Morgunblaðið - 11.10.2019, Blaðsíða 34

34 ÍÞRÓTTIR
MORGUNBLAÐIÐ FÖSTUDAGUR 11. OKTÓBER 2019
Í NJARÐVÍK
Skúli B. Sigurðsson
skulibsig@mbl.is
Njarðvíkingar fengu Tindastól í
heimsókn í Njarðtaks-Gryfjuna í 2.
umferð Dominosdeildar karla í gær-
kvöldi. Njarðvíkingar mættu brattir
til leiks eftir sigur í fyrstu umferð en
það voru Tindastólsmenn sem voru
ívið sterkari mestallt kvöldið og lönd-
uðu nokkuð verðskulduðum sigri
83:75 eftir að Njarðvíkingar höfðu
leitt með tveimur stigum í hálfleik.
Njarðvíkingar komu grimmir til
leiks og skoruðu fyrstu 7 stig leiks-
ins. Eftir það hófst ákefð og pressa
frá gestunum og skoruðu þeir næstu
10 stig leiksins. Eftir að hafa tapað
illa í fyrstu umferð gegn Keflavík
sýndu Tindastólsmenn gríðarlegan
karakter í þessum leik. Öskraðir
áfram frá fyrstu mínútu af þjálfara
þeirra, Baldri Ragnarssyni, pressuðu
þeir leikmenn Njarðvíkinga hátt á
vellinum allt frá fyrstu mínútu. Þrátt
fyrir að Einar Árni Jóhannsson,
þjálfari Njarðvíkinga, vildi meina að
þessu hefðu þeir grænklæddu búist
við virtist þessi pressa koma Njarð-
víkingum í opna skjöldu og leikmenn
voru ragir og köstuðu boltanum í sí-
fellu út af eða í hendurnar á gest-
unum.
Vendipunkturinn í leiknum var svo
þriðji leikhluti, sem fyrr segir, þegar
Tindastólsmenn tóku öll völd og
spiluðu við hvurn sinn fingur. Gerald
Simmons, sem minnir óneitanlega á
Kyrie Irving, leikmann Brooklyn
Nets, tók til að keyra að körfu Njarð-
víkinga án þess að liðið kæmi nokkr-
um vörnum við. Varnarleikur Njarð-
víkinga, sem áður hefur verið til
vandræða, lét sig vanta og sóknar-
leikurinn var í besta falli tilvilj-
anakenndur hinum megin á vellinum.
Ef liðið ætlar að stóla á sóknarleikinn
til að vinna leiki kallar undirritaður
þá eftir því að liðið komi boltanum
hraðar fram völlinn og hlaupi. Eitt af
aðalsmerkjum liðsins til margra ára,
sem skilaði fánum í rjáfrin. En vænt-
ingar til beggja liða eru miklar og
öllu er tjaldað til í Skagafirðinum.
Liðið er gríðarlega vel mannað sem
fyrr og Baldur þjálfari kemur með
mikla ákefð og baráttu til liðsins.
„Þetta var sterkt að koma svona til
baka eftir slæmt tap í fyrstu umferð
og gerir mikið fyrir liðið okkar,“
sagði Baldur.
 Íslandsmeistarar KR unnu
öruggan sigur á Haukum, 102:84.
Munurinn var þrettán stig fyrir loka-
leikhlutann og sigurinn aldrei í hættu
eftir það. Bræðurnir Jakob Örn og
Matthías Orri Sigurðarsynir voru
stigahæstir með 23 og 22 stig fyrir
KR, og Michael Craion skoraði 20
stig og tók 9 fráköst. Hjá Haukum
hafði Kári Jónsson nokkuð hægt um
sig og skoraði 8 stig en gaf 10 stoð-
sendingar, en Haukur Óskarsson
hitti afar vel og var með 24 stig.
