Morgunblaðið - 11.10.2019, Blaðsíða 6

Morgunblaðið/Eggert
Arctic Circle Um 2.000 þátttakendur eru á ráðstefnunni í ár og koma þeir frá á sjötta tug þjóðlanda.
Ræðumönnum á Arctic Circle,
Hringborði norðurslóða, er þátt-
taka ungs fólks í umræðunni um
málefni norðurslóða og loftslags-
mál hugleikin. Framtíð norðurslóða
verður ekki ákveðin án opins og
heiðarlegs samtals, sagði Ólafur
Ragnar Grímsson, formaður Arctic
Circle, í opnunarræðu sinni.
Ráðstefnan er haldin í sjöunda
sinn hér á landi. Hún hófst í Hörpu í
gær og stendur fram á sunnudag. Í
ár sækja um tvö þúsund þátttak-
endur ráðstefnuna, frá 50-60 lönd-
um. Rædd eru ýmis málefni norð-
urslóða og líklegt að tengsl lofts-
lagsvár við norðurslóðir komi
mikið við sögu. Ólafur Ragnar
kvaðst þakklátur fyrir þann aukna
áhuga sem ráðstefnunni hefur
verið sýndur á alþjóðavettvangi.
Katrín Jakobsdóttir forsætisráð-
herra gerði umhverfismál á
norðurslóðum að umræðuefni í
ræðu sinni og mikilvægi þess að
hlusta á unga fólkið. „Við ættum að
hlusta með athygli á unga fólkið
sem skrópar í skólanum til að mót-
mæla fyrir loftslagið og safnast
saman fyrir utan þinghúsin viku
eftir viku. Þau krefja stjórnmála-
menn um aðgerðir og stjórnmála-
menn verða að vera meðvitaðir um
að lausnir á loftslagsvánni eru til
staðar,“ sagði Katrín. „Ungir
aðgerðasinnar eiga að njóta sömu
réttinda og forsætisráðherrar og
aðrir leiðtogar heimsins til að koma
skoðunum sínum á framfæri,“ sagði
Ólafur Ragnar.
Pallborð Antti Rinne, forsætisráðherra Finnlands, og Katrín Jakobsdóttir tóku þátt í umræðum
við opnun ráðstefnunnar ásamt Ólafi Ragnari Grímssyni, formanni Arctic Circle.
Þátttaka Viktoría, krónprinsessa Svíþjóðar, tekur þátt í ráðstefnunni. Við hlið hennar er
Dorrit Moussaieff. Hringborð norðurslóða hófst í Hörpu í gær og stendur fram á sunnudag.
Hlustað verði
á unga fólkið
 Ráðstefnan Arctic Circle hófst í gær
6 FRÉTTIRInnlent
MORGUNBLAÐIÐ FÖSTUDAGUR 11. OKTÓBER 2019
Steinþór Guðbjartsson
steinthor@mbl.is
Afmæli er gjarnan tilefni til uppákomu en ekki er víst að
margir 100 ára fari í óvissuferð með gistingu eins og
Guðrún Helgadóttir gerði í gær, á 100 ára afmælisdeg-
inum. „Ég má ekki vera að því að tala lengi við þig því
börnin fara að koma að ná í mig,“ sagði hún í gærmorg-
un. „Ég er kvölddrollari og sef því út á morgnana.“
Afmælisbarn gærdagsins er fljótt að ná áttum og hún
er skýr í hugsun. „Ég hef það eins gott og gömul kona
getur haft það, er við góða heilsu og á yndislega fjöl-
skyldu.“ Er með hugann við ferðina en segist annars
ekki vera mikið á ferðinni. „Ég fer eitthvað þegar börnin
sækja mig en annars geng ég bara úti á stétt með
grindina mína. Sumarið í sumar var yndislegt og ég get
enn setið úti. Ég man síðast eftir svona góðri tíð 1939, þá
var sumarið svona og haustið var sérstaklega gott.“
Undanfarinn áratug hefur Guðrún verið lögblind. Hún
sér samt örlítið frá sér eins og skugga og getur spilað á
stór spil. Hún býr ein í eigin íbúð en fer í hádegismat á
Hrafnistu í næsta nágrenni og fær aðstoð við þrif á
tveggja vikna fresti. „Ég hlusta mikið á hljóðbækur frá
Blindrafélaginu, það eyðir tímanum,“ segir hún og legg-
ur áherslu á að hún geri ekki miklar kröfur. „Ég hlusta á
allt sem ég fæ sent, skáldsögur, ævisögur og fleira. Núna
er ég að hlusta á Bjart í Sumarhúsum.“
„Ómerkileg“ húsmóðir
Guðrún fæddist á Láganúpi í Kollsvík í Vestur-
Barðastrandarsýslu 10. október 1919. „Kollsvík er fal-
legasti staður á landinu, náttúrlega,“ segir hún um
æskustöðvarnar, en ung flutti hún til Reykjavíkur og var
tvígift. Með fyrri manninum eignaðist hún eina dóttur
eftir að hann fórst og síðan fimm börn með seinni mann-
inum. „Ég var „ómerkileg“ húsmóðir alla tíð, hugsaði um
börnin mín og fjölskyldu,“ segir hún og greina má hæðni
í rómnum enda fylgir nánari skýring: „Það hefur nefni-
lega ekki verið talin merkileg vinna að hugsa um heimili.
Einu sinni heyrði ég sagt í útvarpinu að þjóðlífið hefði
farið að blómgast þegar konurnar fóru út að vinna. Það
var ekki vinna að hirða sex börn og þjóna þeim að öllu
leyti. Mér þótti þetta svolítið hart.“
Guðrún í óvissuferð á
hundrað ára afmælinu
Tímamót Guðrún Helgadóttir og Ólafur Árnason,
bróðursonur hennar, eiga afmæli 10. október.
 Segir heimilisstörf og
uppeldi barna ekki metin að
verðleikum í samfélaginu
Atvinna