Morgunblaðið - Sunnudagur - 29.09.2019, Blaðsíða 24

Eftirlíking af skrautmáluðum Rolls Royce, sem John Lennon átti. Eftirherma
Lennons mætti á bílnum þegar uppákoman varð á Abbey Road 8. ágúst.
sólin nánast beint á götuna. Ef mað-
ur skoðar umslagið grannt sést að
skuggar Bítlanna eru nákvæmlega
fyrir aftan þá frá sjónarhorni ljós-
myndarans, en sólin skein skært
þennan dag.
Þótt væri að um ræða stærstu
hljómsveit í heimi var gatan aðeins
lokuð í 10 mínútur. Náðist að taka
sex myndir af Bítlunum ganga yfir
gangbrautina og verður að segjast
eins og er að aðeins ein þeirra,
fimmta myndin, var góð en hinar
voru slappar. Sú mynd var tekin ná-
kvæmlega 11.35 að morgni til.
Hönnuður umslagsins ákvað eig-
inlega að hanna ekki neitt. Í stað
þess að hafa nafn og titil plötunnar
þá lét hann einfaldlega myndina af
Bítlunum þekja allt umslagið. Flest-
ir tóku undir þessi rök hans. Einn af
yfirmönnum hljómplötufyrirtækis
þeirra, EMI, hringdi þó æfur í hann
um miðja nótt, en Bítlarnir sögðu
hönnuðinum að hafa ekki áhyggjur;
þeim litist vel á þetta og þeir réðu.
Umslagið lék stórt hlutverk í að
kynda undir sögusögnum um að
Paul væri látinn. Meðal „raka“ um
slíkt var að númeraplata bjöllunnar,
sem er lagt uppi á gangstétt vinstra
megin á albúminu, var 28IF sem átti
að tákna að Paul yrði á næstkom-
andi ári 28 ára gamall ef hann væri á
lífi. Einnig átti sú staðreynd að hann
var berfættur á umslaginu að vera
vísbending um andlát hans, en hann
var í sandölum á tveimur af þeim
myndum sem ekki gengu upp.
Tæpum tveimur mánuðum síðar,
eða 26. september, var platan svo
gefin út. Hún fékk misjafna dóma til
að byrja með en hefur með tímanum
verið stöðugt meira hampað. Tvö lög
af plötunni, sem voru ekki einu sinni
vinsæl, hafa verið í íslenskri umræðu
síðustu árin. „Oh Darling“ var tölu-
vert spilað í október árið 2008 í
framhaldi af skærum okkar við Al-
istair Darling. Einnig var lagið „She
Came in Through the Bathroom
Window“ töluvert í umræðunni sum-
arið 2014 þegar þáverandi lög-
reglustjóri kom því á framfæri, svo-
lítið upp úr þurru, að það væri eitt af
sínum uppáhaldsbítlalögum.
50 ára afmæli
Síðan platan kom út hefur verið nær
stanslaus straumur af fólki á svæðið
til að taka myndir af sér gangandi
yfir þessa gangbraut. Hægt er að
fylgjast með gangbrautinni á öllum
tímum sólarhringsins til að sjá fólk
ergja bílstjóra Abbey Road við
myndatökur.
Ég ákvað að koma þangað á 50 ára
afmælisdegi ljósmyndarinnar nú í
ágúst. Dró ég tengdaforeldra mína,
konu og þrjú börn með mér. Ferðin
gekk hér um bil áfallalaust fyrir sig
nema hvað rétt áður en við lentum
kom í ljós að vegabréfin, sem ég var
ábyrgur fyrir, fundust ekki. Verð ég
ævilangt þakklátur flugfreyjunum
tveimur sem tóku málið í sínar hend-
ur og fundu þau á gólfinu við sæta-
röðina fyrir aftan. Daginn eftir, 8.
ágúst, þegar ég var farinn að fá smá
roða í andlitið aftur, var farið
snemma í átt að Abbey Road.
Þegar við mættum um níuleytið
voru ekki það margir á kreiki svo
hægt var að ná nokkrum myndum af
okkur þrammandi yfir gangbraut-
ina. Nú var búið að fjarlægja gang-
brautarljósin en bílstjórar sem
keyrðu þarna voru ótrúlega þol-
inmóðir gagnvart fólki sem stöðugt
stöðvaði umferð til að ganga yfir
gangbraut til þess eins að láta taka
mynd af sér, enda væntanlega löngu
orðnir vanir þessu. Þó voru nokkrar
manneskjur greinilega mættar til að
fagna afmælinu. Var þeirra á meðal
kona sem mætti sem stöðumæla-
vörðurinn Lovely Rita (Mynd: # 59)
og Bruce Spizer, sem kom sér-
staklega frá New Orleans en hann
hefur skrifað fjöldamargar bækur
um Bítlana.