 Grindavík var áfram án síns
bandaríska leikmanns, Jamal Olase-
were, vegna meiðsla þegar liðið
mætti Keflavík í grannaslag. Úr varð
þó spennandi leikur nánast allt til
enda, en Keflvíkingar voru sterkari á
lokasprettinum og komust auðveld-
lega að körfunni. Dominykas Milka
skoraði 25 stig fyrir þá og Deane
Williams 23 auk þess að taka 10 frá-
köst, og Hörður Axel Vilhjálmsson
skoraði 15 og gaf 12 stoðsendingar.
Hjá Grindavík var Dagur Kár Jóns-
son stigahæstur með 20 stig.
 Valsmenn voru 14 stigum undir
gegn Þór Þ. um miðjan þriðja leik-
hluta, 46:60, en unnu að lokum 14
stiga sigur í staðinn, 87:73. Frank
Aron Booker skoraði 25 stig, þar af
12 stig úr fjórum þristum í lokaleik-
hlutanum, og Pavel Ermolinskij
skoraði 15 stig, tók 8 fráköst og gaf 7
stoðsendingar. Hjá Þór var Vincent
Bailey í banastuði og skoraði 32 stig.
 Stjarnan vann ÍR af öryggi,
103:74. Kyle Johnson skoraði 21 stig
og Jamar Akoh 20 auk þess að taka
11 fráköst, og Hlynur Bæringsson
skoraði 15 stig og tók 12 fráköst. Hjá
ÍR var Georgi Boyanov stigahæstur
með 20 stig og Collin Pryor skoraði
18 á sínum gamla heimavelli.
Tindastóll svaraði fyrir sig
 Eftir slæmt tap fyrir Keflavík sýndu Stólarnir mikla ákefð og baráttu í sigri á
Njarðvík  KR vann Hauka af öryggi  Valur sneri slæmri stöðu við gegn Þór
Ljósmynd/Skúli B. Sigurðsson
Njarðvík Evaldas Zabas sækir gegn Hannesi Inga Mássyni í Njarðvík í gær þar sem Hannes gat fagnað í lokin.
Hversu heitt verður þegar Ól-
ympíuleikarnir og Paralympics
fara fram í Japan á næsta ári?
Eins og fram kemur hjá Andra
Stefánssyni hér á síðunni er
hitastigið helsta áhyggjuefnið
vegna Ólympíuleikanna. Greinir
hann frá því að farið sé að huga
að tímasetningum í úthalds-
greinum vegna þessa. Keppt
verði í þeim á morgnana eða að
kvöldi.
Setningarhátíð Ólympíu-
leikanna í Tókýó verður 24. júlí
og lokahátíðin 9. ágúst. Flottar
dagsetningar út af fyrir sig en
spurning hvernig hitinn og rak-
inn verður í Japan. Ólympíu-
leikarnir hafa áður verið haldnir
í Tókýó og var það árið 1964. En
vel að merkja voru þeir þá
haldnir í október. Paralympics
verða 25. ágúst til 6. septem-
ber.
Í bandaríska blaðinu New York
Times er að finna grein þar sem
því er spáð að leikarnir verði
þeir „heitustu“ í sögunni og er
þar vísað til hitastigs og raka.
Því fylgir rökstuðningur um að
sumrin í Japan einkennist gjarn-
an af miklum hita og raka. Ekki
þurfi hitabylgju til.
Blaðið fullyrðir að sé þessi
tími skoðaður síðustu tvö árin,
lok júlí og byrjun ágúst, hafi
tugir þúsunda lent á sjúkrahúsi í
Japan vegna veðurs. Rúmlega
eitt þúsund létu lífið og þar af
voru fleiri en 150 í Tókýó.
Hvernig skyldi standa á því
að alþjóða ólympíunefndin leyfði
þessar tímasetningar? New York
Times hefur eftir Dick Pound,
fyrrverandi nefndarmanni, að
handhafi sjónvarpsréttar í
Bandaríkjunum þrýsti mest á að
leikarnir fari fram á þessum
tíma. Þaðan komi um helmingur
af þeim sjónvarpstekjum sem
skila sér vegna Ólympíuleika.
