Morgunblaðið - 11.10.2019, Blaðsíða 4
4 FRÉTTIRInnlent
MORGUNBLAÐIÐ FÖSTUDAGUR 11. OKTÓBER 2019
V ð f á
2024 SLT
L iðLé t t ingur
Austurvegur 69 - 800 Selfoss // Lónsbakk i - 601 Akureyr i // Sólvangi 5 - 700 Egilsstaðir
Sími 480 0400 // jotunn@jotunn.is // www.jotunn.is
er r
3.190.000
án vsk.
LANDSAT-8-gervitungl banda-
rísku landfræðistofnunarinnar
USGS og geimvísindastofnunar-
innar NASA átti leið yfir Snæfells-
nes hinn 30. september og tók
mynd í bjartviðrinu. Greinilegt er
að Snæfellsjökull hefur talsvert
hopað frá fyrri stærð.
Ingibjörg Jónsdóttir, dósent í
landfræði við jarðvísindadeild Há-
skóla Íslands, teiknaði ofan á mynd-
ina jaðar jökulsins eins og hann var
samkvæmt frumteikningu herfor-
ingjaráðskorts frá árinu 1910, fyrir
109 árum. Ingibjörg sagði að þótt
herforingjaráðskortin væru afar
vönduð og vel gerð væri ekki hægt
að taka þau sem hárnákvæma mæl-
ingu á jöklinum þótt vissulega gæfu
þau góða hugmynd um þróunina.
Neðri mörk þess svæðis þar sem
snjór situr eftir að hausti eru nú á
bilinu 1.100 til 1.400 m.y.s. á vest-
anverðu landinu. Snæfellsjökull er
1.446 metra hár og ef hlýnar um
aðrar tvær gráður á þessari öld
mun hann missa stóran hluta af
ákomusvæði sínu. gudni@mbl.is
Gervitunglamyndir sýna vel landbreytingar
Snæfells-
jökull hefur
rýrnað
Mynd/USGS og NASA/Ingibjörg Jónsdóttir
Snæfellsnes Snæfellsjökull er áttundi hæsti jökull landsins. Teiknaða línan sýnir jökuljaðarinn eins og hann var samkvæmt herforingjaráðskorti frá 1910.
Helgi Bjarnason
Þórunn Kristjánsdóttir
Yfir hundrað starfsmenn Reykja-
lundar standa að yfirlýsingu þar sem
lýst er vantrausti á stjórn stofnunar-
innar vegna uppsagna tveggja helstu
stjórnenda hennar. Telja þeir
stofnunina óstarfhæfa. Farið var með
yfirlýsinguna í heilbrigðisráðuneytið.
Allir sjúklingar í endurhæfingu á
Reykjalundi voru sendir heim í gær-
morgun vegna réttaróvissu sem
skapaðist við það að framkvæmda-
stjóra lækninga var sagt upp
störfum.
„Við lýsum vantrausti á stjórn
Reykjalundar vegna hranalegrar og
ómanneskjulegrar framkomu sem
skapar óvissu, óöryggi og vanlíðan
sem gerir stofnunina í raun óstarf-
hæfa. Fyrirséð er að þetta muni bitna
harkalega á skjólstæðingum sem
þurfa endurhæfingu á þessari
stærstu endurhæfingarstofnun á Ís-
landi,“ segir í bréfi starfsmanna til
heilbrigðisráðherra.
Er þess farið á leit við ráðherra að
gripið verði inn í stöðu mála á
Reykjalundi með hverjum þeim hætti
sem ráðherra telur sér heimilt.
Á starfsmannafundi sem haldinn
var á Reykjalundi í hádeginu í gær las
Sveinn Guðmundsson, starfandi for-
stjóri Reykjalundar, upp svör við
spurningum stjórnar til landlæknis
þar sem fram kom að stofnunin væri
stjórntæk tímabundið þótt fram-
kvæmdastjóra lækninga nyti ekki við.
Óvíst með þjónustu í dag
Ekki er vitað hvort sjúklingar fá
þjónustu á Reykjalundi í dag.
„Enginn hefur gefið okkur upplýsing-
ar um hvað við eigum að gera,“ sagði
Magdalena Ásgeirsdóttir, formaður
læknaráðs Reykjalundar og fulltrúi
starfsmanna, eftir fundinn í gær. „Við
starfsfólkið höfum ekki fengið neinar
leiðbeiningar eða upplýsingar frá
stjórn um hvernig við eigum að haga
starfi okkar. Við treystum okkur ekki
til þess að veita meðferð því við vitum
ekki hver réttarstaða okkar er ef við
myndum vinna einhverjum tjón eða
hver réttarstaða skjólstæðinga okkar
er.“
Jón Gunnar Þorsteinsson sjúkra-
þjálfari segir að megn óánægja sé
meðal starfsfólks vegna „yfirgangs
stjórnarformanns SÍBS“. Þar vegi
þungt ákvarðanir stjórnar SÍBS að
segja upp Magnúsi Ólasyni, fram-
kvæmdastjóra lækninga, eftir ára-
tuga starf, nokkrum vikum fyrir áætl-
uð starfslok, og að gera starfsloka-
samning við Birgi Gunnarsson
forstjóra.