Þennan dag var hægt að láta taka
mynd af sér á bílaplani Abbey Road
hljóðversins með bakgrunn ljós-
myndarinnar þar sem búið var, með
aðstoð töluvtækninnar, að eyða Bítl-
anunum út úr myndinni en malbikið
fyrir framan myndina var málað eins
og um gangbraut væri að ræða. Dró
ég auðvitað fjölskylduna í mynda-
töku eins og sjá má. Fattaði ég loks
hvernig Paul is Live umslagið var
gert, sem vísaði bæði í umslagið og
var um leið (aftur) orðaleikur um að
þetta væri hljómleikaplata en líka að
Paul væri sannarlega á lífi. Fram að
því hélt ég að einhver tölvutækni
hefði verið notuð en þetta var í raun
frekar einfalt.
Fjöldinn fagnar
Í framhaldi af „okkar Abbey Road-
myndatöku“ var farið í Abbey Road-
búðina við hliðina á hljóðverinu, sem
var troðfull af fólki. Tókst okkur að
næla í nokkra muni sem margir
hverjir seldust upp á stuttum tíma.
Þegar komið var aftur út var tölu-
verður fjöldi fólks farinn að safnast
saman. Einn maður mætti á gulum
Rolls Royce sem í ljós kom að var
nákvæm eftirlíking af bílnum hans
John Lennons sem hann lét mála í
anda sumars ástarinnar árið 1967.
Fjölmiðlamenn fóru að streyma á
svæðið og eftirhermur af Bítlunum
fóru að birtast. Bestur var Momo
sem George Harrison og síðan annar
maður sem líktist Paul McCartney
nokkuð vel. Momo söng auk þess
bítlalög í gríð og erg. Ekki var um
skipulagða dagskrá að ræða fyrir ut-
an myndatökuna en merkilegt nokk
þá virtist lögreglan ekki hafa haft
hugmynd um atburðinn.
Um ellefuleytið fór fólk að hætta
að virða almennar umferðarreglur
og stóð einfaldlega á götunni, tak-
andi myndir af sér og öðrum.
Nokkrum mínútum síðar mætti lög-
reglan á svæðið og bað fólk um að
fara á gangbrautina. Hlýddi fólk því
í 2-3 mínútur á meðan mesta
umferðarteppan leystist en fór þá á
nýjan leik út á götuna.
Nú gekk lögreglunni ekki neitt að
bægja fólki frá og var gripið til þess
ráðs að beina umferð í aðra áttir,
götunni við Abbey Road var með
öðrum orðum lokað, það stóð miklu
lengur en þann tíma sem Bítlarnir
fengu að athafna sig þegar myndin
sjálf var tekin. Ég heyrði eina mann-
eskju segja með furðu í röddinni að
nákvæmlega það sama hefði gerst
fyrir 10 árum, bjóst lögreglan virki-
lega við einhverju öðru í ár!
Um 11.35 hafði hálfgerð karnival-
stemning gripið um sig á gang-
brautinni. Ég notaði tækifærið og
tók nokkrar myndir með fjölskyld-
una í bakgrunninum. Um það bil
korteri síðar var gatan á nýjan leik
rýmd en margir héldu samt áfram
að syngja bítlalög á meðan fjöl-
miðlafólk var sveitt við að taka við-
töl við fólk á svæðinu, aðallega
bítlahermurnar. Við létum þessi há-
tíðarhöld hins vegar duga, enda fólk
óðum að hverfa af svæðinu. Ég vona
þó að ég nái að endurtaka leikinn
eftir 10 ár.
Már Wolfgang Mixa er fjármála-
fræðingur og Bítlaaðdáandi.
Hægt er feta í fótspor Bítlanna í myndatöku fyrir framan málað tjald af Abbey Road eins og gatan leit út þegar myndin af
þeim var tekin fyrir 50 árum. Greinarhöfundur nýtti sér það ásamt börnum sínum, Mími, Alexíu og Sól.
Bítlarnir arka yfir Abbey Road á plötualbúminu góða. Á þennan stað streyma
Bítlapílagrı́mar og á 50 ára afmæli myndatökunnar fylltist allt af fólki.
Ljósmynd/Már Mixa
24 MORGUNBLAÐIÐ SUNNUDAGUR 29.9. 2019
LÍFSSTÍLL
ÞJÓNUSTA FYRIR
ÁSKRIFENDUR
HLJÓÐMOGGI FYRIR
FÓLK Á FERÐ