BAKVÖRÐUR
Kristján Jónsson
kris@mbl.is
TÓKÝÓ 2020
Kristján Jónsson
kris@mbl.is
Japönum gengur vel að búa sig
undir gestgjafahlutverk sitt á
næsta ári þegar Ólympíuleikarnir
og Paralympics verða haldnir í
Tókýó í júlí og ágúst. Morgun-
blaðið ræddi við Andra Stefánsson,
sviðsstjóra Afreks- og ólympíu-
sviðs ÍSÍ, um gang mála. Var hann
einn þeirra sem fóru fyrir hönd
Íþrótta- og Ólympíusambandsins
að kanna aðstæður í Tókýó í síð-
asta mánuði. Að sögn Andra hefur
fólk litlar áhyggjur af því að Jap-
anir lendi í tímahraki en áhyggj-
uraddir heyrast vegna hitans þeg-
ar leikarnir fara fram.
„Ólympíuþorpið er komið lang-
leiðina. Við skoðuðum íbúðir og
aðra aðstöðu sem er þar. Þeir eru
að tengja saman tvö svæði; ólymp-
íusvæðið þar sem það var þegar
Japan hélt leikana síðast (1964) og
hins vegar svæðið þar sem mikil
uppbygging hefur verið. Þar eru
margar nýjar og flottar byggingar
og margir keppnisstaðir. Akkúrat
þarna á milli verður ólympíuþorpið
á nýrri uppfyllingu. Er það minna
að flatarmáli en í London 2012.
Staðsetningin er þægileg og að-
staðan flott en um leið reyna gest-
gjafarnir að vera hagkvæmir í
byggingu. Verður þessu breytt í
íbúðarhúsnæði að loknum eins og
eftir alla Ólympíuleika. Margt sem
er notað er til bráðabirgða. Nú er
horft til þess hvernig nýta megi
hlutina en einnig til umhverfis-
mála,“ sagði Andri.
Mannvirkin á áætlun
Fyrir leikana árið 2016 voru
talsverðar vangaveltur um hvort
Brasilíumönnum tækist að upp-
fylla þær kröfur sem til þeirra
voru gerðar varðandi leikana í Ríó
og ljúka framkvæmdum í tæka tíð.
Í ólympíuhreyfingunni virðist fólk
ekki hafa neinar slíkar áhyggjur
varðandi leikana í Tókýó.
„Keppnismannvirkin eru bara á
mjög góðri siglingu. Við fengum
ekki að sjá mörg þeirra innandyra
en sáum mörg að utan. Þar virðist
allt vera á áætlun en enginn hefur
áhyggjur af því að Japanir muni
ekki klára á réttum tíma, ólíkt því
sem var í Ríó fyrir fjórum árum
eða í Aþenu árið 2004,“ sagði
Andri. Hitinn og rakinn í lok júlí
gæti hins vegar orðið vandamál.
Þolgreinar ekki yfir hádaginn
„Því sem þeir geta stjórnað
gera Japanir vel. Áhyggjuradd-
irnar undanfarið snúast um hitann
í Tókýó á þeim árstíma sem leik-
arnir fara fram. Þeir hafa þurft að
bregðast við því og hafa til að
mynda fært keppnistímann í
maraþonhlaupi til. Einnig er það
til skoðunar í fleiri þolgreinum
eins og þríþraut að byrja fyrr.
Ekki verður keppt yfir hádaginn í
vissum greinum á leikunum. Út-
haldsgreinar í frjálsum verða til
dæmis á kvöldin. Einnig munu
þeir setja sérstakt undirlag þar
sem hlaupið verður, til að minnka
endurvarp frá sól og annað. Er
því verið að finna alls kyns lausnir
til að bregðast við hitanum og
verður áhugavert að sjá hvernig
það kemur út,“ sagði Andri Stef-
ánsson enn fremur við Morgun-
blaðið.
Undirbúningur Japana gengur vel
 Hitastigið nánast eina áhyggjuefnið fyrir leikana 2020  Reynt að færa tímasetningar á greinum til vegna hita
Ljósmynd/ÍSÍ
Afrekssviðið Örvar Ólafsson og Andri Stefánsson, starfsmenn afrekssviðs ÍSÍ, með kyndilinn.