Starfsfólkið hefur skyldur
„Gerð var grein fyrir því og það
yddað fyrir fólki að það ber skyldur
gagnvart sjúklingum sem hingað
sækja. Það er frumskylda okkar. Ég
held að allir sem hér sátu geri sér
grein fyrir því,“ sagði Sveinn Guð-
mundsson, formaður SÍBS og starf-
andi forstjóri Reykjalundar, að lokn-
um fundi með starfsmönnum.
Sveinn sagði ástæður uppsagn-
anna trúnaðarmál og vildi ekki upp-
lýsa um þær.
Á fundinum í gær sagði Sveinn að
nýr framkvæmdastjóri lækninga
tæki væntanlega til starfa í næstu
viku. Þá yrði staða forstjóra Reykja-
lundar auglýst á næstunni.
„Auðvitað er öllum órótt um að
þurfa að fara í þessar aðgerðir sem
við fórum í en stjórnin taldi það nauð-
synlegt og það raðaðist svona upp,“
sagði Sveinn þegar hann var spurður
út í viðbrögð starfsfólks.
Lýsa vantrausti á stjórn Reykjalundar
Morgunblaðið/Þórunn Kristjánsdóttir
Ólga Starfsmenn á Reykjalundi fóru til fundar við forstjóra í gær.
Sjúklingar í endurhæfingu fengu ekki þjónustu í gær vegna vanlíðunar starfsmanna vegna uppsagna
helstu stjórnenda Telja stofnunina óstarfhæfa Skora á ráðherra að grípa inn í stöðu mála
Sóknarnefndir mótmæla áframhald-
andi skerðingu sóknargjalda í um-
sögnum um bandorm vegna fjárlaga
2020. Þær segja að stjórnvöld ætli
enn og aftur að hunsa réttmætar
kröfur um leiðréttingu. Ekki eigi
heldur að bæta upp þá skerðingu
sem orðið hefur frá árinu 2009.
Sóknarnefnd Dómkirkjunnar í
Reykjavík samþykkti „að mótmæla
þessari smánarlegu fyrirhugaðri
hækkun á sóknargjöldum. Nær væri
að fara að óskum þjóðkirkjunnar um
réttmæta leiðréttingu á sóknargjöld-
unum“.
Sóknarnefnd Áskirkju bendir á að
föst krónutala sóknargjalda hækki
úr 925 kr. 2019 í 930 kr. 2020. „Í Ás-
sókn nemur skerðingin um 1,5 mkr. á
mánuði. Með réttu ættu sóknargjöld
til Ássóknar að nema um 3,4 mkr. á
mánuði en eru einungis um 1,9 mkr.
á mánuði á yfirstandandi ári.“
Sóknarnefnd Laufás- og Greni-
víkursóknar vekur athygli á bágri
fjárhagsstöðu sókna og kirkjugarða.
„Í tilfelli okkar sóknar duga sóknar-
gjöldin einvörðungu til að standa
undir kostnaði við organista, upphit-
un tveggja kirkna og afborgun láns
af litlu safnaðarheimili við Greni-
víkurkirkju. Hreppurinn hefur síð-
ustu árin tekið að sér kostnað við að
slá kirkjugarð á Grenivík. Sóknin
þarf að viðhalda tveimur timbur-
kirkjum (Grenivík og Laufás) sem er
kostnaðarsamt. Minjastofnun hefur
veitt styrki sem hefur bjargað því að
þær séu ekki í algjörri niðurníðslu.
Sóknarnefndin er því þeirrar skoð-
unar að sú hækkun sem lögð er til í
frumvarpinu sé allt of lítil.“
Sóknarnefnd Víðistaðakirkju í
Hafnarfirði segir „að heildarskerð-
ing sóknargjalds þjóðkirkjusafnaða
á landinu öllu frá árinu 2009 til 2019
nemur, að teknu tilliti til eingreiðslu
árin 2013 og 2014, tæplega 10,4 millj-
örðum króna“. Víðistaðakirkja hefur
m.a. þurft að segja upp starfsfólki.
„Þá hefur reynst verulega erfitt að
sinna viðhaldi kirkjubyggingar og
annarra kirkjumuna. Á síðustu árum
hefur kirkjan þurft að slá lán fyrir
nauðsynlegu viðhaldi og þyngir það
rekstur hennar enn meira.“
gudni@mbl.is
Sóknarnefndir mótmæla
skerðingu sóknargjalda
Segja stjórnvöld hunsa réttmætar kröfur um leiðréttingu