að festast í hjólför-
um, það er líka svo ömurlega leiðinlegt og þreytandi og fyllir þig leti sem þú þolir alls ekki.
Leyfðu þér bara vera svolítið montið og ánægt með þig því þá lýsirðu allt upp eins og regn-
boginn!
Ástin allt um kring
LJÓNIÐ | 21. JÚLÍ 21. ÁGÚST
Án endaloka er
ekkert upphaf.
Elsku meyjan mín, þér finnst svo gaman að stússast, að hafa mikið að
gera og tengja þig helst við allt mögulegt sem er að gerast. Þú hefur gífurlegan áhuga á
fólki og færð orku af því að tengja þig við sem flestar mannverur og þú sérð ljósið, friðinn
og ástina fyrir framan þig og þú hefur bara þetta líf svo leyfðu þér að elska.
Þetta er mjög merkilegur tími sem gefur þér mikla athygli svo vertu í flæðinu, taktu
meiri þátt í lífinu, ekki hanga of mikið heima því af engu verður ekkert og þú ert sko eng-
in meðalmanneskja og leiðist að fara milliveginn, ef þér finnst hugur þinn þungur og afl
þitt lítið er það vegna þess að þú kastar þér ekki út í mannfjöldann.
Sterkar tengingar verða við útlönd, erlenda persónu eða eitthvað skemmtilegt og fram-
andi sem þú þarft að skoða nánar. Þetta verður hressandi, góður tími og kraftmikil orka
sem fær þig til að standa upp eins og frelsisstyttan í New York og þú ákveður að bæta við
þig meiri menntun eða þekkingu á einhverju sviði og verður svo dásamlega ánægð yfir því
hvernig hlutirnir blessast.
Miklar freistingar verða í kringum þig og þú veist ekki alveg hvaða stöðu þú átt að
taka í því, leyfðu þér bara að njóta, en ef freistingin felur í sér áhættu láttu hana bara
fara.
Þú ert á merkilegum krossgötum í lífinu þar sem allt gerist hratt og þú þarft að grípa
tækifærin þegar þau gefast án þess að hugsa of mikið annars hverfa þau eins og vind-
urinn. Þú ert miklu sterkari en þú getur ímyndað þér, kíktu í spegilinn og hrósaðu þessari
manneskju sem þú sérð, hún á það svo meira en skilið!
Gríptu tækifærin
MEYJAN | 22. ÁGÚST 22. SEPTEMBER